Փաստ ինֆո

Ինչպես հայտնի է դարձել «Փրայմ Քրայմ»-ին, երեկ Կառլովի Վարիում Չեխական Հանրապետության ՆԳՆ կազմակերպված հանցավորության հակազդեցության վարչության դետեկտիվները խափանել են գողական հավաքույթը, որի ժամանակ, ըստ օպերատիվ տեղեկությունների, պետք է տեղի ունենար նոր «օրենքով գողերի» թագադրությունը: Ներկայումս ձերբակալվածները տեղաբաշխված են ժամանակավոր պահման մեկուսարանում:

Ձերբակալվածների թվում ի հայտ են եկել երեք գործող «օրինականներ». 58-ամյա Գայոզ Զվիադաձեն, նույն ինքը՝ Գիորխելիձեն, ով քրեական միջավայրում ավելի հայտնի է որպես Գիյա Քութաիսսկի, նրա նոր զինակից, 43-ամյա Գելա Կարդավան, նույն ինքը՝ Օլեգ Գոլոմբը, ինչպես նաև 42-ամյա մոսկվացի Դմիտրի Զաբրոդինը: Վերջինս, ինչպես հաջողվել է պարզել, թագադրվել է այս տարվա մարտին Գելայի հերթական ծննդյան օրվա տոնակատարության առիթով:

Գործակալության տվյալներով, Օլեգ Գոլոմբի անվամբ Կարդավայի ուկրաինական անձնագրի (որով նրան ձերբակալել էին Ուկրաինայում այս տարվա փետրվարին) իսկության հարցում չեխական օպերատիվ աշխատողների մոտ կասկած է առաջացել: Եթե իրավապահների կասկածները արդարանան, Գելային սպառնում է առաջին ռեալ ժամկետը՝ կեղծ փաստաթղթերի օգտագործման համար:

Որպես միջոցառման ֆինանսական կազմակերպիչ նշվում է Սոչիից «հեղինակավոր» ձեռնարկատեր Ռուբեն Թաթուլյանի (Ռոբսոն) անունը, ով նույնպես հայտնվել է ձերբակալվածների թվում: Այն դեպքում, որ հիմնական գործող անձինք Չեխիայի տարածք են ժամանել ուրիշների տվյալների ներքո:

Գաղտնիք չէ, որ Դեդ Հասանի կողմից Սոչիի նախկին «նայողն» այսօր ամեն կերպ երես է դարձնում իր լայնածավալ քրեական կապերից ու հրավիրված ԶԼՄ-ների միջոցով իր համար ստեղծում օրինավորի նոր իմիջ:

Մեկ անգամ կաթից այրվելով՝ նա փչում է ջրի վրա:

Այսպես, հինգ օր առաջ Հաղթանակի օրվան նվիրված Սոչիի հայկական ու վրացական համայնքների «վետերանների» միջև ֆուտբոլային ավանդական խաղի ավարտին Ռոբսոնը, ով հայերի կողմից էր խաղում, հրաժարվել է համատեղ լուսանկարվել՝ մտավախություն ունենալով, որ «վաղը լուսանկարները կհայտնվեն «Փրայմ Քրայմում»»:

Աղբյուր` Փաստինֆո