ԲՈԼՈՐ ՆՅՈՒԹԵՐԸ
Իշխան Բարսեղյանի գործով պաշտպանները միջնորդեցին կասեցնել գործի քննությունը և դիմել ՍԴ 12/21/2017 19:14 | Դատական ռեպորտաժներ
Կաշառք ստանալու մեջ մեղադրվող Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանի գործով այսօր պաշտպանական կողմը դատարանին միջնորդեց կասեցնել գործի դատական քննությունը և դիմել Սահմանադրական դատարան՝ Քրեական օրենսգրքի 311-րդ հոդվածի 4-րդ մասի 3-րդ կետի՝ ՀՀ սահմանադրության 29, 71 և 78 հոդվածներին համապատասխանելու հարցը որոշելու համար։
Այսպիսով, Իշխան Բարսեղյանի պաշտպան Արա Ղազարյանը նշեց, որ միջնորդությունը բերվում է Քրեական դատավարության օրենսգրքի 31-րդ հոդվածի 2-րդ մասով նախատեսված կարգով։
Մասնավորապես, Բարսեղյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 3-րդ կետի հիման վրա, որը սահմանում է ազատազրկում յոթից տասներկու տարի ժամկետով՝ գույքի բռնագրավմամբ կամ առանց դրա։
311-րդ հոդվածի 4-րդ մասը սահմանում է երեք տեսակի որակյալ հատկանիշներ հոդվածի առաջին, երկրորդ և երրորդ մասերով նախատեսված քրեորեն հետապնդելի արարքների համար՝ եթե արարքը կատարվել է կազմակերպված խմբի կողմից, առանձնապես խոշոր չափերով և եթե արարքը կատարվել է դատավորի կողմից։
Ինչից հետևում է, որ Բարսեղյանին առաջադրված հոդվածը նախատեսում է առավել ծանր պատիժ, եթե հոդվածի առաջին, երկրորդ և երրորդ մասերով նախատեսված քրեորեն հետապնդելի արարքները կատարվել են դատավորի կողմից։
Ըստ պաշտպանի՝ հոդվածը չի նախատեսում անձի անձնական հատկանիշով պայմանավորված որևէ այլ որակյալ հատկանիշ, բացի անձի դատավոր լինելու անձնական հատկանիշով։ Մնացած մյուս երկու որակյալ հատկանիշները (կազմակերպված խումբ, առանձնապես խոշոր չափեր) անձնական հատկանիշներ չեն ներառում։
Պաշտպանը գտնում է, որ օրենսդիրը դրսևորել է տարբերակված վերաբերմունք որակյալ հատկանիշներն ընտրելիս և սույն հոդվածում ամրագրելիս։ Ուստիև գտնում են, որ նման տարբերակված վերաբերմունքը դատավորի մասնագիտական խմբի նկատմամբ չունի օբյեկտիվ հիմքեր, և նման իրավակարգավորման մեջ բացակայում է ողջամիտ համաչափությունը հանրային և մասնավոր շահերի միջև։
Խտրականությունը անձի նկատմամբ տարբերակված վերաբերմունք է էապես նման իրավիճակում գտնվող այլ մարդկանց համեմատ, եթե տարբերակված վերաբերմունքի համար բացակայում է օբյեկտիվ հիմքը, և եթե բացակայում է ողջամիտ համաչափությունը հետապնդվող իրավաչափ նպատակի, այսինքն Քրեական օրենսգրքի 311-րդ հոդվածի առարկայի, և միջոցի՝ տվյալ դեպքում որակյալ հատկանիշով պայմանավորված պատժաչափի միջև։
Հետևաբար իրենք գտնում են, որ ՀՀ քրեական օրենսգրքի 311-րդ հոդվածի 4-րդ մասի 3-րդ կետը հակասում է ՀՀ Սահմանադրության 29-րդ հոդվածին, քանի որ դատավորի՝ որպես որոշակի խմբի նկատմամբ օրենսդիրը նման կարգավորմամբ դրսևորել է խտրական մոտեցում։
Դատավորը հանրային գործառույթներ իրականացնող պաշտոնատար անձ է։ Որպես այդպիսին, նրա կարգավիճակը կարգավորվում է Հանրային ծառայության մասին օրենքով, իսկ Հանրային ծառայության մասին օրենքի գործողությունը տարածվում է հանրային ծառայության պաշտոնների անվանացանկով նախատեսված պաշտոն զբաղեցնող անձանց վրա: Նման պաշտոն զբաղեցնող անձինք, ըստ սույն օրենքի, բարձրաստիճան պաշտոնատար անձինք են:
Բարձրաստիճան պաշտոնատար անձինք են, օրինակ՝ Հանրապետության Նախագահը, վարչապետը, Ազգային ժողովի պատգամավորները, նախարարները և նրանց տեղակալները, ՀՀ զինված ուժերի գլխավոր շտաբի պետը և նրա տեղակալները, գլխավոր դատախազը և նրա տեղակալները, ՀՀ կառավարությանն առընթեր ազգային անվտանգության ծառայության պետական պահպանության ծառայության պետը և նրա տեղակալները, և այլն։
Նույն օրենքի ուժով Բարսեղյանը իր պաշտոնատար անձ հանդիսանալու, հանրային գործառույթ իրականացնող անձ հանդիսանալու հատկանիշներով գտնվում էր բարձրաստիճան պաշտոնատար անձանց հետ միևնույն կարգավիճակում, այսինքն էապես նման իրավիճակում։
Այսպիսով, ըստ Սահմանադրական դատարանի՝ պաշտոնյայի կողմից կաշառք վերցնելը քրեականացնելու նպատակն է թույլ չտալը, որ «ստեղծվի խտրական իրավիճակ մարդկանց իրավունքների պաշտպանության հարցում»։ Սահմանադրական դատարանի այս մոտեցման հետ համահունչ է վերը նշված դիտարկումը, որ 311-րդ հոդվածի օբյեկտը պետական մարմինների հետ հարաբերություններում մարդու իրավունքների ու ազատությունների պաշտպանությունն է, մասնավորապես՝ որ չստեղծվի խտրական իրավիճակ պետական մարմինների հետ հարաբերություններում։
Առաջնորդվելով սահմանադրական և կոնվենցիոն վերը նշված սկզբունքով, պաշտպանական կողմը գտնում է, որ դատավորի կողմից կաշառք վերցնելը որպես հանցագործության որակյալ հանգամանք, ծանրացնող հանգամանք ընտրելը արդարացված չէ, քանի որ համաչափ միջոց չէ վերը նշված իրավաչափ նպատակին հասնելու համեմատ։
Պաշտպանը նաև նշեց, որ քրեական իրավունքում հանցագործության որակյալ հատկանիշների սահմանումը պայմանավորված է դրանց հասարակական վտանգավորությամբ։ Սակայն մի՞թե կարելի է պնդել, որ պետական մարմինների նորմալ գործունեության ապահովման հետ կապված հասարակական հարաբերություններում դատավորի կողմից կաշառք վերցնելը բոլոր դեպքերում, առանց որևէ բացառության առավել մեծ հասարակական վտանգավորություն է ներկայացնում, քան, օրինակ՝ նախարարի, վարչապետի, զինված ուժերի գլխավոր շտաբի պետի, ազգային ժողովի պատգամավորի, ԱԱԾ պետական պահպանության ծառայության պետի և այլ պաշտոնատար անձանց կողմից, ովքեր դատավորի հետ միասին հանրային ծառայության մասին օրենքի 5-րդ հոդվածի 15-րդ կետի հիմքով համարվում են բարձրաստիճան պաշտոնատար անձինք՝ այսինքն գտնվում են դատավորի հետ էապես համեմատելի, նման իրավական կարգավիճակում։
Պաշտպանը նաև դատարանի ուշադրությունը հրավիրեց այն հանգամանքի վրա, որ նոր քրեական օրենսգրքի նախագծում կաշառք վերցնելու հանցակազմի որպես որակյալ հատկանիշ ընտրված է արդեն ոչ թե դատավորը՝ թիրախավորված կերպով, այլ՝ «բարձրաստիճան պաշտոնատար անձը»:
Ուստիև գտնում են, որ Քրեական օրենսգրքի 311-րդ հոդվածի 4-րդ մասի 3-րդ կետով սահմանված կարգավորումը անհրաժեշտ չէ ժողովրդավարական հասարակությունում, հակասում է Սահմանադրության 29, 71 և 78 հոդվածներին, և իր բնույթով խտրական է։
Մեղադրող Կարեն Բիշարյանը գտավ, որ ներկայացված միջնորդությունն անհիմն է և ենթակա է մերժման, հավելելով, որ դատավորի կողմից կաշառք ստանալու որակյալ հատկանիշը նախատեսելով օրենսդիրը ոչ թե նկատի է ունեցել դատավորի անձնական հատկանիշն այլև դատավորի հատուկ կարգավիճակը:
Իսկ ինչու է հատուկ կարգավիճակ որովհետև հայտնի է, որ դատավորը՝ դատարանը ներկայացնող է, իսկ դատարանը դատական իշխանության կրողը:
Օրենքի գերակայությունն ապահովելու և կողմերի միջև խտրականություն թույլ չտալու փոխարեն դատավորը կաշառք է ստանում՝ հեղինակազրկելով ողջ դատական իշխանությունը:
Դատարանը միջնորդությունը մերժեց, հաջորդ դատական նիստը նշանակելով դեկտեմբերի 28-ին:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել