Սյունիքի մարզպետի տան մոտ միջադեպի գործում նյութեր են բացակայում. Հայկ Ալումյան

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Սյունիքի մարզպետի տան մոտ միջադեպի գործում նյութեր են բացակայում. Հայկ Ալումյան 04/15/2015 15:38 | ՀՐԱՏԱՊ ԹԵՄԱ

Սյունիքի մարզպետ Սուրիկ Խաչատրյանի առանձնատան մոտ զինված միջադեպի ժամանակ սպանված Ավետիք Բուդաղյանի հոր ներկայացուցիչ Հայկ Ալումյանն այսօր բարձրաձայնեց քրեական գործում բացակայող նյութերի, այն է՝ պաշտոնեական կեղծիքի մասին:

Մահվան հիմքով Ավետիք Բուդաղյանի նկատմամբ քրեական հետապնդում չիրականացնելու և դրա հիման վրա մարզպետի որդու՝ Տիգրան Խաչատրյանի ու Զարզանդ Նիկողոսյանի նկատմամբ քրեական հետապնդումը դադարեցնելու որոշումների դեմ բողոքի քննության շրջանակում փաստաբանը, մասնավորապես, նշեց, որ դեպքի վայրի առաջին զննության արձանագրությունում թեև նշված է, որ առկա է լուսանկարահանում և տեսաձայնագրառում, սակայն դրանք գործում բացակայում են: «Առերևույթ առկա է քրեական գործի նյութերը կեղծելու փաստ»,- ասաց Հայկ Ալումյանը: Երկրորդ զննության ժամանակ, բացի այդ, ի հայտ են եկել մինչև այդ առգրավված ու փաթեթավորված առարկաներ:

Մարզպետ Սուրիկ Խաչատրյանի հեռախոսահամարների ելքային մուտքային վերծանումների 26 թերթից գործին կցված է միայն 16 թերթը, իսկ Սուրիկ Խաչատրյանի հեռախոսահամարի ելքային-մուտքային զանգերի վերաբերյալ այլ օպերատորի տրամադրած նյութից 24 թերթից երկուսի ճակատագիրն անհայտ է: Փաստաբանը պարզաբանեց, որ այդ նյութերը կարևոր են, քանի որ դրանով կարող է հիմնավորվել, որ դեպքի ժամանակ և դրանից հետո ում է զանգահարել «քնած» Սուրիկ Խաչատրյանը:

Գործում բացակայում են նաև հայտնաբերված զենքի վերաբերյալ հինգ գործեր:

Հայկ Ալումյանը նշեց, որ դեպքի վերաբերյալ հարցաքննված վկաները, ովքեր Սուրիկ Խաչատրյանի ընտանիքի անդամներ են, մերձավորներ կամ նրա տան աշխատողներ, սկզբնապես տվել են իրար հակասող ցուցմունքներ, սակայն հետագայում նորից հարցաքննվելով` տվել են այդ պահին ստացված փորձաքննությունների եզրակացություններին համապատասխան, իրար հետ փոխհամաձայնեցված համանման ցուցմունքներ:

Ըստ փաստաբանի, թե Տիգրան Խաչատրյանը, և թե Զարզանդ Նիկողոսյանը Ավետիք Բուդաղյանի վրա կրակել են այն ժամանակ, երբ նա ծանր վիրավոր էր և ակնհայտորեն որևէ մեկի համար վտանգ չէր ներկայացնում:

Հայկ Ալումյանը նշեց նաև, որ Ավետիք Բուդաղյանի սպանության գործն սկսվել ու ավարտվել է նախաքննությամբ, տեղի չի ունեցել սպանության հանգամանքների հրապարակային քննություն, այլ քննիչը միանձնյա որոշում է կայացրել նրա նկատմամբ քրեական հետապնդում չիրականացնելու մասին՝ մահվան հիմքով: Մինչդեռ պետությունը Մարդու իրավունքների եվրոպական կոնվենցիայի երկրորդ հոդվածով՝ Կյանքի իրավունք, կրում է արդյունավետ քննություն իրականացնելու, մեղավորներին բացահայտելու ու նրանց պատասխանատվության ենթարկելու պոզիտիվ պարտականություն:

Այս պայմաններում սպանված Ավետիք Բուդաղյանի հայրն ու նրա ներկայացուցիչը բողոքի քննության շրջանակում ակնկալում են շտկել քննության թերացումները: Այդ նկատառումով Հայկ Ալումյանը միջնորդեց դատարան հրավիրել ու հարցաքննել Սուրիկ Խաչատրյանին ու նրա ընտանիքի անդամներին, մերձավորներին:

Դատարանը մերժեց միջնորդությունը, քանի որ բողոքի քննության շրջանակում, ըստ դատարանի որոշման, օրենքով նման ընթացակարգ չի նախատեսվում:

Գործով դատավարական ղեկավարում իրականացնող դատախազ Կարեն Հարությունյանն իր հերթին նշեց, որ փաստաբանը յուրովի ներկայացրեց փաստերը: Ըստ նրա, հարցաքննվել են Սուրիկ Խաչատրյանի շրջապատի անձինք, որովհետև նրանք են դեպքին ականատես եղել:

Ըստ դատախազի, Տիգրան Խաչատրյանի ու Զարզանդ Նիկողոսյանի գործողությունները որակվել են որպես անհրաժեշտ պաշտպանություն, քանի որ Տ.Խաչատրյանն ու Զ. Նիկողոսյանը կրակել են՝ համարելով, որ զինված հարձակումն ավարտված չէ:

Կարեն Հարությունյանը նշեց, որ դեպքի վայրի առաջին զննությամբ գործում որևէ տեսաերիզ չի եղել, սակայն ինչու է քննիչը նշել, որ այն կա, ըստ դատախազի, փաստաբանը զրկված չէ բուն քրեական գործի դատաքննության շրջանակում քննիչին դատարան հրավիրելու ու հարցաքննելու վերաբերյալ միջնորդությամբ հանդես գալու հնարավորությունից:

Հեռախոսային զանգերի վերծանումների վերաբերյալ նախ դատախազը նշեց, որ քննիչի կողմից վերցվել են գործի հետ համադրելի հատվածները, սակայն ընդմիջումից հետո նոր վարկած առաջ քաշեց՝ գուցե խնդիրը տեխնիկական է, գուցե քննիչը սխալմամբ է 16-ի փոխարեն «26» նշել: Պարզվեց, որ այս միտքը ընդմիջմանը իրականում Հայկ Ալումյանն է հայտնել դատախազին, այն էլ՝ կատակով:

Բողոքի քննությունը կշարունակվի: