ՀԺՄ-ը դատապարտում է լրատվամիջոցներին ու լրագրողներին թիրախավորելու, անթույլատրելի բառապաշարով պիտակավորելու բոլոր փորձերը

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/28/2024 21:45 Վաղը այս հասցեներում լույս չի լինի 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

ՀԺՄ-ը դատապարտում է լրատվամիջոցներին ու լրագրողներին թիրախավորելու, անթույլատրելի բառապաշարով պիտակավորելու բոլոր փորձերը 10/06/2020 19:30 | Ադրբեջանական ռազմական ագրեսիա-2020

Սեպտեմբերի 27-ից սկսված պատերազմական գործողությունների առաջին օրվանից բոլոր լրատվամիջոցները բարեխղճորեն կատարում են իրենց մասնագիտական առաքելությունը՝ հասարակությանը ներկայացնելով կատարվածի մասին տեղեկություններ, ընդ որում, դա կատարում են՝ խստորեն հետևելով պատկան մարմինների կողմից տեղեկատվական անվտանգության նկատառումներով սահմանված կանոններին։

Լրագրողներն ունեն շատ տեղեկություններ, սակայն պահպանելով երկրում հայտարարված ռազմական դրության պայմանները, հրապարակում են դրանց չնչին մի մասը՝ պատերազմական իրավիճակում ռազմաքաղաքական ղեկավարությանը և պետությանը չվնասելու նպատակով։

Ցավոք, սակայն, բազմաթիվ պետական պաշտոնյաներ, այդ թվում՝ պատգամավորներ, մի շարք հանրային գործիչներ թիրախավորում են առանձին լրատվամիջոցների ու լրագրողների՝ խտրություն չդնելով օգտագործվող բառամթերքի, լրագրողներին տրվող պիտակավորումների միջև։ Եվ շատ հաճախ նրանք օգտագործում են այնպիսի բառամթերք, որը հարիր չէ պետական պաշտոնյային ու հանրային գործչին: Ընդհուպ արձանագրվել են հանրային գործիչների կողմից լրագրողների նկատմամբ սպառնալիքների, ֆիզիկական բռնություն գործադրելու դեպքեր։

«5-րդ ալիք» հեռուստաընկերության տնօրեն Հարություն Հարությունյանն իր ֆեյսբուքյան էջում քիչ առաջ տեղեկացրեց, որ այսօր ԱԺ-ում «5-րդ ալիքի» լրագրողի կողմից իր մասնագիտական գործունեության իրականացման ընթացքում տեղի է ունեցել միջադեպ ԱԺ «Իմ քայլը» խմբակցության պատգամավորներ Քրիստինե Պողոսյանի, Արթուր Հովհաննիսյանի և լրագրողի միջև: Մասնավորապես, պատգամավորը երկու անգամ հարվածել է լրագրողի ձեռքին գտնվող խոսափողին, այնուհետև հնչեցրել է սպառնալիքներ լրագրողի հասցեին: Ընդհարման պատճառ է դարձել լրագրողի հնչեցրած հարցը՝ ավելի վաղ այդ պատգամավորներից մեկի կողմից տվյալ լրատվամիջոցի հասցեին կատարված վիրավորական գրառման վերաբերյալ։

Հ. Հարությունյանը նաև տեղեկացրել է, որ իրավաբանի հետ քննարկում են օրենքով սահմանված հնարավոր միջոցների ձեռնարկումը, այդ թվում՝ ՀՀ Գլխավոր Դատախազություն դեպքի վերաբերյալ հաղորդում ներկայացնելը:
Հ. Հարությունյանը Հայաստանի ժուռնալիստների միությանն է տրամադրել տեսանյութը, որում ակնհայտ է պատգամավորների անթույլատրելի և ամոթալի վարքագիծը:

Հայաստանի ժուռնալիստների միությունը խստորեն դատապարտում է լրատվամիջոցներին ու լրագրողներին թիրախավորելու, սոցիալական ցանցերում և ԶԼՄ-ներում անթույլատրելի բառապաշարով պիտակավորելու բոլոր փորձերը, սպառնալիքները, մամուլի միջոցները յուրայինների և օտարների բաժանելու մանր գործելաոճը՝ կոչ անելով պատկան մարմիններին հարգել և չխոչընդոտել լրագրողների գործունեության ազատությունն ու իրավունքը։ Միության այս կոչն ուղղված է ոչ միայն պատգամավորներին, այլև Հայաստանի Հանրային խորհրդի ղեկավարությանը, կառավարության անդամներին, գերատեսչությունների աշխատակիցներին, հասարակական-քաղաքական, հանրային բոլոր գործիչներին:

Պատերազմական այս օրերին բոլոր լրատվամիջոցները՝ անկախ իրենց քաղաքական նախընտրություններից, ծառայում են մեկ առաքելության՝ հանրությանը թույլատրելիության սահմաններում տեղեկություններ հաղորդել ռազմաճակատում կատարվող գործողությունների վերաբերյալ։ Հետևաբար՝ լրագրողներին որևէ կերպ թիրախավորելու ցանկացած փորձ ուղղակի հարված է քաղաքացիների՝ տեղեկացված լինելու իրավունքի իրացմանը։

Կոչ ենք անում նաև Մարդու իրավունքների պաշտպանին, լրագրողական ու մարդու իրավունքների հարցերով զբաղվող կազմակերպություններին, իրավապահ մարմիններին՝ համարժեք քայլեր ձեռնարկել և գնահատական տալ տեղի ունեցածին՝ ապագայում նման անթույլատրելի միջադեպերը բացառելու համար։

Աղբյուր` Փաստինֆո