Դատական իշխանության վերափոխման հրամայականը. ԲԴԽ-ն այս կազմով կկարողանա՞ արժանի թեկնածուներ առաջադրել. Երեմ Սարգսյան

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Դատական իշխանության վերափոխման հրամայականը. ԲԴԽ-ն այս կազմով կկարողանա՞ արժանի թեկնածուներ առաջադրել. Երեմ Սարգսյան 05/27/2018 20:49 | Մեկնաբանություն

Հեղափոխությունից և կառավարության նոր անդամների նշանակումից հետո ակնհայտ դարձավ, որ ՀՀ ներկայիս կառավարության անդամները կտրուկ տարբերվում են նախորդ կառավարությունների անդամներից իրենց մտածելակերպով, վարքագծով և գործելաոճով։

«Փաստինֆո»-ի հետ զրույցում այսպիսի դիրքորոշում հայտնեց փաստաբան Երեմ Սարգսյանը՝ հավելելով, որ «ներկայիս կառավարությունը և դրա անդամներն իրոք ծառայում են ժողովրդին, ինչպես որ ի սկզբանե պետք է լիներ և ինչին նախկինում երբեք ականատես չենք եղել»։

Իսկ գործադիր իշխանության այդ փոխակերպումն, ըստ փաստաբանի, հնարավոր եղավ բացառապես նման արժեքներ կրող անձանց կառավարութան անդամներ նշանակելու, ինչպես նաև հենց նման արժեքներ կրող ղեկավարի` վարչապետի, կողմից նման պահանջներ և կանոններ սահմանելու միջոցով։

«Ինչո՞ւ սկսեցի գործադիր իշխանությունից․ քանզի այն արդեն ձևավորվել է, և նման իշխանություն ձևավորելու փորձն արդեն իսկ առկա է։

Հենց այս համատեքստում էլ կարծում եմ, որ ոչ պակաս կարևորություն է ներկայացնում նաև դատական իշխանության վերափոխումը, քանզի կայացած դատական համակարգի պարագայում իշխանության բոլոր մյուս ճյուղերն ուզեն, թե չուզեն, ստիպված կլինեն գործել բացառապես օրենքի շրջանակներում, որովհետև հակառակ դեպքում միշտ կա դատարանը, որը կվերականգնի օրինականությունը»,- ասաց Երեմ Սարգսյանը։

Այս առումով էլ փաստաբանը կարծում է, որ հասարակության և հատկապես իրավաբանական հանրության ուշադրությունն այս պահին պետք է հատուկ ուղղված լինի դեպի Բարձրագույն դատական խորհուրդը /ԲԴԽ/, քանզի մոտ ժամանակներս ԲԴԽ-ն պետք է ընտրի և ՀՀ Նախագահին ներկայացնի դատարանների, այդ թվում` ՀՀ վճռաբեկ դատարանի պալատների նախագահների թեկնածուներին, ինչպես նաև պետք է ընտրի և ՀՀ Ազգային ժողովին ներկայացնի ՀՀ վճռաբեկ դատարանի նախագահի թեկնածուին։

«Իրավաբանական հանրությունը և առավել ևս փաստաբանները կփաստեն, որ մեկ-երկու դատարանների նախագահներից բացի, որոնց անունները հատուկ չեմ ցանկանում նշել, բոլոր մյուս դատարանների նախագահները պարտադիր պետք է փոխվեն։ Սակայն առավել կարևորություն է ներկայացնում ՀՀ վճռաբեկ դատարանի և դրա պալատների նախագահների ընտրությունը և ներկայացումը ՀՀ Նախագահին և Ազգային ժողովին։

Այստեղ է, որ ԲԴԽ-ն պետք է հասարակությանը ցույց տա՝ արդյո՞ք այս կազմով ի վիճակի է օբյեկտիվ որոշումներ կայացնել և առանց կաշկանդվածության արժանի թեկնածուներ առաջադրել, թե նորից ստիպված կլինենք փաստել, որ դատական իշխանությունում ոչինչ չի փոխվել և նույն դեմքերը, որոնք տարիներ շարունակ ոչ միայն չեն կարողացել նպաստել արդար և օբյեկտիվ դատական համակարգի կայացմանը, այլև ուղղակիորեն խոչընդոտել են դրա կայացմանը, կրկին պետք է մնան նույն պաշտոններին և շարունակեն իրենց քայքայիչ գործունեությունը»,- նշեց Ե.Սարգսյանը:

Փաստաբանը հավելեց, որ ՀՀ դատական օրենսգրքի համաձայն առաջին անգամ ՀՀ վճռաբեկ դատարանի և դրա պալատների նախագահների թեկնածուներըպարտադիր չէ, որ վճռաբեկ դատարանի դատավոր լինեն, իսկ հետագայում դա պարտադիր պայման է լինելու:

«Այսինքն՝ ԲԴԽ-ն կարող է նաև ցանկացած այլ դատավոր ընտրել ՀՀ Վճռաբեկ դատարանի պալատների և հենց Վճռաբեկ դատարանի նախագահ, ուստի կարծում եմ, որ ԲԴԽ-ն ուղղակի պարտավոր է ձեռքից բաց չթողնել այս բացառիկ հնարավորությունը։

Սպասենք և ուշադրությամբ հետևենք ԲԴԽ-ի կողմից համապատասխան թեկնածուների ընտրությանը․․.»,- եզրափակեց Երեմ Սարգսյանը:

Աղբյուր` Փաստինֆո