Փաստ ինֆո

Անկախ Միքայել Համբարձումյանի նկատմամբ իմ վերաբերմունքից, հարցազրույցը շատ խորն էր, կարևոր և գրագետ։ Սա արդեն երրորդ բարձրաստիճան սպան է Մովսես Հակոբյանից և Օնիկ Գրիգորյանից հետո, որը լույս է սփռում պատերազմի ժամանակ Նիկոլ Փաշինյանի գործողությունների վրա։ Այս մասին ՀՀ նախկին դեսպան Միքայել Մինասյանը գրում է Տելեգրամ ալիքում:

Երեկ Ազգային Անվտանգության ծառայության տնօրենի նախկին պաշտոնակատար Միքայել Համբարձումյանը հարցազրույց է տվել, որում, մասնավորապես, հայտարարել է.

1. Ազգային Անվտանգության Ծառայությունը գիտեր, որ պատերազմ է լինելու, և այդ մասին ժամանակին տեղեկացրել էր Ինչպես Նիկոլին, այնպես էլ Անվտանգության խորհրդին։

2. Պատերազմի սկսվելուց 3-4 օր անց ակնհայտ դարձավ, որ ճակատում իրավիճակն աղետալի անբարենպաստ է. վարչապետինայդ մասին զեկուցել ենք՝ ես, Օնիկ Գասպարյանն ու Դավիթ Տոնոյանը։ Կար կոնսենսուս՝ պատերազմը պետք է կանգնեցնել:

3. Նիկոլը հանգամանորեն տեղեկացված էր ռազմաճակատում ստեղծված իրավիճակի մասին, և մենք չէինք հասկանում, թե ինչու նա գործողություններ չէր ձեռնարկում պատերազմը դադարեցնելու համար։

4. Կապիտուլյացիայից հետո իմացանք, որ հոկտեմբերի 20-ին ռուսական կողմը խաղաղության առաջարկ է ներկայացրել, որից Նիկոլը հրաժարվել է։

Անհրաժեշտ է հիշել համատեքստը. հոկտեմբերի 20-ը պատերազմի կեսն է, Մենք ծանր կորուստներ ունեցանք, սակայն 20-ին կնքված խաղաղությունը կլիներ պարտության խաղաղություն, այլ ոչ թե կապիտուլյացիա։ Արդեն այսօր պարզ է, որ բարձրագույն սպաները Նիկոլին լիարժեքորեն իրազեկել են ռազմաճակատում տիրող իրավիճակի մասին։ Սակայն Նիկոլն անվտանգության խորհրդի անդամներից միտումնավոր թաքցրել է խաղաղ առաջարկները (առնվազն նա թաքցրել է հոկտեմբերի 20-ի պուտինյան խաղաղության առաջարկը)։ Արդեն հիմա ակնհայտ է, որ Նիկոլը միանձնյա որոշում է կայացրել պատերազմը շարունակելու մասին, նույնիսկ այն բանից հետո, երբ պրոֆեսիոնալները խոսում էին դրա շարունակման վտանգի մասին։ Ամենակարևորը (այդ մասին Միքայել Համբարձումյանը լռել է), ինչը մեզ բոլորիս հայտնի է՝ և հոկտեմբերի 20-ից առաջ և հետո Նիկոլին առաջարկվում էին պատերազմի ավարտի սցենարներ, որոնք նույնպես մերժվել են։

Վերը նշվածի եզրակացությունները տխուր են.
1. Մենք ապրում ենք առավել զզվելի ձևի արեւելյան բռնապետության մեջ. Սուլթան թքած ունի մասնագետների կարծիքի վրա։ Եվ թող ձեզ չթվա, որ դա պատահականություն է, դա կանխամտածված, մտածված և ծրագրված մարտավարություն է։

2. Նիկոլն ունի ծրագիր. իշխանության է եկել Ադրբեջանի ու Թուրքիայի շահերն առաջ մղելու համար։ Այս ծրագիրը կատարվում է նաեւ հիմա. դրա կատարումը չի դադարեցվել։

Եվ եթե որևէ մեկին թվում է, թե ամեն ինչ ավարտվել է, սխալվում եք։

Ամեն ինչ դեռ ընթացքի մեջ է:

Աղբյուր` Փաստինֆո