ԲՈԼՈՐ ՆՅՈՒԹԵՐԸ
Հայկական մեդիադաշտը մտահոգ է. «Տեսալսողական մեդիայի մասին» նոր օրենքը կարող է խոչընդոտել լրատվականների աշխատանքը 05/01/2020 19:21 | ԼՐԱՀՈՍ
ԱԺ պատգամավորներ Մխիթար Հայրապետյանի, Արման Բաբաջանյանի և Վահագն Թևոսյանի կողմից շրջանառության մեջ դրված «Տեսալսողական մեդիայի մասին» նոր օրենքի և «Լիցենզավորման մասին» օրենքում փոփոխություն կատարելու մասին նախագծերի վերաբերյալ լրատվական դաշտի ներկայացուցիչներն արդեն իսկ մտահոգություններ են հայտնում:
«Փաստինֆո»-ն զրուցել է մի շարք հեռուստա և ռադիո ընկերությունների, լրագրողական կազմակերպությունների ղեկավարների հետ, որոնք ընդգծում են օրենքում մի շարք խնդրահարույց կետեր կան:
Երեւանի մամուլի ակումբի ղեկավար Բորիս Նավասարդյանի դիտարկմամբ՝ օրենքի մի շարք դրույթներում կարգավորումների հետ կապված որոշակիություն չկա, խնդիրներ կան տեղեկությունները ճշգրտելու պահանջի հետ կապված, նաև խնդրահարույց է կարծիքների բազմազանության ապահովման դրույթը, քանի որ դա որոշ դեպքերում հնարավոր չէ:
«Եթե օրենքում անորոշությունը պահպանվի, ապա կիրառման պարագայում կարող են սուբյեկտիվ, լրատվամիջոցների ազատությանը վնասող գործողություններ լինել: Այդ որոշակիությունը պահելու համար բավականին շատ ժամանակ է պետք, անհրաժեշտ է աշխատել օրենքի նախագծի վրա, իսկ օրենքի ընդունումը, կարծում եմ, բավականին արագ է լինելու՝ հաշվի առնելով գալիք մրցույթները»,-ասաց Մամուլի ակումբի ղեկավարը:
Մեր ճշտող հարցին՝ թե արդյոք թողարկումից առաջ տեղեկատվության ճշգրտումը պարտադիր պայման է եւ հեռուստառադիոընկերությունները չեն կարող հեռարձակել գործընկեր լրատվամիջոցների, կամ լրատվական գործակալությունների տարածած տեղեկատվությունը՝ Նավասարդյանը պատասխանեց. «Փաստորեն օրենքն, այո, դա է պահանջում, թեև ես, կարծում եմ, որ այդ կարգի սահմանումներն ավելի շատ էթիկայի և ոչ թե օրենսդրական կարգավորման տիրույթում են»:
Մեր զրուցակցի դիտարկմամբ՝ օրենքում նշված անձանց շրջանակը, որոնց արգելվում է հեռուստա և ռադիո ընկերությունների սեփականատեր լինել, բավականին լայն է և ակնհայտորեն պետք է կրճատել. «Որքան հասկանում եմ, հեղինակներն այստեղ պատրաստ են փոխզիջումների գնալ՝ հաշվի առնելով, որ մեր երկիրը բավականին փոքր է և բարեկամական կապերը տարածված են: Ուստի այստեղ ակնհայտորեն որոշակի փոփոխությունների կարիք կա»:
«Ռադիո Ավրորա» ռադիոկայանի լուրերի հաղորդավար Լիլիթ Աղաջանյանի կարծիքով՝ արդարացի է պահանջն առ այն, որ լրատվամիջոցը պետք է ստուգված և ճշտված տեղեկություն տրամադրի, սակայն պետք է հաշվի առնել, որ հաճախ մինչև պատկան մարմինները հաստատում են տեղեկությունը, այն արդեն իր արդիականությունը կորցնում է:
««Ռադիո Ավրորան» օգտվում է սոցիալական կայքերից և հայկական կայքերի ամբողջ հարթակից: Քանի որ օրենքի նախագծի համահեղինակ է նաև Արման Բաբաջանյանը, ով տարիներ շարունակ եղել է «1 in.am»-ի ղեկավարը, կարծում եմ՝ չի նեղանա, որ օրինակն իր հետ կապված բերեմ. Ենթադրենք կայքը որևէ լուր է դրել, ես ռադիոյով հայտնել եմ և հետո պարզվել է, որ դա այնքան էլ չի համապատասխանում իրականությանը, հարկ է նշել, որ տեղեկությունը հայտնել եմ հղում անելով լրատվականին, բայց եթե հետո պարզ է դառնում, որ տեղեկությունն այնքան էլ ճշգրիտ չէ, ապա ո՞վ է դրա համար պատասխնատվության ենթարկվում»,-ասաց հաղորդավարը:
Նա նաև հարց ուղղեց, թե ինչու պետք է ռադիո ընկերությունն իր թանկարժեք ժամանակը ծախսի կայքերի տեղեկատվությունը ճշտելու համար, այն էլ այն դեպքում , երբ գերատեսչությունների մամուլի խոսնակները հաճախ ունենում են «սիրելի» և «ոչ սիրելի» լրատվամիջոցներ, և իրենց «սիրելիներին» պարզաբանում տալիս են, իսկ «ոչ սիրելին» ակնհայտորեն տուժվում է:
««Ռադիո Ավրորայում» թարմ տեղատվություն են տալիս ժամը մեկ, ինչու պետք է իմ ժամանակը ծախսեմ կայքերի բոլոր լուրերը ճշտելու համար: Ո՞նց են պատկերացնում օրենքի նախագիծ գրողները, ես կգժվեմ բոլորին զանգելով՝ ճշտելու այլ լրատվամիջոցի տեղեկությունը համապատասխանում է իրականությանը, թե ոչ»,-ասաց Աղաջանյանը:
Հաղորդավարը օրենքի նախագծի հետ կապված ևս մեկ խնդիր բարձրաձայնեց, այն է՝ արդյոք լրատվականը կարող է վերցնել պաշտոնատար անձի գրառումը, կարո՞ղ է դա համարել հավաստի և ճշտված տեղեկություն, քանի որ ֆեյսբուքը թույլ է տալիս գրառումը խմբագրել բազմակի անգամ և նաև ջնջել:
«Շատ կարևոր է հասկանալ դեպի սոցկայքեր վերաբերմունքը, քանի որ ամբողջ իշխանության ներկայացուցիչները բացառապես աշխատում են ֆեյսբուքում: Եթե պահանջ կա, որ պետք է տրվեն բացառապես ճշտված լուրեր, դա շատ կխանգարի բոլոր լրագրողների ու հաղորդավարների աշխատանքին, քանի որ որոշ դեպքերում մինչև լուրը ճշտում ես երկու-երեք օր անցնում է»,- ասաց նա:
«Կենտրոն» հեռուստաընկերության տնօրեն Սերգեյ Ադումյանն էլ նշեց, որ օրենքի նախագիծը դեռ ուսումնասիրում են, սակայն որոշ խնդրահարույց կետեր արդեն իսկ ակներև են:
«Նոր Հայաստան» հեռուստաընկերության տնօրեն Գագիկ Մկրտչյանը հայտնեց, որ նախագծով հիմա իրենց իրավաբանն է զբաղվում և առայժմ կարծիք չեն կարող հայտնել: Իսկ «Երկիր Մեդիա» հեռուստաընկերության լրատվական և հասարակական-քաղաքական հաղորդումների տնօրեն Գեղամ Մանուկյանն ասաց, որ օրենքի մշակման աշխատանքներում չի արտահայտվել Ազգային ժողովում տեղի ունեցած քննարկումը, քանի որ պայմանավորվածություններ էին ձեռք բերվել, որ շահագրգիռ կողմերը նույնպես աշխատանքներին պետք է մասնակցություն ունենային:
«Հայաստանի հասարակության համար շատ կարևոր հենասյունային օրենքներից մեկի մշակման մասին է խոսքը և տեղին չէ այն ներկայացնել երեք պատգամավորների համահեղինակությամբ, նաև վիճահարույց է որքանով են պատգամավորները օբյեկտիվ այս ամենում: Խնդրահարույց եմ համարում ընդհանրապես այն ձևաչափը, որով այս օրենքի նախագիծը բերվել է, սկսած համահեղինակության ձևից, վերջացրած արդեն նկատելի անհանգստացնող դրույթներով»,-ասաց Մանուկյանն ու հայտնեց, որ «Երկիր Մեդիայում» առայժում ուսումնասիրվում է օրենքի նախագիծը:
Հեղինակ՝ Սոնա Գեւորգյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/04/2024 08:35 «Մի բարձի աշխատեք» պետական համակարգում․ «Ժողովուրդ»
- 05/04/2024 08:32 Ոստիկանը պետք է լավ վարձատրվի և լավ հագնվի․ «Հրապարակ»
- 05/04/2024 08:28 Հանձնաժողովի անդամները կասկածելիորեն անհայտ դատավորներ են եղել․ ԲԴԽ անդամ է դարձել Ռոբերտ Քոչարյանին կալանավորած Արմեն Դանիելյանը․ «Ժողովուրդ»
- 05/04/2024 08:26 Փաշինյանը սեփական անվտանգությանը վերաբերվում հիվանդագին լրջությամբ․«Հրապարակ»
- 05/04/2024 08:21 Եթե իշխանությունը գովերգում է ՄԻՊ-ին, ի՞նչ է դա նշանակում. «Փաստ»
- 05/04/2024 08:18 Գեղարքունիքի մարզպետ, թե՞ Մոսկվայի ուսանող․ «Ժողովուրդ»
- 05/04/2024 08:15 Ինչու են ընդդիմադիր պատգամավորները հրաժարվել գործուղումներից․«Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
Արխիվ
Արտակարգ պատահարներ
- 05/04/2024 13:02 Հեղեղումներ, փլուզումներ, ջրալցումներ. հորդառատ անձրեւի հետեւանքները՝ մայրաքաղաքում. նոր կադրեր
- 05/04/2024 11:25 Հրդեհված տնից փրկարարները հանել են երեխաների մարմինները. նոր մանրամասներ
- 05/04/2024 10:42 Ողջաբերդ գետի հենապատի փլուզում Նոր Արեշ թաղամասում ․ Ջուրը լցվել է հարակից տները
- 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն