ԲՈԼՈՐ ՆՅՈՒԹԵՐԸ
Բարսեղյանի գործով դատախազ Բիշարյանը կրկին փորձեց շտկել վիճակը՝ օգնության հասավ դատավորին 02/01/2018 18:37 | Դատական ռեպորտաժներ
Կաշառք ստանալու մեջ մեղադրվող Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանի գործը դատարանում քննվում է արդեն մեկ տարուց ավելի:
Վերջին մի քանի ամիսների ընթացքում ամբաստանյալի աթոռին հայտնված դատավորի առողջական վիճակը կտրուկ վատացել է, այդ մասին է վկայում գրեթե յուրաքանչյուր դատական նիստի ընթացքում Բարսեղյանի համար դատարան հրավիրված շտապօգնության բժիշկների կողմից կազմված արձանագրությունները:
Բացի այն, որ նրա մոտ առկա է բարձ զարկերակային ճնշում, վերջերս նաև պարզվեց, որ գլխուղեղի կաթված է տարել: Այս ամենից բացի Բարսեղյանը ունի նաև այլ առողջական խնդիրներ ևս:
Երևանի ընդհանուր իրավասության դատարանում այսօր Իշխան Բարսեղյանի գործով նիստում հայտնի դարձավ, որ Բարսեղյանը հունվարի 31-ից գտնվում է «Դատապարտյալների հիվանդանոց» ՔԿՀ-ում, որտեղից էլ Բարսեղյանը գրություն էր ուղարկել գործը քննող դատավոր Վաչե Մարգարյանին՝ հայտնելով, որ հունվարի 30-ից ինքնազգացողությունն ավելի է վատացել, ընդունել է ՔԿՀ-ի բուժանձնակազմի կողմից նշանակված դեղորայքը, կատարվել են նաև ներարկումներ:
Այսօր՝ ժամը 13.00-ի սահմաններում, զարկերակային ճնշումը եղել է 180/110:
Բարսեղյանը նաև նշել էր, որ իր ինքնազգացողության վատ լինելը պայմանավորված է ոչ միայն ճնշման կտրուկ տատանումներով, այլ նաև՝ այլ հիվանդություններով: Ուստիև՝ ոչ թե չի ցանկանում ներկայանալ դատարան, այլ ի վիճակի չէ:
Բացի այդ դատարան էր ներկայացվել նաև տեղեկանք «Դատապարտյալների հիվանդանոց» ՔԿՀ-ի բժշկի կողմից, որով հայտնվում էր, որ թերապևտիկ բաժանմունքի հիվանդ Ի.Բարսեղյանի մոտ հեմոդինամիկ տվյալները կայուն են՝ 120/80: Իսկ հերթապահ բժշկի կողմից տրված տեղեկանքի համաձայն՝ ժամը 12.30-ի դրությամբ՝ Բարսեղյանի ճնշումը եղել էր 140/80, ժամը 12:40-ի դրությամբ՝ 160/ 100, իսկ ժամը 13.00-ի՝ 180/110: Հիվանդը գանգատվել է գլխացավից, շնչարգելությունից, առաջարկվել է բուժօգնություն, որից հրաժարվել է:
Նման պայմաններում Բարսեղյանի պաշտպանները միջնորդեցին այսօրվա դատական նիստը հետաձգել:
Ըստ գործով մյուս ամբաստանյալ Էլզա Զաքարյանի պաշտպանի՝ եթե այսպես անորոշ շարունակվեց իրավիճակի պարզաբանումը, իրենք կմիջնորդեն գործից մաս անջատել և Զաքարյանի մասով գործը առանձին քննել:
Դատախազ Կարեն Բիշարյանը չառարկեց նիստը հետաձգելու՝ պաշտպանական կողմից միջնորդությանը:
«Հետազոտված բժշկական փաստաթղթերից պարզ դարձավ, որ այսօր՝ ժամը 13.00-ի դրությամբ, Բարսեղյանի ճնշումը բարձ է եղել և այս պայմաններում, երբ չկա առնվազն մասնագիտական բժշկական խորհուրդ, թե իր այդ վիճակում Բարսեղյանը ի վիճակի է մասնակցել նիստին, ուստի՝ նիստը հետաձգելու միջնորդությանը չեմ կարող առարկել»,- ասաց դատախազը:
Դատական նիստը հետաձգվեց և նշանակվեց փետրվարի 8-ին:
Նիստի ավարտին Իշխան Բարսեղյանի պաշտպան Վարդուհի Էլբակյանը լրագրողների հետ զրույցում ասաց, որ իր ձեռքին են 19.01.2018թ կատարված Բարսեղյանի հետազոտության փաստաթղթերը, որոնցում նշվում է, որ Բարսեղյանի վահանաձև գեղձում առկա են բազմաթիվ կիստաներ, դիֆոզ, աթերոսկլերոզ, արյան շրջանառության անբավարարություն: Միևնույն ժամանակ կատարվել է նաև ՄՌՏ հետազոտություն:
Էլբակյանի խոսքով՝ այդ փաստաթղթերում նշվում է, որ այդ բոլոր թվարկված հիվանդությունները տարած ինսուլտի հետևանքներ են:
Ինչպես տեղեկացանք պաշտպանից, բժիշկների կողմից տրված եզրակացությունը ռուսերեն լեզվով է: Պաշտպանն այն նախորդ դատական նիստում տրամադրել է դատարանին՝ խնդրելով կցել գործի նյութերին, սակայն դատարանը հրաժարվել է վերցնել ամբաստանյալի առողջության վերաբերյալ բժշկական փաստաթղթերը՝ պատճառաբանելով, որ օտարալեզու է:
Փաստաթղթերը պաշտպանի կողմից տրվել են թարգմանության:
Անդրադառնալով նախագահող դատավորի այն հայտարարությանը, թե այս պահին ձեռնպահ կմնան Բարսեղյանին բռնի ուժով դատարան ներկայացնելուց, ինչի վերաբերյալ մեղադրող Բիշարյանը իր կարծիքն արտահայտելիս օգտագործեց հարկադրանքի միջոց կիրառել իրավաբանական տերմինը, պաշտպանը նշեց. «Այնպես չէ որ նախկինում «բռնի ուժ» չի կիրառվել Բարսեղյանի նկատմամբ, նախկինում հողաթափերով և սպորտային հագուստով բերել են դատարան»:
«Պարոն Բիշարյանը կրկին փորձեց շտկել վիճակը՝ օգնության հասավ դատավորին՝ ասելով՝ հարկադրանքի միջոց կիրառել, որը քրեադատավարական տերմին է, այո կարող են հարկադրանքի միջոց կիրառել, բայց ոչ հիվանդ մարդու նկատմամբ»,- ասաց Վարդուհի Էլբակյանը:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/01/2024 08:17 ՀՀ կառավարությունը ազգային օպերատոր է դարձրել ուզբեկ բիզնես մագնատին, որը սանկցիաների տակ է գտնվում Եվրոպայում. «Ժողովուրդ»
- 05/01/2024 08:14 Պայքարողները չեն տրվել սադրանքներին․ «Հրապարակ»
- 05/01/2024 08:04 Նիկոլ Փաշինյանն ամոթանք է տվել, թե` չեք ուզում ձեր մի կտոր հողը զիջել, հանուն Հայաստանի անկախության․ «Հրապարակ»
- 05/01/2024 07:44 ՔՊ հերթական «ձեռքբերումները»․ Երեւանում ՏԻՄ վերջին ընտրությունների իրավախախտումները չեն վրիպել Freedom House-ի աչքից. «Ժողովուրդ»
- 05/01/2024 07:40 Արմավիրի նախկին դատախազները դիմել են արդարադատության նախարարին. ի՞նչ են պահանջում . «Ժողովուրդ»
- 05/01/2024 07:37 Աչք են փակել, սակայն շարունակում են իրենց պաշտոնները վայելել. «Ժողովուրդ»
- 04/30/2024 08:22 «Վերջին ընդդիմադիր պաշտոնյան Թագուհի Թովմասյանն էր ԱԺ-ում, որին մեծամասնությունը հեռացրեց». ԱՄՆ Պետդեպարտամենտ. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
Արտակարգ պատահարներ
- 05/01/2024 11:07 Ալավերդիում ավտոմեքենա է այրվել
- 05/01/2024 10:28 Ավտոտեխսպասարկման կետում ավտոմեքենա է այրվել
- 04/30/2024 21:32 Ողբերգական դեպք՝ Արարատի մարզում․ «Արարատ» բժշկական կենտրոնում 24-ամյա ծննդկանի պտուղը կեսարյան վիրահատումից հետո ծնվել է մահացած
- 04/30/2024 17:12 Կոտայքի մարզում. պայթուցիկի նմանվող առարկա են նետել «Մամուռ» հյուրանոցային համալիրի ուղղությամբ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել