ԲՈԼՈՐ ՆՅՈՒԹԵՐԸ
Երևանում շարունակվել են Հայաստանի և Կանադայի վարչապետների բարձր մակարդակի բանակցությունները 10/13/2018 16:39 | ԼՐԱՀՈՍ
Հայաստանի Հանրապետության վարչապետ Նիկոլ Փաշինյանի և Կանադայի վարչապետ Ջասթին Թրյուդոյի միջև բարձր մակարդակի բանակցությունները շարունակվել են հոկտեմբերի 13-ին` պաշտոնական պատվիրակությունների ընդլայնված կազմով: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, ողջույնի խոսքում Հայաստանի վարչապետ Նիկոլ Փաշինյանը նշել է. «Պարոն վարչապետ, Ձեր այցը Հայաստանում շատ մեծ հետաքրքրություն և լավ տրամադրություն է առաջացրել: Հույս ունեմ, որ բանակցությունների արդյունքում կկարողանանք այս լավ տրամադրությունը վերածել կոնկրետ լավ գործերի և պայմանավորվածությունների: Կարող ենք ասել, որ այս ընթացքում շատ լավ մթնոլորտ և տրամադրություն է մեր հարաբերություններում: Հիմա կարիք կա իսկապես այդ տրամադրությանը համապատասխան գործեր, ծրագրեր, նախագծեր իրականացնել և համագործակցությունը դնել ավելի շոշափելի հիմքերի վրա, ավելի շոշափելի արդյունքներ արձանագրել: Եվս մեկ անգամ բարի գալուստ Հայաստան: Մենք Ձեզ ընկալում ենք` որպես լավ բարեկամ, լավ ընկեր ու հույս ունեմ, որ այդպես էլ Դուք եք ընկալում մեր երկիրը, մեր կառավարությունը»:
Կանադայի վարչապետ Ջասթին Թրյուդոն նշել է. «Շնորհակալություն Նիկոլ, իսկապես փոխադարձ են այդ զգացմունքները Հայաստանի և Կանադայի միջև: Ցանկանում եմ ևս մեկ անգամ շնորհավորել Ձեզ և Հայաստանի ժողովրդին՝ Ֆրանկոֆոնիայի գագաթնաժողովը փայլուն և արտակարգ անցկացնելու համար: Հեշտ բան չէ նման միջազգային միջոցառում կազմակերպելը, իսկապես այն արտակարգ բարձր մակարդակով անցկացվեց: Մեր զրույցներում անպայման կփորձենք հասնել նրան, որպեսզի դյուրացնենք մեր ժողովուրդների միջև շփումները, որպեսզի հնարավորինս հեշտացվի նաև օդային հաղորդակցությունը, որպեսզի նպաստավոր միջավայր ստեղծվի ներդրումների համար, որպեսզի կարողանանք սատարել ձեռնարկատերերին, տնտեսության զարգացմանը՝ այդ ամենը բերելով ավելի մեծ բարգավաճման, ինչպես նաև ուշադրություն դարձնենք քաղաքական ասպարեզում և ժողովրդավարության ճանապարհին ձեր հաջողություններին ևս: Եվ ես ակնկալում եմ Ձեզ հետ արգասաբեր աշխատանք»:
Նիկոլ Փաշինյանը և Ջասթին Թրյուդոն քննարկել են հայ-կանադական հարաբերությունների օրակարգին և զարգացմանը վերաբերող հարցերի լայն շրջանակ:
Քաղաքական, տնտեսական, գործարար, մշակութային, հումանիտար և մի շարք այլ ոլորտներում կապերն ակտիվացնելու համատեքստում երկու երկրների վարչապետները նախ և առաջ կարևորել են Հայաստանի և Կանադայի միջև օդային հաղորդակցության դյուրացումը և կոնկրետ քայլերի ձեռնարկումը: Այդ նպատակով կողմերը պայմանավորվածություն են ձեռք բերել հանձնարարել պատասխանատու գերատեսչություններին՝ բանակցություններ սկսել հարցի շուրջ և ներկայացնել կոնկրետ առաջարկությունների փաթեթ:
Հայաստանի վարչապետը Կանադայի վարչապետին է ներկայացրել ՀՀ տնտեսությունը զարգացնելու, տնտեսական կառուցվածքը փոխելու, կոռուպցիան վերացնելու ուղղությամբ կատարվող քայլերը և բարեփոխումները: Նիկոլ Փաշինյանն ընդգծել է, որ ՀՀ կառավարությունը հետաքրքրված է մեր երկրի տնտեսությունում օտարերկրյա ներդրումների ներգրավմամբ և պատրաստ է օժանդակել տնտեսական գործունեություն ծավալելու ցանկություն ունեցող յուրաքանչյուր գործարարի հետևյալ 2 նախապայմանը հարգելու դեպքում՝ գործունեությունն իրականացնել օրենքին համապատասխան և վճարել հարկեր։ «Մենք ուզում ենք ձևավորել նոր իրավիճակ, նոր միջավայր և նոր հնարավորություններ», - նշել է ՀՀ վարչապետը՝ առաջարկելով Ջասթին Թրյուդոյին կանադական բիզնեսին փոխանցել Հայաստանում տեղի ունեցող գործընթացների տրամաբանությունը և ՀՀ կառավարության համագործակցության պատրաստակամությունը:
Անդրադառնալով տնտեսական կապերի ակտիվացման հարցին՝ վարչապետը, ի թիվս այլ ոլորտների, հեռանկարային է համարել ջրային ռեսուրսների կառավարման, ջրամբարաշինության, ենթակառուցվածքների բարելավման, բնական ռեսուրսների կառավարման բնագավառներում համագործակցությունը: Նիկոլ Փաշինյանը նշել է, որ Հայաստանը հետաքրքրված է նաև հանքարդյունաբերության լիցենզավորման, կառավարման և վերահսկման ոլորտում կանադական փորձը փոխառելու հարցում:
Կանադայի վարչապետը ողջունել է ՀՀ կառավարության կողմից իրականացվող բարեփոխումները և պատրաստակամություն հայտնել համատեղ ակտիվ աշխատել Հայաստանի վարչապետի նշած ուղղություններով՝ փոխադարձ հետաքրքրություն ներկայացնող կոնկրետ ծրագրեր իրականացնելու և հայ-կանադական կապերն էլ ավելի զարգացնելու համար:
Հանդիպման ընթացքում զրուցակիցները քննարկել են ժողովրդավարության զարգացմանը, արդյունավետ կառավարմանը, քաղաքացիական հասարակությանը, հասարակական և քաղաքական գործընթացներում կանանց ներգրավվածությանը վերաբերող և մի շարք այլ հարցեր, փոխանակվել տեղեկատվությամբ այս ուղղություններով Հայաստանում և Կանադայում առկա իրավիճակի վերաբերյալ:
Կանադայի վարչապետը, մասնավորապես, անդրադարձել է կանանց և տղամարդկանց համար հավասար հնարավորությունների հարցին՝ նշելով, որ կանայք կարող են լուրջ դերակատարներ լինել ժողովրդավարական գործընթացների հաջողման, տնտեսական առաջընթացի և կառավարման արդյունավետության բարձրացման գործում, և պետք է աջակցել ու խրախուսել նրանց:
Վարչապետ Փաշինյանը համակարծիք է եղել Կանադայի վարչապետի հետ՝ ընդգծելով, որ կանայք կարևոր մասնակցություն և մեծ դեր են ունեցել Հայաստանում թավշյա հեղափոխության հաջողման գործում, և ՀՀ կառավարությունը շահագրգռված է խթանելու նրանց ներգրավվածությունը երկրի հասարակական-քաղաքական կյանքում, կառավարման համակարգում և բիզնես ոլորտում:
Կողմերը մտքեր են փոխանակել նաև Լեռնային Ղարաբաղի հակամարտության կարգավորման, միջազգային արդի խնդիրների և մարտահրավերների շուրջ:
ՀՀ վարչապետը Կանադայի վարչապետին ներկայացրել է ԼՂ հակամարտության էությունը՝ ընդգծելով, որ դա տարածքային վեճ չէ, ինչպես ներկայացնում է Ադրբեջանը: Խոսքը գնում է Արցախի բնակչության ապրելու իրավունքի մասին, և Հայաստանը կարևոր է համարում, որպեսզի միջազգային գործընկերները տեղեկացված լինեն բանակցային գործընթացի և իրավիճակի մասին: Նիկոլ Փաշինյանի խոսքով՝ Հայաստանը հարցի կարգավորումը տեսնում է բացառապես խաղաղ ճանապարհով, միջազգային ընդունված ձևաչափի՝ ԵԱՀԿ Մինսկի խմբի համանախագահության շրջանակում բանակցությունների ճանապարհով:
Կանադայի վարչապետը կարևորել է ԼՂ հակամարտության կարգավորման ուղղությամբ երկխոսության և միջազգային ընդունված ձևաչափով բանակցությունների շարունակումը:
Երկու երկրների վարչապետներն անդրադարձել են նաև հումանիտար ճգնաժամերի հաղթահարման, մասնավորապես, Սիրիայից պատերազմի հետևանքով գաղթած փախստականների խնդրին: Նիկոլ Փաշինյանը նշել է, որ Հայաստանը ջերմությամբ է հիշում սիրիացի փախստականներին, այդ թվում՝ սիրիահայ ընտանիքներին Կանադայի կառավարության և անձամբ վարչապետի ցուցաբերած ընդունելությունը, որը հուզիչ էր և ոգևորիչ: Իր հերթին Ջասթին Թրյուդոն ասել է, որ սիրիացի փախստականներին ընդունելու, ապաստան տալու, նրանց հումանիտար կարիքները հոգալու և ինտեգրմանն աջակցելու հարցում Հայաստանի փորձը ևս օրինակելի է և գնահատելի:
Նիկոլ Փաշինյանը նաև շնորհակալություն է հայտնել Կանադայի վարչապետին՝ Հայոց ցեղասպանության ճանաչման և դատապարտման հարցում Կանադայի հաստատակամ և ակտիվ դիրքորոշման համար:
Ջասթին Թրյուդոն բարձր է գնահատել կանադահայ համայնքի դերակատարությունը երկրի հասարակական-քաղաքական կյանքում և ընդգծել, որ Կանադան մշտապես բարեկամ Հայաստանի և հայ ժողովրդի կողքին է:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/04/2024 08:35 «Մի բարձի աշխատեք» պետական համակարգում․ «Ժողովուրդ»
- 05/04/2024 08:32 Ոստիկանը պետք է լավ վարձատրվի և լավ հագնվի․ «Հրապարակ»
- 05/04/2024 08:28 Հանձնաժողովի անդամները կասկածելիորեն անհայտ դատավորներ են եղել․ ԲԴԽ անդամ է դարձել Ռոբերտ Քոչարյանին կալանավորած Արմեն Դանիելյանը․ «Ժողովուրդ»
- 05/04/2024 08:26 Փաշինյանը սեփական անվտանգությանը վերաբերվում հիվանդագին լրջությամբ․«Հրապարակ»
- 05/04/2024 08:21 Եթե իշխանությունը գովերգում է ՄԻՊ-ին, ի՞նչ է դա նշանակում. «Փաստ»
- 05/04/2024 08:18 Գեղարքունիքի մարզպետ, թե՞ Մոսկվայի ուսանող․ «Ժողովուրդ»
- 05/04/2024 08:15 Ինչու են ընդդիմադիր պատգամավորները հրաժարվել գործուղումներից․«Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/06/2024 12:10 Սա կարող է դառնալ այն շարժումը, որը պետք է ապահովի խաղաղություն երկրի ներսում և խաղաղություն երկրի սահմաններին. Վահե Հովհաննիսյան
- 05/06/2024 10:35 Բագրատ արքեպիսկոպոս Գալստանյանի նկատմամբ իշխանության ակնհայտ ուղղորդմամբ տարվում է վիրավորանքների ամոթալի արշավ. Թաթոյան
- 05/06/2024 10:21 Իշխանությունը հավանական սահմանային սադրանքները փորձում է նախապես ջարդել շարժման առաջնորդ Բագրատ սրբազանի վրա. Աբրահամյան
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
Արխիվ
Արտակարգ պատահարներ
- 05/06/2024 13:30 Նուբարաշենի խճուղում՝ նախկին զորամասի տարածքում, հայտնաբերվել է «Կոշ» գաղութում հաշվառված, 35-ամյա տղամարդու մարմին
- 05/06/2024 10:53 Քամու հետևանքով վնասներ՝ Երևանում
- 05/06/2024 10:50 Ավտոմեքենաներ են բախվել, որին հաջորդել է հրդեհը. կան վիրավորներ
- 05/06/2024 10:38 Կապանի Արփիկ թաղամասում քաղաքացին սայթաքել և ընկել է քարերի վրա. նա հոսպիտալացվել է
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն