Փաստ ինֆո

Էրեբունի և Նուբարաշեն վարչական շրջանների ընդհանուր իրավասության դատարանում, նախագահող դատավոր Արտուշ Գաբրիելյանի, այսօր պահին քննության է առնվում 6 տարի 6 ամիս ժամկետով ազատազրկման դատապարտված պահեստազորի գնդապետ Վոլոդյա Ավետիսյանի վաղաժամ ազատ արձակելու վերաբերյալ բողոքը:

Վոլոդյա Ավետիսյանի պաշտպան Արաքս Մելքոնյանի խոսքով՝ 2015թ. հոկտեմբերից վարչակազմը նշում է, որ իր վստահորդը պատիժը կրելու կարիք չունի, այսինքն պատժի հիմնական նպատակը կատարված է, անձը ուղղված է հետևաբար ի՞նչն է պատճառը, որ նրան անազատության մեջ են պահում:

Պաշտպանը նշեց, որ որևէ հիմնավորում չի նշվում, թե ինչու անկախ հանձնաժողովը դատապարտյալին պատժից պայմանական վաղաժամկետ ազատ արձակման հավանություն չի տալիս:

Պաշտպանի գնահատմամբ, սա ոչ թե հայեցողություն է այլ կամայականություն, Վոլոդյա Ավետիսյանը 6 անգամ ներկայացվել է պատժից պայմանական վաղաժամկետ ազատ արձակման և ըստ ՔԿՀ-ի պատիժը կրելու կարիք այլևս չունի «ինչո՞ւ ենք մենք առանց որևէ նպատակի անձին պահում անազատության մեջ, եթե դրա կարիքը այլևս չկա և պատժի նպատակը կատարվել է և իր պաշտպանյալը ուղղված է, ապա որն է նպատակը իրեն անազատության մեջ պահելու»,- ասաց փաստաբանը դատարանին խնդրելով քննել իր դիմումը և Վոլոդյա Ավետիսյանին վաղաժամկետ ազատ արձակել:

Վոլոդյա Ավետիսյանն էլ իր հերթին խոսքով հանդես եկավ՝ նա ցանկանում է որ մեր երկում օրենքը գործի, «մի խնդրի կա՝ արդարություն և օրենք որպեսզի լավ պետություն ունենք մեր հետագա սերունդների համար»:

Վոլոդյա Ավետիսյանը համարում է, որ ինչպես ինքը՝ այնպես էլ մյուս դատապարտյալները երբ ներկայացվում են վաղաժամկետ ազատ արձակման և մերժում են ստանում այդ պահից սկսած իրեն գերի են: Բացի այդ նա նաև անդրադարձավ դատապարտյալի վրա յուրաքանչյուր օր ծախսվող գումարին «հեռուստացույցով հայտարարում են, թե անազատության մեջ գտնվող անձի համար ծախսվում է 5000 դրամ ես չեմ տեսել, որ իմ վրա այդքան գումար ծախսվի օրական, սա լուրջ կոռուպցիա է փողեր են լվացվում, որը քանդում է մեր պետությունը, թող հանձնաժողով ստեղծեն և գան ստուգեն»,- ասաց պահեստազորի գնդապետը:

Հիշեցնեք, որ Վոլոդյա Ավետիսյանը բաց նամակով դիմել էր ՀՀ գլխավոր դատախազ Գ. Կոստանյանին, ՀՀ արդարադատության նախարար Ա. Հովհաննիսյանին, ՀՀ Մարդու իրավունքների պաշտպան Ա. Թաթոյանին, ՀՀ ԱԺ մի շարք պատգամավորների և ՀՔԱ Վանաձորի գրասենյակի նախագահ Ա. Սաքունցին, որում մասնավորապես նշվում էր, որ ի թիվս այլ իրավունքների, Ավետիսյանը և մյուս ազատազրկված անձինք զրկված են նաև պայմանական վաղաժամկետ ազատ արձակվելու և բաց ռեժիմին անցնելու իրավունքներից:

Նրանք իրենց դժգոհությունը հայտնելով բաց նամակում պահանջե են, որ օրենսդրությանը համապատասխան միջոցներ ձեռնարկվեն իրենց իրավունքները վերականգնելու ուղղությամբ՝ նամակում նշված խնդիրների լուծման ուղղությամբ, ինչպես նաև՝ հանդիպում բաց նամակի հասցեատերերի հետ:

Հիշեցնենք նաև, որ պահեստազորի գնդապետը մեղավոր էր ճանաչվել ՀՀ քրեական օրենսգրքի 34-178-րդ հոդվածի 2-րդ մասի 5-րդ կետով և 178-րդ հոդվածի 2-րդ մասի 2-րդ և 5-րդ կետերով՝ դատապարտվելով 6 տարվա ազատազրկման:

Աղբյուր` Փաստինֆո