ԲՈԼՈՐ ՆՅՈՒԹԵՐԸ
Ալեքսանդր Ազարյանը կայացրել է արդարացման 7 դատավճիռ` միայն մեկ տարվա ընթացքում 02/17/2016 23:47 | Արդարացման դատավճիռներ
«Փաստինֆո» գործակալությունը, շարունակելով ներկայացնել արդարացման դատավճիռները, սկսում է նոր շարք, որի շրջանակներում կանդրադառնանք յուրաքանչյուր դատավորի վարույթում քննված և կայացված արդարացման դատավճիռներին առանձին-առանձին։
Շարքն սկսում ենք Երևանի Շենգավիթ վարչական շրջանի ընդհանուր իրավասության դատարանի դատավոր Ալեքսանդր Ազարյանի վարույթում քննված քրեական գործերից: Նա նշված դատարանում դատավոր է նշանակվել 2009 թվականին:
47-ամյա դատավորի նախագահությամբ վերջին տարվա ընթացքում կայացվել է 7 արդարացման դատական ակտ, որոնցից 6-ը բողոքարկվել են և միայն 1-ի դեմ դատախազը վերաքննիչ բողոք չի ներկայացրել: Այդուհանդերձ` 6 գործով հրապարակված արդարացման դատական ակտերը մտել են օրինական ուժի մեջ, իսկ մեկը՝ դեռևս Վճռաբեկ դատարանի որոշմանն է սպասում:
Մասնավորապես՝ արդարացման դատավճիռներ կայացվել են ՀՀ քրեական օրենսգրքի 322-րդ հոդվածով (ինքնիրավչություն), 178-րդ հոդվածով (խարդախություն), 338-րդ հոդվածով (սուտ ցուցմունք տալը) և 242-րդ հոդվածով (ճանապարհային երթևեկության և տրանսպորտային միջոցների շահագործման կանոնները խախտելը):
«Փաստինֆո»-ն ձեր ուշադրությանն է ներկայացնում այդ բոլոր գործերն առանձին-առանձին:
1. Ըստ մեղադրանքի՝ 25-ամյա Գոհար Եսայանը, ցանկանալով իր ընկեր Համլետից հետ վերադարձնել նրան պարտքով տված գումարը, որը վերջինս չի ցանկացել վերադարձնել, 2014թ. փետրվարի 3-ին՝ ժամը 20:00-ի սահմաններում, Երևանի փողոցներից մեկի բակում Համլետին պատկանող «ՕՊԵԼ» մակնիշի ավտոմեքենայի սրահից, Լարիսայի ներկայությամբ վերցրել է վերջինիս «Սամսունգ նեքսուս» բջջային հեռախոսը՝ կարծելով, որ այն Հրանտի բջջային հեռախոսն է և հեռացել` Լարիսային պատճառելով 240.000 ՀՀ դրամ վնաս:
Առաջին ատյանի դատարանի 12.01.2015թ դատավճռով Գոհարն անպարտ է ճանաչվել և արդարացվել, սակայն մեղադրող դատախազը վերաքննիչ բողոք է ներկայացրել՝ պահանջելով բեկանել արդարացման դատավճիռը և նրա նկատմամբ ՀՀ քրեական օրենսգրքի 322-րդ հոդվածի 1-ին մասով նախատեսված արարք կատարելու համար նշանակել պատիժ` տուգանքի ձևով` 450.000 ՀՀ դրամ գումարի չափով: Վերաքննիչ բողոքը մերժվել է՝ ուժի մեջ մնալով առաջին ատյանի դատարանի արդարացման դատական ակտը:
2. Հաջորդ արդարացման դատավճիռը վերաբերում է 76-ամյա Վահե Աջամյանին:
Ըստ մեղադրանքի՝ 1973թ. ծնված Վահե Աջամյանը 2014թ.հոկտեմբերի 2-ին՝ ժամը 21:00 սահմաններում, օրենքի սահմանված կարգի խախտմամբ ինքնակամ իրականացնելով իր ենթադրյալ իրավունքները, գնացել է քրոջ բնակարան, ննջասենյակի պահարանից վերցրել ժամանակավոր օգտագործման հանձնված 180.000 ՀՀ դրամ արժողությամբ կիսամուշտակը: Դատարանն առաջադրված մեղադրանքում անպարտ է ճանաչել Աջամյանին եւ 18.04.2015թ. կայացված դատավճռով արդարացրել նրան:
Մեղադրող դատախազը վերաքննիչ բողոք ներկայացնելով պահանջել էր ամբողջությամբ բեկանել առաջին ատյանի դատավճիռը և կայացնել մեղադրական դատավճիռ, Վահե Աջամյանին մեղավոր ճանաչել ՀՀ քրեական օրենսգրքի 322-րդ հոդվածի 1-ին մասով նախատեսված հանցավոր արարք կատարելու համար և այդ հոդվածի սանկցիայի շրջանակներում նշանակել համաչափ պատիժ կամ գործն ուղարկել առաջին ատյանի համապատասխան դատարան` նոր քննության:
Մեղադրող դատախազի կողմից ներկայացված վերաքննիչ բողոքը մերժվել է:
3. Դատարանում որպես վկա սուտ ցուցմունք տալու մեջ մեղադրվող 46-ամյա Նարինե Ասատրյանը ևս Շենգավիթ վարչական շրջանի դատարանի դատավճռով արդարացվել է:
Ըստ մեղադրանքի՝ Նարինե Ասատրյանը Շենգավիթ վարչական շրջանի ընդհանուր իրավասության դատարանում քննվող խոշոր չափի խարդախության գործի շրջանակներում որպես վկա հարցաքննվելիս, 2013թ. դեկտեմբերի 17-ին տվել է սուտ ցուցմունք այն մասին, որ 2011թ. մարտի 12-ին Շենգավիթի նոտարական գրասենյակում Արտակ Մարտիրոսյանի միջնորդությամբ, իր և մյուս կողմից Սեդա Սաֆարյանի, Վալերի, Կարինե, Անդրանիկ և Էդուարդ Երեմյանների միջև կնքված բնակարանի գրավի /հիփոթեքի/ և փոխառության պայմանագրով Անդրանիկ Երեմյանին տվել է 15.000 ԱՄՆ դոլար գումար:
Մինչդեռ, 2014թ. օգոստոսի 8-ին Արտակ Մարտիրոսյանի գործով օրինական ուժի մեջ մտած դատավճռով ապացուցվել է, որ տվել է ոչ թե 15.000 ԱՄՆ դոլար, այլ՝ 11.000 ԱՄՆ դոլար և ոչ թե Անդրանիկ Երեմյանին, այլ՝ նույն գործով ամբաստանյալ Արտակ Մարտիրոսյանին:
Նախաքննական մարմինը մեղադրանք էր առաջադրել վկային սուտ ցուցմունք տալու համար եւ գործն ուղարկել դատարան, իսկ դատարանն էլ 12.10.2015թ. դատավճռով արդարացրել է նրան: Մեղադրող դատախազը բողոքարկել է Վերաքննիչ դատարան՝ պահանջով բեկանել արդարացման դատավճիռը եւ կայացնել նոր դատական ակտ՝ Նարինե Ասատրյանին մեղավոր ճանաչել ՀՀ քրեական օրենսգրքի 338-րդ հոդվածի 1-ին մասով նախատեսված հանցանքի կատարման մեջ, նշանակել համաչափ պատիժ կամ գործն ուղարկել համապատասխան դատարան` այլ կազմով նոր քննության:
Այս գործով ևս վերաքննիչ բողոքը մերժվել է:
4. ՀՀ քրեական օրենսգրքի 242-րդ հոդվածի 2-րդ մասով, այն է՝ ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մահ, մեղադրվող 53-ամյա Արարատ Շահնազարյանը ևս անպարտ է ճանաչվել և արդարացվել Շենգավիթ վարչական շրջանի դատարանի դատավճռով: Այս գործով արդարացման դատական ակտի դեմ դատախազը վերաքննիչ բողոք չի ներկայացրել:
5. Խարդախության մեջ մեղադրվող 46-ամյա Արմինե Մեխակյանը ևս անպարտ է ճանաչվել և արդարացվել առաջին ատյանի դատարանի դատավճռով:
Ըստ մեղադրանքի՝ Արմինե Մեխակյանը, չարաշահելով «Նատֆուդ» ՍՊ և «Վալետտա» ՓԲ ընկերությունների աշխատակիցների վստահությունը, 15-օրյա ժամկետում վճարելու պատրվակով, նշված ընկերություններից գնել է 159.000 ՀՀ դրամ արժողությամբ սուրճի տեսականի և 476.000 ՀՀ դրամ արժողությամբ մսամթերք, սակայն չի կատարել վճարումը և խաբեությամբ տիրացել է խոշոր չափի` ընդհանուր 635.000 ՀՀ դրամ արժողությամբ ապրանքներին: Դատարանը գտել է, որ Արմինե Մեխակյանի գործողություններում բացակայում է խարդախության հանցակազմի սուբյեկտիվ կողմը եւ 18.06.2015 թ. հռչակել նրա անմեղությունը եւ արդարացրել:
Այս գործով վերաքննիչ բողոք է բերվել և մեղադրող դատախազի և տուժողի ներկայացուցչի կողմից: Մեղադրողը պահանջել է բեկանել ՀՀ քրեական օրենսգրքի 178-րդ հոդվածի 2-րդ մասի 2-րդ կետով արդարացման դատավճիռը և Արմինե Մեխակյանի նկատմամբ նշանակել պատիժ` 3 տարի ժամկետով ազատազրկում: Իսկ տուժող կողմը վերաքննիչ բողոքով պահանջել է գործը վերադարձնել նույն դատարան այլ կազմով նոր քննության:
Վերաքննիչ դատարանի որոշմամբ ՝ մեղադրողի և տուժողների ներկայացուցչի վերաքննիչ բողոքները մերժվել են:
Գործով Վճռաբեկ բողոք է բերվելը, որով դեռևս որոշում չի կայացվել:
6. Իսկ առանձնապես խոշոր չափերի խարդախության մեջ մեղադրվող 58-ամյա Հերիքնազ Ղազարյանը արդարացվել է մասնակի, միևնույն ժամանակ Հ. Ղազարյանը մեղավոր է ճանաչվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և դատապարտվել 4,5 տարվա ազատազրկման, ինչպես նաև տուգանքի` 500 000 ՀՀ դրամի չափով:
Ըստ մեղադրանքի՝ Հերիքնազ Ղազարյանը ուրիշի գույքը խարդախությամբ հափշտակելու դիտավորությամբ 2011թ մայիսի 1-ին, չարաշահելով Գայանե Պետրոսյանի վստահությունը և որպես երաշխիք ցույց տալով իրեն պատկանող Գ Նժդեհի փողոցի 19-րդ շենքի 207 և 208 բնակարանների սեփականության վկայականները, շինարարական բիզնես իրականացնելու պատրվակով նրանից վերցրել է 20 000 ԱՄՆ դոլար: Ապա` նվիրատվությամբ օտարելով իր բնակարանները, հափշտակել է նշված գումարը` Գ Պետրոսյանին պատճառելով առանձնապես խոշոր չափերի հասնող գույքային վնաս:
Բացի այդ, Հերիքնազ Ղազարյանը, ուրիշի գույքը խարդախությամբ հափշտակելու դիտավորությամբ Գայանե Պետրոսյանի որդուն` Տիգրան Պետրոսյանին ԱՄՆ դեսպանատանը որպես վարորդ աշխատանքի ընդունելու պատրվակով, Երևան քաղաքի «Ռոսիա» կինոթատրոնի մոտակայքում 2011թ մայիսին Գ Պետրոսյանից վերցրել է 2000 ԱՄՆ դոլար գումար և հափշտակել:
Հերիքնազ Ղազարյանին մեղադրանք էր առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 178-րդ հոդվածի 2-րդ մասի 2-րդ կետով, նրա նկատմամբ որպես խափանման միջոց է ընտրվել կալանավորումը: Դատարանը ՀՀ քրեական օրենսգրքի 178-րդ հոդվածի 3-րդ մասի 1-ին կետով Հերիքնազ Ղազարյանին ճանաչել է անպարտ և արդարացրել։
Այս գործով վերաքննիչ բողոք է բերվել եւ մեղադրյալի, եւ վերջինս պաշտպանի, գործով մեղադրող դատախազի, տուժողի և նրա ներկայացուցչի կողմից, բոլոր վերաքննիչ բողոքները մերժվել են:
7. Հաջորդ արդարացումը ևս եղել է մասնակի. ՀՀ քրեական օրենսգրքի 3 հոդվածներով մեղադրվողները Շենգավիթ վարչական շրջանի դատարանի՝ 24-08-2015 թ. դատավճռով արդարացվել են մասնակի:
Ազատ Ղազարյանն անպարտ է ճանաչվել և արդարացվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով, միևնույն ժամանակ մեղավոր ճանաչվելով 325-րդ հոդվածի 2-րդ մասով նախատեսված երկու հանցագործություններ կատարելու համար և հանցագործություններից յուրաքանչյուրով նրա նկատմամբ պատիժ է նշանակել ազատազրկում` 2 տարի ժամկետով։
Դատավճռով՝ պատիժների համակցությամբ՝ Ազատ Ղազարյանի նկատմամբ վերջնական պատիժ է նշանակել 4 տարի 6 ամիս ժամկետով ազատազրկում։
Գործով երկրոդ ամբաստանյալը՝ Հովհաննես Հակոբյանը անպարտ է ճանաչվել և արդարացվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով, սակայն մեղավոր է ճանաչվել ՀՀ քրեական օրենսգրքի 325-րդ հոդվածի 2-րդ մասով՝ երկու հանցագործություններ կատարելու համար և հանցագործություններից յուրաքանչյուրի համար պատիժ նշանակել ազատազրկում` 1 տարի ժամկետով։
Պատիժների համակցությամբ Հովհաննես Հակոբյանի նկատմամբ վերջնական պատիժ է նշանակվել 2 տարի ժամկետով ազատազրկում, սակայն նշանակված պատիժը պայմանականորեն չի կիրառվել, քանի որ սահմանել է փորձաշրջան` 2 տարի ժամկետով։
Երրորդ ամբաստանյալը՝ Հմայակ Միքայելյանն ճանաչել անպարտ և արդարացնել ՀՀ քրեական օրենսգրքի 178-րդ հոդվածի 3-րդ մասի 1-ին կետով։
Սակայն մեղավոր է ճանաչվել ՀՀ քրեական օրենսգրքի 325-րդ հոդվածի 2-րդ մասով և 179-րդ հոդվածի 1-ին մասով և պատիժ նշանակել:
Պատիժների համակցությամբ Հմայակ Միքայելյանը դատապարտվել է 2 տարի ժամկետով ազատազրկման, սակայն նրա նկատմամբ պատիժը պայմանական չի կիրառվել քանի որ սահմանել է փորձաշրջան` 2 տարի ժամկետով։
Այս գործով վերաքննիչ բողոք է բերվել տուժողի, ամբաստանյալների և մեղադրող դատախազի կողմից:
Վերաքննիչ քրեական դատարանը բեկանել է արդարացման դատավճիռը, սակայն Վերաքննիչի որոշման դեմ բողոք են բերել գործով փաստաբանները:
Շարունակելի...
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/16/2024 08:41 Ոստիկանների հեղինակությունը 2018-ին ավելի բարձր էր. հարցում. «Ժողովուրդ»
- 05/16/2024 08:30 Թոշակները եւ աշխատավարձերը չեն բարձրացվել. Նիկոլ Փաշինյանը խաբել է. Մաս 208. «Ժողովուրդ»
- 05/16/2024 08:26 Իշխանությունը սարսափած է արքեպիսկոպոս Գալստանյանի առաջնորդած պայքարից․ «Հրապարակ»
- 05/16/2024 08:20 ՔՊ-ականները ուշի-ուշով հետեւում են Բագրատ Սրբազանի խոսքին ու քայլին. Փաշինյանի հետ շխումները դարձել են օնլայն․ «Ժողովուրդ»
- 05/16/2024 08:20 Լուծում՝ երկու քայլից․ «Հրապարակ»
- 05/16/2024 08:16 Հանձնարարված է աջուձախ «չնայել». տնից՝ գործի, գործից՝ տուն. «Փաստ»
- 05/16/2024 08:12 Գեներալի կոչում՝ հակաիշխանական ցույցերը վայրագորեն ցրելու դիմաց․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/15/2024 12:02 Ինքս իմ աչքով տեսել եմ, թե ինչպես է Փաշինյանի նեղ ու ավելի լայն շրջապատը բառացի փչացնում ու «հրեշ» դարձնում նրան. Հայրապետյան
- 05/14/2024 14:05 Ընդդիմադիր պատգամավորին թույլ չեն տվել մասնակցել Հայաստան այցելած ԵԱՀԿ նախագահի հետ հանդիպմանը
- 05/14/2024 12:00 Հայաստանի և Արցախի երիտասարդների կապը պետք է է´լ ավելի ամրապնդել ու զարգացնել. Գագիկ Ծառուկյան
- 05/13/2024 18:59 «Ծրագիր չունեն» թեզն այլևս զրկվել է բանական որևէ հիմնավորումից. իրանագետ
Արխիվ
Արտակարգ պատահարներ
- 05/16/2024 18:36 Քաղաքացին անվնաս հայտնաբերվել է
- 05/15/2024 19:39 Բալահովիտ գյուղում ավտոմեքենա է այրվել․ կա տուժած
- 05/15/2024 12:34 Կոտայքի մարզում տղամարդը մտել է ծանոթ կնոջ բնակարան, նռնակ պայթեցնելու սպառնալիքով ստիպել մերկանալ, որից հետո բռնաբարել է նրան. shamshyan.com
- 05/15/2024 10:29 Փրկարարները պոմպի միջոցով հեռացրել են մոտ 350 տոննա ջուր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը