Փաստ ինֆո

 Երեք քաղաքական կուսակցությունների հայտարարությունը և անկողմնակալ գնահատականը այսօր Հայաստանում տեղի ունեցող դեպքերի առումով.

«Այն պետությունը, որը մարդկանց վեր է ածում թզուկների, որպեսզի նրանք լինեն  հնազանդ զենք իր ձեռքում, անգամ եթե այն արվում է վսեմ նպատակով, իր համար կհայտնա­բերի, որ մեծ գոր­ծերը չեն իրականացվում մանր մարդկան­ցով: Եվ այն կատար­յալ մեքենան, որի համար զոհաբերվել է ամեն ինչ, վերջնա­կան­ապես ոչինչ է, որովհետև կյանքի ուժը, որը ոչնչացվել է, բավարար չէ, որ այդ մեքենան աշ­խատի»:

Ջոն Ստյուարտ

Անկախության հռչակումից ի վեր Հայաստանի Հանրապետությունը հայտնվել է ար­տաքին  բազմաբևեռ ուժերի կառավարման  հորձանուտում։ Արտաքին ֆինանսավորմամբ ներքին ապազգային կառույցների, կազմակերպությունների և ազգային ինքնության զգա­ցումից զուրկ անձանց միջոցով իրականացվել  ու իրականացվում է՝ ՀՀ-ի ռազմավարական բացառիկ նշանակության միավորների օտարումով երկիրը արտաքին ուժերից լիակա­տար կախյալ վիճակում դնելու ռազմավարություն, արհեսատակնորեն երկրի արտաքին պարտ­քի ավելացում ու մսխում, երկրի կառավարման ինստիտուտների անէացում, ազ­գային շա­հերի նկատմամբ որևէ աղերսներ չունեցող քաղաքական դաշտի կայացում:            

Երրորդ հանրապետությունում, ի սկզբանե, միտումնավոր իրականացվեց ազգաբնակ­չության հրեշավոր ունեզրկում, շարունակական կեղծ ընտրություններով և օտարածին գա­ղափարների ներմուծմամբ՝ ապազգային իշխանությունների ձևավորում, որոնք ապահո­վեցին ազգային ինքնության՝ արժեհամակարգի անթաքույց ոտնահարում ու ոչնչացում: Արդյունքում ՀՀ-ում ձևավորված ու կայացած քաղաքական դաշտը հիմնականում ոչ թե հե­տապնդում և սպասարկում է ազգային շահը, այլ կուսակցությունների ձևաչափով հիմնա­կանում սպասարկում է տեղական քողարկված տնտեսա-կլանային խմբավորում­ներին և օտարերկրյա ուժերին, որի համար հիմք է ծառայում այսօրվա հակաիրավա­կան ՀՀ Սահ­մանադրու­թյունը։ 

Հաշվի առնելով Հայաստանի Հանրապետության նկատմամբ արտաքին սպառնալիք-ները՝ շրջափակման ու պատերզամական իրավիճակում լինելը,

Գնահատելով Հայաստանի Հանրապետությունում տնտեսական, սոցիալական, կրթա­գի­տական, ինչպես նաև ներքին և արտաքին քաղաքական ասպարեզներում ձա­խողումներն ու երեք տասնամ­յակների ընթացքում կուտակված խնդիրները,

Բնութագրելով իրավիճակը որպես Սահմանադրական ճգնաժամ,

Մտահոգված՝ հասարակության պառակտվածության փաստով և ահագնացող զարգա­ցումնե­րով հղի գոր­ծընթացների վտանգով,

 Կողմ լինելով քաղաքական իշխանության և տնտեսական գործունեության տարան­ջատմանը,

Իշխանություններին զգուշացնում ու նրանցից պահանջում ենք․

1. Դադարեցնե՛լ քրեական հանցագործությունների պատճառաբանմամբ քաղաքան հե­տապնդումների տխուր ավանդույթը։

2. Դադարեցնե՛լ իրավապահ մարմինների կողմից անհամաչափ ուժի կիրառումը, մարդու իրավունքների ոտնահարումը։

3. Պահանջո՛ւմ ենք «Արտակարգ դրության» պայմաններում հնարավոր քաղաքական հետապնդումների երանգ ունեցող քրեական հանցագործությունների ժամանակավոր կա­սեցում, քանի որ այն առաջ է բերում հենց նո՛ւյն արտակարգ դրության պահանջների զանգ­վածային խախտում­ներ` վտանգելով թե՛ մասնակիցների, թե՛ իրավապահների առաղջու­թյունը:

4. Ձեռնամուխ լինել հանրորեն սպասվող հանրային լայն քննարկմամբ նոր Սահմանա­դը­րության և նոր «Ընտրական օրենսգրքի» մշակմանն ու ըն­դունմանը:

Այլապես, երեք տասնամյակների ընթացքում ձևավորված և այսօր էլ արտահայտվող քաղաքական նման «մշակույթի» շարունակումը մեր երկիրը կանգնեցնելու է անշրջելի կործանարար աղետների առջև, որի ողջ պատասխանատվությունը ընկնելու է  և´ նախկին իշխանությունների, և´ նրա հոգեզավակը հանդիսացող այսօրվա իշխանու­թյունների վրա:

Նժդեհյան Ցեղակրոն» կուսակցություն,

Նախագահ` Գևորգ Հովսեփյան

Հայք (Հայկազուններ) կոսակցության քաղաքական խորհուրդ,

Նախագահ` Արտյոմ Խաչիկյան

«Քրիստոնեա ժողովրդական վերածնունդ» կուսակցություն,

Նախագահ` Մկրտիչ Գիմիշյան

Աղբյուր` Փաստինֆո