Փաստ ինֆո

Կենտրոն և Նորք-Մարաշ վարչական շրջանների ընդհանուր իրավասության դատարանը՝ նախագահությամբ Մեսրոպ Մակյանի, բավարարել է  «Հիմնադիր խորհրդարան»-ի անդամ Ալեք Ենիգոմշյանի նկատմամբ կալանքը որպես խափանման միջոց ընտրելու վերաբերյալ  նախաքննական մարմնի միջնորդությունը:

Այս մասին «Փաստինֆո»-ի թղթակցի հետ զրույցում ասաց Ալեք Ենիգոմշյանի փաստաբան Նիկոլայ Բաղդասարյանը հավելելով,  որ պատրաստվում է վերաքննիչ բողոք է ներկայացնել:

Պաշտպանը նշեց , որ դատարանը  խախտել է միջազգային նորմերը: Հաշմանդամություն ունեցող անձին բրայլյան գրերի ծրագրով թարգմանված չի տրամադրվել գործի վերաբերյալ փաստաթղթերը, որպեսզի իր պաշտպանը կարողանար ծանոթանալ:

Ըստ պաշտպանի՝ դատարանը Ենիգոմշյանից պահանջել է որպեսզի ոտքի կանգնած խոսի, իրեն նայի, անհարգալից է եղել, իսկ ավելի ուշ ներողություն է խնդրել հասկանալով, որ իր պաշտպանյալը կույր է:

Պաշտպանը ձեռնպահ մնաց պատասխանել հարցին, թե կոնկրետ ինչ հոդվածներով է մեղադրանք առաջադրվել Ենիգոմշյանին:

Նշենք, որ ավելի վաղ «Փաստինֆո»-ի թղթակցին ԱԱԾ-ի լրատվական ծառայությունից հայտնել էին, որ Ենիգոմշյանը կասկածվում է ՀՀ քրեական օրենսգրքի 38-219-րդ հոդվածի 3-րդ մասի 1-ին կետով նախատեսված հանցագործության՝ կազմակերպված խմբի վերոգրյալ հանցավոր գործողություններին օժանդակելու մեջ:

Աղբյուր` Փաստինֆո