Կաշառք ստանալու մեջ մեղադրվող դատավորի պաշտպանն ինքնաբացարկի միջնորդություն ներկայացրեց նախագահող դատավորին

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 20:34 Արման Թաթոյանը ևս Կիրանցում է 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:45 Վաղը այս հասցեներում լույս չի լինի 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ» 04/27/2024 15:46 Արցախի և Արմավիրի թեմերի առաջնորդները՝ Կիրանցում

Կաշառք ստանալու մեջ մեղադրվող դատավորի պաշտպանն ինքնաբացարկի միջնորդություն ներկայացրեց նախագահող դատավորին 10/14/2019 12:53 | Դատական ռեպորտաժներ

Երեւանի ընդհանուր իրավասության դատարանի Կենտրոնի նստավայրում դատավոր Տաթեւիկ Գրիգորյանի նախագահությամբ քիչ առաջ մեկնարկեց կաշառք ստանալու մեջ մեղադրվող դատավոր Գագիկ Հեբոյանի եւ կաշառք ստանալուն օժանդակելու մեջ մեղադրվող փաստաբան Վահագն Դանիելյանի վերաբերյալ քրեական գործը։

Դատական նիստին ներկա են ամբաստանյալներ Գագիկ Հեբոյանը եւ Վահագն Դանիելյանը։ Ներկա են պաշտպաններ Արմեն Նադիրյանը, Նարինե Սարգսյան, Գուրգեն Գրիգորյանը, Հենրիկ Մաղաքյանը։ Գործով մեղադրող դատախազն է Արթուր Չախոյանը։

«Փաստինֆո»-ի հաղորդմամբ՝ այսօրվա դատական նիստին Գագիկ Հեբոյանի պաշտպան Արմեն Նադիրյանն ինքնաբացարկի միջնորդություն ներկայացրեց նախագահող դատավոր Տաթեւիկ Գրիգորյանին՝ նշելով, որ առկա են այնպիսի փաստեր, որոնք ողջամիտ կասկած են հարուցում նրա՝ որպես դատավորի կողմից իր պաշտպանյալ Հեբոյանի նկատմամբ կանխակալ վերաբերմունք ունենալու վերաբերյալ․ «Քրեական դատավարության 292-րդ հոդվածը իմպերատիվ կերպով պահանջում է մինչ գործը դատաքննության նշանակելու մասին որոշում կայացնելը հետազոտել քրեական գործերը։ Սույն գործը Դուք ստացել եք իմ պաշտպանյալի կալանքի ժամկետը լրանալու օրը, եւ հիշատակված նորմի համաձայն՝ ունեցել եք 19 օր ժամանակ դատական քննությունից առաջ որոշում կայացնելու համար։ Չնայած դրան, Դուք, դրսեւորելով շտապողականություն, առանց պարզելու՝ արդյոք պահպանվում են նրան կալանքի տակ պահելու հիմքերը, առանց դատական նիստի մասին մեզ տեղեկացնելու, նույն օրը նշանակել եք նիստ եւ քննարկել խափանման միջոցի հիմնավոր լինել-չլինելու հարցը։ Տվյալ դատական նիստին նա ներկայացվել է իր կամքին հակառակ, մինչդեռ դա մեղադրյալի իրավունքն է, ոչ թե պարտականությունը։ Իմ պաշտպանյալը նիստի սկզբում հայտնել է, որ դատարան է ներկայացվել իր կամքին հակառակ, բռնի ուժով, Ձեզ է ցույց տվել իր մարմնի վրա բռնությանն հետքեր, հայտնել է, որ առանց պաշտպանների ներկայության չի ուզում շարունակել նիստը։ Նշված հայտարարությունից հետո նա միջնորդել է նիստը հետաձգել եւ պաշտպաններին ծանուցել, սակայն Դուք դա բավարարել եք մասնակի՝ ընդմիջելով եւ նիստը սկսելով 40 րոպե հետո։ Իմ պաշտպանյալը դարձյալ միջնորդել է նիստը հետաձգել եւ վերադառնալ Քրեակատարողական հիմնարկ, սակայն Դուք մերժել եք միջնորդությունը՝ նշելով, որ խափանման միջոցի քննության հարցը հրատապ է։ Արդյունքում որոշում եք կայացրել՝ կալանավորումն անփոփոխ թողնելու եւ գրավի միջնորդությունը մերժելու մասին»,-հիշեցրեց Արմեն Նադիրյանը՝ նշելով, որ դատարանի այս որոշումները պայմանավորված են եղել Գագիկ Հեբոյանին կալանքից ազատելու հնարավորությունը ցանկացած եղանակով բացառելու հիմունքով․«Հետագայում եւս մենք միջնորդություններ ենք ներկայացրել ինչպես ինքնաբացարկի, այնպես էլ խափանման միջոցը փոփոխելու վերաբերյալ, որոնք, սակայն, մերժվել են, քանի որ Դուք գտել եք, որ վերջինիս ազատության մեջ հայտնվելու դեպքում դատարանի գործի քննությանը խոչընդոտելու ռիսկը շարունակում է մնալ բարձր»։ Ըստ պաշտպանի՝ դատարանի այս եզրահանգումը պատճառաբանվել է մեղսագրվող արարքի ծանրությամբ, պատժի խստությամբ, ինչպես նաեւ նրանով, որ սույն գործով կարգավիճակ ունեցող անձինք հանդիսանում են Կոտայքի մարզի ընդհանուր իրավասության դատարանի աշխատակիցներ․ «Խախտելով անմեղության կանխավարկածի սկզբունքը՝ մշտապես առաջնորդվել ենք այն կանխավարկածով, որ ազատության մեջ մնալով՝ նա կարող է խոչընդոտել գործի քննությանը, եւ միջնորդությունները մերժել եք վերացական հիմնավորումներով»։

Արմեն Նադիրյանը նշեց նաեւ, որ դատարանի կողմից կանխակալ վերաբերմունք ունենալու ապացույց է նաեւ այն, որ նախորդ դատական նիստին դատարանը մերժեց նաեւ իրենց միջնորդությունը՝ գործի դատաքննությունը վերսսկելու վերաբերյալ։

Մեղադրող դատախազ Արթուր Չախոյանն առարկեց միջնորդության դեմ՝ նշելով, որ դատարանի կողմից կանկախալ վերաբերմունք ունենալու ենթադրյալ հանգամանքը պաշտպանության կողմը հիմնավորեց իրենց նախորդ միջնորդությունները մերժելու փաստով․ «Սակայն դրանք պատճառաբանված, հիմնավորված որոշումներ են, եւ զուտ այն հանգամանքը, որ միջնորդությունները մերժվել են, չի կարող հիմք հանդսիանալ կանխակալ վերաբերմունքի համար»։

Դատախազն ընդգծեց, որ դատարանի կողմից պատճառաբանված եւ օրինական որոշում կայացվեց նաեւ նախորդ դատական նիստին, երբ մերժվեց դատաքննությունը վերսկսելու վերաբերյալ միջնորդությունը․ «Արդարադատություն իրականացնելիս դատարանը բազմաթիվ որոշումներ է ընդունում, եւ միայն այդ ընդունված որոշումները չի կարելի դիտարկել որպես կանխակալ վերաբերմունքի հիմք»։ Արթուր Չախոյանի խոսքով՝ սույն միջնորդությունը անհիմն է եւ ենթակա է մերժման։

Լսելով կողմերին՝ նախագահող դատավոր Տաթեւիկ Գրիգորյանը հեռացավ խորհրդակցական սենյակ, որտեղից վերադառնալով՝ որոշեց մերժել միջնորդությունը՝ անհիմն լինելով պայմանավորված։

Կողմերի ծանրաբեռնվածությունից ելնելով՝ այսօրվա դատական նիստը հետաձգվեց։ Հաջորդ դատական նիստը նշանակվեց հոկտեմբերի 17-ին՝ ժ․ 12։30-ին։

Հիշեցնենք, որ Գագիկ Հեբոյանին մեղադրանք է առաջադրվել առանձնապես խոշոր չափերով կաշառք ստանալու համար՝ ՀՀ քրեական օրենսգրքի 311-րդ հոդվածի 4-րդ մասի 2-րդ և 3-րդ կետերով, իսկ փաստաբան Վահագն Դանիելյանին` դատավորի կողմից առանձնապես խոշոր չափերով կաշառք ստանալուն օժանդակելու համար՝ ՀՀ քրեական օրենսգրքի 38-311-րդ հոդվածի 4-րդ մասի 2-րդ և 3-րդ կետերով: Հեբոյանի նկատմամբ որպես խափանման միջոց է կիրառվել կալանավորումը, իսկ Դանիելյանի նկատմամբ որպես խափանման միջոց ընտրված կալանավորումը 08.05.2019թ.-ին փոխարինվել է այլընտրանքային խափանման միջոց գրավով:

Հեղինակ` Միլենա Խաչիկյան