ԲՈԼՈՐ ՆՅՈՒԹԵՐԸ
Պաշտպանական կողմը Հայկազ Բարսեղյանի սպանության սլաքը տանում է այլ կուրսանտի ուղղությամբ 12/24/2015 20:28 | ՀՐԱՏԱՊ ԹԵՄԱ
Երևանի Ավան և Նոր-Նորք վարչական շրջանների ընդհանուր իրավասության դատարանում այսօր վերջապես տեղի ունեցավ ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով դատական նիստը, որը նախկինում մի քանի անգամ հետաձգվել էր պաշտպանների չներկայանալու պատճառով։ Նիստում, որը նախագահում է դատավոր Դավիթ Հարությունյանը, ամբաստանյալների պաշտպանները բացարկ հայտնեցին մեղադրանքը պաշտպանող դատախազ Հայկ Հարոյանին, ինչը մերժվեց դատարանի կողմից:
Մասնավորապես, ամբաստանյալ Վաչե Սահակյանի պաշտպան Արմեն Նադիրյանը հայտարարեց, թե իր պաշտպանյալին առաջադրված մեղադրանքն անհիմն է, իսկ դատախազի հսկողության ներքո իրականացված նախաքննությունը կատարվել է ոչ օբյեկտիվ, միակողմանի, մեղադրական թեքումով, մակերեսային և թերի:
Պաշտպանը նշեց, որ նախաքննության ընթացքում մի շարք միջնորդություններ են ներկայացրել քննիչին առ այն, որ սպանության մասով Սահակյանին առաջադրված մեղադրանքը հիմնված է քրեական գործով հաստատված փաստական տվյալներին հակասող դատաբժշկական փորձաքննության եզրակացության և օրենքի խախտմամբ կատարված դատահոգեբանական փորձաքննության եզրակացության վրա:
Ըստ պաշտպանի՝ իրենք նախաքննական մարմնի ուշադրությունը հրավիրել են նաև այն հանգամանքի վրա, որ գործով ձեռք բերված որոշ ապացույցները և Հայկազ Բարսեղյանի հետ նույն ննջարանում քնող կուրսանտների կողմից դեպքի հանգամանքների վերաբերյալ հակասական և իրարամերժ ցուցմունքներ տալու փաստը պետք է հիմք հանդիսանար, որ Հայկազ Բարսեղյանի սպանությունը կարող էին կատարած լինել այդ կուրսանտները:
Որպես շարժառիթ պաշտպանը նշեց այն, որ կուրսանտներից Կարեն Բաղրամյանը մշտապես, ինչպես նաև դեպքից մի քանի ժամ առաջ կոնֆլիկտներ է ունեցել Հայկազ Բարսեղյանի հետ, և անգամ այդ պատճառով ինքնասպան լինելու ցանկության մասին խոսել:
Փաստաբան Ա.Նադիրյանը նաև նշեց, որ նախաքննական մարմնին միջնորդություն են ներկայացրել՝ արարքում հանցակազմի բացակայության կամ կատարված հանցագործությանը մասնակցությունն ապացուցված չլինելու հիմքով վերացնել իր պաշտպանյալի առաջադրված մեղադրանքը, երկու դրվագով առաջադրված մեղադրանքը՝ փոփոխել:
Պաշտպանի մի շարք քննչական և դատավարական գործողություններ կատարելու վերաբերյալ միջնորդությունները մերժվել են քննիչի կողմից, այդ թվում՝ իր պաշտպանյալի դեմ վկայություն տված անձանց ցուցմունքներում առկա բազմաթիվ հակասությունների, փորձաքննությունների, ձեռնարկված օպերատիվ հետախուզական միջոցառումների արդյունքում մեղավորությունը հիմնավորող որևէ տվյալ ձեռք չբերելու դեպքում սպանության վերաբերյալ առկա կասկածները փարատելու համար Վաչե Սահակյանին և նրա դեմ վկայություն տված անձանց ենթարկել պոլիգրաֆիկական հետազոտության և նրանց կողմից հանգամանքները ճիշտ ընկալելու, վերարտադրելու ունակությունը հաստատելու նպատակով նշանակել նաև դատահոգեբուժական փորձաքննություն:
Հաջորդիվ դատախազի դեմ բացարկի միջնորդությամբ հանդես եկավ ամբաստանյալ Մովսես Ազարյանի պաշտպան Անահիտ Հովհաննիսյանը, ով եւս հայտարարեց, որ կանխակալ մոտեցում կա նաև իր պաշտպանյալի նկատմամբ և որ մեղադրողը պարզապես նոտարի դեր է կատարել քննիչի գործողությունները հաստատելով:
Պաշտպան Անահիտ Հովհաննիսյանը ևս նշեց որ նախաքննական մարմինը մերժել է իրենց բազմաթիվ միջնորդությունները, ուստիև ըստ պաշտպանի քննիչը կանխակալ մոտեցում է ցուցաբերել իր պաշտպանյալի նկատմամբ:
Հաջորդը դատախազին բացարկ հայտնեց ամբաստանյալ Գնել Թևոսյանի պաշտպան Արա Զաքարյանը, պաշտպանը գտնում է, որ դատաբժշկական փորձաքննության եզրակացությունում տեղ են գտել բազմաթիվ թերություններ:
Հայկազ Բարսեղյանի ինքնասպանության վարկածն առաջ քաշելով պաշտպանը փորձեց հիմնավորել նրանով, որ իր այդ պնդումը հիմնավորվում է դեպքի վայրի զննության արձանագրությամբ:
Մասնավորապես, ըստ պաշտպանի՝ պտտաձողի վրա հայտնաբերվել է միայն տուժողի արյան խմբին պատկանող արյուն, իսկ մեղադրյալների վրա չի հայտնաբերվել տուժողի արյան, թքի, այլ արտադրությունների մասնիկներ կամ հագուստի մասնիկներ:
Ըստ պաշտպանի պնդման՝ տուժողի կամ նրա հագուստների վրա ևս չի հայտնաբերվել մեղադրյալներից որևէ մեկի արգասիքներ կամ հագուստի մասնիկներ:
«Գործով ձեռք բերված ապացույցներով օբյեկտիվորեն չի բացառվել ինքնասպանության վարկածը, իսկ պաշտպանության կողմը միջնորդությունների բավարարման դեպքում ձեռք կբերեր օբյեկտիվ ապացույցներ, որոնց միջոցով հնարավոր կլիներ պարզել գործով ճշմարտությունը»,- ասաց Արա Զաքարյանը:
Ամբաստանյալ Նորիկ Սահակյանի պաշտպան Հովիկ Արսենյանը մինչ դատախազին բացարկ հայտնելը՝ ցավակցական խոսք հղեց Հայկազ Բարսեղյանի մերձավորներին: Նրա խոսքով՝ գործը հարուցվել է ոչ թե՝ Հայկազ Բարսեղյանի սպանության կամ ինքնասպանության, մահվան փաստով, այլ՝ որ այս, այս անձինք կատարել են որոշակի գործողություններ:
Դատախազին բացարկ չհայտնեց միայն ամբաստանյալ Վարազդատ Սաֆարյանի պաշտպանը Սարգսյանը:
Տուժողի իրավահաջորդի ներկայացուցիչ Գարիկ Գալիկյանն առարկելով դատախազի դեմ պաշտպանական կողմի հայտնած բացարկի միջնորդություններին, նշեց, որ պաշտպան Արմեն Նադիրյանի միջնորդության հիմքում դրված էր այն հանգամանքը, որ մեղադրանքի կողմից մերժվել են իրենց միջնորդությունները, սակայն մեղադրողի կամ քննիչի կողմից միջնորդությունները մերժելը չի կարող հիմք հանդիսանալ մեղադրողին բացարկ հայտնելու համար:
Ուստիև միջնորդությունները ենթակա են մերժման:
Ըստ մեղադրող դատախազ Հայկ Հարոյանի՝ միջնորդություններն անհիմն են և ենթակա են մերժման, քանի որ այս փուլում դրանք ամբողջությամբ կառուցված են այս կամ այն ապացույցների մասնակի կամ խմբակային վերլուծությունների վրա, իսկ այդ ապացույցները դատարանում դեռևս չեն հրապարակվել:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/08/2024 08:21 Հայոց ցեղասպանության ճանաչման մասով ոչինչ չի արվում. Նիկոլ Փաշինյանը խաբել է. Մաս 204. «Ժողովուրդ»
- 05/08/2024 08:16 Երթին մասնակցեն՝ պետական աջակցությունից կզրկվեն․ «Հրապարակ»
- 05/08/2024 08:09 Ինչո՞վ է բացատրվում Փաշինյանի ատելությունը Վանեցյանի հանդեպ․«Հրապարակ»
- 05/08/2024 08:04 Սրբազանը դեռ տարիներ առաջ է երդվել, որ ձեռքերը ծալած չի նստելու․«Հրապարակ»
- 05/08/2024 08:01 2019 թ.-ին գրանցվել է զինծառայողի` խաղաղ պայմաններուն մահվան 32, 2023-ին`53, 2024-ի առաջին 5 ամսում` 30 դեպք. ԱՄՆ պետքարտուղարության զեկույցը. «Ժողովուրդ»
- 05/08/2024 07:58 Քերոբյանի գործով առաջիկայում որոշում կկայացվի. «Ժողովուրդ»
- 05/08/2024 07:56 Իրավապահ համակարգում որոշ գործընթացներ կանգ են առել. միգուցե երթը հասնի Երեւան ու գործընթացներ սկսվեն. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/08/2024 10:19 Իշխանությունը կոնկրետացումից խուսափելու նպատակով մշտապես զրույցը տեղափոխում է վիրավորանքի դաշտ. Աբրահամյան
- 05/07/2024 11:07 Նորից ժամանակն է ազգովի մաքրելու դաշտը մոլախոտերից և տնկելու մեր ապագա հաղթանակի առողջ սածիլները. Արշավիր Ղարամյան
- 05/07/2024 10:51 Վերջ տվեք կեղծ տեղեկատվությանը, անհեռանկար էժանագին զբաղմունք է. Դանիելյանը՝ ՀԱԵ դեմ արշավի մասին
- 05/06/2024 12:10 Սա կարող է դառնալ այն շարժումը, որը պետք է ապահովի խաղաղություն երկրի ներսում և խաղաղություն երկրի սահմաններին. Վահե Հովհաննիսյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն