Փաստ ինֆո

ՀՀ հատուկ քննչական ծառայությունը պաշտոնապես հաստատել է  պատգամավորից շորթման գործով Արտակ Գալստյանի, ով առավել հայտնի է Վանոյի Արտակ մականունով, ձերբակալությունը։

ՀՀ հատուկ քննչական ծառայությունում քննվող քրեական գործի նախաքննությամբ պարզվել է, որ «analitik.am» լրատվական կայքի աշխատակիցները կայքում պարբերաբար ՀՀ ԱԺ պատգամավորի անձի, ընտանիքի անդամների, ինչպես նաև վերջինիս գործունեությանը վերաբերող սուտ տեղեկատվություններ, զրպարտություններ և վարկաբեկիչ այլ նյութեր հրապարակելու կապակցությամբ հանդիպումներ են ունեցել նրա հետ, և նմանօրինակ հրապարակումները չդադարեցնելու և հետագայում նույնաբովանդակ այլ հոդվածներ հրապարակելու սպառնալիքով՝ իրենից պահանջել են յուրաքանչյուր ամիս վճարել 300 հազ. ՀՀ դրամ:

Այս մասին հայտնում է ՀՔԾ լրատվական ծառայությունը՝ հիշեցնելով, որ քրեական գործի նախաքննության ընթացքում «analitik.am» լրատվական կայքի գործադիր տնօրեն Անի Հովհաննիսյանին և աշխատակից Վարդիթեր Գիշյանին  մեղադրանք է առաջադրվել ՀՀ քրեական օրենսգրքի 182-րդ հոդվածի 2-րդ մասի 2-րդ կետով:

Ըստ պատգամավորի՝ armcrimenews.am-ը ամուր փոխկապակցված է «Անալիտիկ»-ի տնօրենի երկարամյա հանցավոր գործունեության հետ

Վերջիններիս նկատմամբ, դատարանի որոշմամբ, որպես խափանման միջոց ընտրվել էր կալանավորումը: Վերադաս դատարանի որոշմամբ՝ Վարդիթեր Գիշյանի նկատմամբ ընտրված խափանման միջոց կալանավորումը փոխարինվել է գրավով:

Հիշյալ քրեական գործի նախաքննության ընթացքում ձերբակալվել է Արտակ Գալստյանը, ով առավել հայտնի է Վանոյի Արտակ մականունով: Վերջինս կասկածվում է 2015թ. աշնանը «analitik.am» կայքի տնօրեն Անի Հովհաննիսյանի հետ, նախնական համաձայնությամբ, խմբով, մեկ այլ քաղաքացուց առանձնապես խոշոր չափի շորթում կատարելու մեջ:

Քրեական գործի նախաքննությունը շարունակվում է:

Լուսանկարում՝ Տիգրան Ուրիխանյանը

Աղբյուր` Փաստինֆո