Փաստ ինֆո

«Իրատես de facto»-ն գրում է՝ «Պաշտպանության նախարարությունում «վերանորոգում» է:

Ինչպես թերթն է մեկնաբանում, այսպես են բնութագրում Վիգեն Սարգսյանի նշանակումից հետո այդ գերատեսչության աշխատանքները:

«Ըստ մեր աղբյուրի՝ սկզբում նախարարը զարմացել է, թե ինչպիսի կադրային քաղաքականություն է իրականացվել մի այնպիսի կառույցում, որն ուղղակիորեն գործ ունի երկրի պաշտպանության հետ:

Ըստ այդմ, նախարարության ստորին օղակից մինչև վերին օղակ սկսել է «վերանորոգել», «վերակառուցել»: Նա անհեթեթ է համարել այն մարդկանց ներկայությունը նախարարությունում, որոնք ուղղակի գրանցված են ու բարձր աշխատավարձ են ստանում` չունենալով օգտակարության որևէ գործակից:

Նույն աղբյուրի փոխանցմամբ՝ Վիգեն Սարգսյանը սկսել է բեռնաթափել բաժինները և, այսպես ասած, պատահական մարդկանցից ազատվել: «Ես ավերակացս ո՞ւմ թագավորեմ». հայտնի այս խոսքը, թերևս, Վիգեն Սարգսյանի մտքում անընդհատ պտտվում է այս ամիսներին, քանի որ նախկին նախարարը բավական մեծ ու տարատեսակ խնդիրների առաջ է կանգնեցրել նրան:

Ասում են՝ այնպիսի բաներ են «ջրի երես» դուրս եկել, որ նախարարը զարմացել է, թե ինչպես կարող է գերատեսչության ղեկավարը նման երևույթները չկանխել»,- գրում է թերթը:

Հոդվածն ամբողջությամբ կարող եք կարդալ «Իրատես de facto»-ի՝ 13.06.17թ. համարում:

Աղբյուր` Փաստինֆո