Փաստ ինֆո

Ոսկու շուկայի Վաղարշի ու ԱԱԾ ալֆա-ջոկատի պետի տեղակալի միջև տարածքի օգտագործումը վեճի առարկա է դարձել, սակայն քրեական գործի հարուցումը մերժվել է բանը հասել է նրան, որ վերադասության կարգով մերժման որոշումը բողոքարկվել է դատախազություն:

Այսպիսով, Կոտայքի մարզի Վերին Պտղնի գյուղում ԱԱԾ ալֆա-ջոկատի պետի տեղակալ Սամվել Սարգսյանին պատկանող «Սեգաս» ռեստորանի տարածքի մոտակայքում սեփականության իրավունքով Վաղարշ Աբրահամյանին պատկանող 3000 քմ հողամասում կատարվող շինարարական աշխատանքներն անընդհատ խոչընդոտվել ու տարածքն ապօրինի օգտագործվել է որպես կայանատեղի և ռեստորանի տնտեսական շահագործման նպատակով:
Տարածքի սեփականատերն է Վաղարշ Աբրահամյանին, սակայն այն սեփականության իրավունքով օգտագործում է նրա եղբոր որդին Մաթևոս Նալբանդյանը:
Վերջինս փաստաբան Հրանտ Անանյանից տեղեկացանք, որ սեպտեմբերի 9-ին հաղորդում է ներկայացվել ոստիկանություն նշելով, որ երբ փորձում է արվում ցանկապատել տարածքը հանդիպում են խոչընդոտների, անգամ բռնության և սպառնալիքների:
Այդ ամենից զատ անհայտ անձինք վնասել են ցանկապատի հիմք հանդիսացող մետաղյա ձողերը պատճառելով նաև նյութական վնաս՝ 50 000 ՀՀ դրամի չափով:
Տարածքի սեփականատիրոջ կողմից որոշում է կայացվել տարածքում շինարարական աշխատանքներ իրականացնել՝ ծախսվել է 2,5 մլն ՀՀ դրամ, և հողակտորը պարսպապատվել է՝ սեփականատերն այն ի պահ հանձնել է «Պանտերա» պահնորդական ծառայության, որի համար յուրաքանչյուր օր գումար է վճարում:

Միևնույն ժամանակ ըստ կողմի՝ վախի մթնոլորտ և անհանգստություն է ձևավորվել որպեսզի չվնասեն և չկոտրեն ցանկապատը:

Սակայն հոկտեմբերի 9-ին քրեական գործի հարուցումը մերժվել է հանցակազմի բացակայության հիմքով:

Նշենք, որ «Սեգաս» ռեստորանը որպես սեփականություն գրանցված է ԱԱԾ ալֆա-ջոկատի պետի տեղակալ Սամվել Սարգսյանի որդու՝ Սերգեյ Սարգսյանի անունով:

Փաստաբանը նշում է, որ հետաքննիչը սխալ իրավական գնահատական է տվել, թե իբրև ՀՀ քրեական օրենսգրքի 185-րդ հոդվածով նախատեսված հանցակազմը բացակայում է, միևնույն ժամանակ գտնելով, որ էական վնաս չի պատճառվել Նալբանդյանին, հողը վերջինիս գույքային ֆոնդից դուրս չի եկել և դրա գույքային նշանակությունը չի փոխվել, ինչպես նաև ձեռք չեն բերվել փաստական տվյալներ հանցակազմի սուբյեկտիվ կողմի առկայությունը հիմնավորելու համար:

Փաստաբանի խոսքով՝ մերժման որոշումը ուսումնասիրելիս նաև պարզ է դարձել, որ հետաքննության տեսուչը անգամ բացատրություն չի վերցրել Սամվել և Սերգեյ Սարգսյաններից և ոչ էլ նրանց ռեստորանի աշխատակիցներից և որոշմամբ արձանագրել է, որ «ձեռնարկված օպերատիվ-հետախուզական միջոցառումներով հնարավոր չի եղել պարզել անհայտ անձանց ինքնությունը և նրանցից բացատրություններ վերցնել»:

Այն դեպքում, երբ իրենք տեսանյութ են տրամադրել որում երևում է սեպտեմբերի 8-ին դեպքի վայր ժամանած ավտոմեքենան, ինչպես նաև ավտոմեքենայից իջած անձանց արտաքին տվյալները, ովքեր էլ խոչընդոտել ու վնասել են պարիսպը:

Ըստ Անանյանի՝ ակնհայտ է, որ ջանքեր են ներդրվել քողարկելու վերոնշյալն այնպես էլ պետական ծառայության դեմ ուղղված դեպքը, այն դեպքում երբ Նալբանդյանը և այլ անձինք բացատրություններում հայտնել են, որ պարիսպը վնասած անձինք Սամվել Սարգսյանի ենթակա ԱԱԾ ծառայողներն են, ովքեր ակնհայտ ապօրինի գործողություններ են կատարել կոպիտ ձևով խախտելով սեփականատիրոջ իրավունքը:

Այսպիսով, Նալբանդյանի ներկայացուցիչ փաստաբան Հրանտ Անանյանը Կոտայքի մարզի հետաքննության բաժանմունքի տեսուչի որոշումը բողոքարկել է Կոտայքի մարզի դատախազություն, խնդրելով վերացնել այդ որոշումը և քրեական գործ հարուցել 185, 322 և 308-րդ հոդվածներով, և նախաքննությունն իրականացնելու համար այն հանձնարարել նախաքննությունն իրականացնող համապատասխան մարմնին:

Փաստաբանն ակնկալում է դատախազից օբյեկտիվ մոտեցում:

Աղբյուր` Փաստինֆո