Համահայկական խաղերի ընթացքում կվառվի հայ ժողովրդի միասնականությունը խորհրդանշող երեք ջահ

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 21:45 Վաղը այս հասցեներում լույս չի լինի 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Համահայկական խաղերի ընթացքում կվառվի հայ ժողովրդի միասնականությունը խորհրդանշող երեք ջահ 07/02/2015 18:26 | Մարզական

Համահայկական խաղերի Համաշխարհային Կոմիտեի պատվիրակությունը Համահայկական 6-րդ խաղերի մեկնարկին ընդառաջ այցելեց Սփյուռքի ամենահայաշատ գաղութներից մեկը` Լիբանան, Անթիլիասի մայր տաճարում սփյուռքը խորհրդանշող ջահը վառելու համար:

Ինչպես հայտնում են Համահայկական խաղերի Համաշխարհային Կոմիտեից, Բեյրութում պատվիրակությանը դիմավորեցին Լիբանանում ՀՀ դեսպան Աշոտ Քոչարյանը, Լիբանանի հայ համայնքի կուսակցական ու հասարակական-բարեգործական կազմակերպությունների ներկայացուցիչներ: Ողջունելով Համահայկական խաղերի համաշխարհային կոմիտեի նախագահին և նրա գլխավորած պատվիրակությանը ՀՀ դեսպանը կարևորեց համահայկական 6-րդ խաղերի դերը, հատկապես այն, որ խաղերի անցկացումը համընկնում է Հայոց ցեղասպանության 100-րդ տարելիցի ոգեկոչման միջոցառումների հետ:

Համահայկական խաղերի համաշխարհային կոմիտեի նախագահ Իշխան Զաքարյանը նշեց, որ Համահայկական խաղերի ընթացքում պիտի վառվի հայ ժողովրդի միասնականությունը խորհրդանշող երեք ջահ` Հայաստան, Արցախ եւ Սփյուռք: Նա նաև հայտնեց, որ այս տարի Համահայկական խաղերը կընդգրկեն 17 մարզաձևեր եւ կմասնակցեն 5000 -ից ավելի մարզիկներ:

«Մեր նշանաբանն է միասնություն սպորտով, և այս տրամաբանությամբ մենք երեք ջահ ենք վառելու, և այդ երեք վառված ջահերը համահայկական խաղերի օրը մուտք կգործեն հանրապետական մարզադաշտ, որտեղ կվառվի համահայկական խաղերի խորհրդանիշ ջահը», - ասաց Ի. Զաքարյանը:

Լիբանանի Այնճար Մուսալեռ գյուղը ամենահայաշատն է: Սա սփյուռքի այն եզակի բնակավայրերից է, որտեղ ամեն բան հայկական է: Այնճարը Փոքրիկ Հայաստանն է միջին Արևելքում, այստեղ նույնիսկ մունիցիպալ կառույցներում ծառայում են հայեր, և քաղաքապետն էլ իսկական Մուսալեռցի է:

Համահայկական խաղերի համաշխարհային կոմիտեի նախագահ Իշխան Զաքարյանը և իր գլխավորած պատվիրակությունը Այնճարում հանդիպեցին տեղի բնակչությանը, ծաղկեպսակ դրեցին Մուսա Լեռան հերոսամարտի զոհերի հուշարձանին: Այնճարցիները պատրաստվում են մեծ պատվիրակությամբ մասնակցելու համահայկական 6-րդ խաղերին :

Անթիլիասի Ս. Գրիգոր Լուսավորիչ Մայր տաճարում Մեծի Տանն Կիլիկիոյ Արամ Ա. կաթողիկոսի օրհնությամբ տեղի ունեցավ Համահայկական 6-րդ խաղերի ջահավառության հանդիսավոր արարողությունը: Ջահավառության արարողության ընթացքում հայ սկաուտները շեփորահարեցին Լիբանանի և Հայաստանի քայլերգները, կատարեցին նաև «Կիլիկիա» մաղթերգը:

Վեհափառ հայրապետը իր մաղթանքի խոսքում վստահություն հայտնեց ,որ այս համազգային նախաձեռնությունը ավելի պիտի ամրապնդի հայ ժողովուրդի հավատը, կամքն ու միասնությունը:

«Մեր միասնականությունը անհրաժեշտ է այնպիսի միջոցներով արտահայտել, որով կարելի լինի մեր ներքին միասնականությունը ամրապնդել: Համազգային, համահայկական այս խաղերը մեր ժողովրդի համար մարտահրավեր են, կոչ ու պատգամ են, հիշեցում են, որպեսզի մենք բոլորս Հայաստան, Արցախ և Սփյուռք համահայկական մտածողություն ձևավորենք, համահայկական մեր մտածողությունը դարձնենք մեր մտածողության, մեր գործելակերպի առանցքը», - հորդորեց Արամ Ա կաթողիկոսը:

Ապա ` Մեծի Տանն Կիլիկիո կաթողիկոսը հանդիսավոր պատվիրակության հետ հանդիպեց վեհարանում, որտեղ վեհափառ հայրապետին Իշխան Զաքարյանը ներկայացրեց համահայկական 6-րդ խաղերի ընթացքը ու քննարկեցին Լիբանանահայ մարզիկների մասնակցությանը վերաբերող հարցեր: Արամ Կաթողիկոսը ևս մեկ անգամ շեշտեց Համահայկական խաղերի կարևորությունը հատկապես հայրենիք սփյուռք նոր ու ամուր կապերի ձևավորման գործում :

Անթիլիասում ջահավառություինց հետո մայր հայրենիքից մեկնած հյուրերին Հայկական ընդհանուր բարեգործական միության դահլիճում պաշտոնական ընթրիքի հրավիրեցին սփյուռքի ավանդական քաղաքական կուսակցությունների, բարեգործական ու հասարակական կազմակերպությունների ներկայացուցիչները: Ընդունելության ընթացքում քննարկվեցին համահայկական խաղերի կազմակերպմանն ու անցկացմանն ուղղված խնդիրներ: Կոմիտեի նախագահը նշեց, որ «մեր հաղթանակների գրավականը մեր միասնություն է, հենց միասնական լինելով մենք կարող ենք հաղթահարել մեզ ուղղված բոլոր մարտահրավերները: Համահայկական խաղերը մեր համախմբման ու միասնականության լավագույն օրինակներից են, եթե ոչ լավագույնը»:

Այցի վերջին օրը Հայաստանից ժամանած պատվիրակությունն այցելեց Հայկազյան համալսարան, որտեղ նրանց ողջունեց Համալսարանի նախագահ, վերապատվելի դոկտոր Փոլ Հայդոստյանը: Հայկազյան համալսարանն իր ստեղծման օրից մեծ առաքելություն ունի ` ուղղված հայապահպանությանը և հայագիտական հետազոտությունների իրականացմանը, Հայկազյան համալսարանը սերտ գործակցություն ունի Հայաստանի պետական կառույցների, կրթական և մշակութային հաստատությունների հետ: Իշխան Զաքարյանը լիբանանահայ համայնքի ներկայացուցիչներին հանձնեց նվերներ, ինչպես նաև առաջին անգամ ներկայացրեց համահայկական 6-րդ խաղերի համար պատրաստված համազգեստներ: Համահայկական 6-րդ խաղերի` Լիբանանում վառված ջահը կանցնի սփյուռքի Հայաշատ քաղաքաներով, կկտրի օվկիանոսը և կհասնի միչև Ամերիկա մայրցամաք: Ջահի հաջորդ կանգառը Եգիպտոսի մայրաքաղաք Կահիրեն է: