Սյունիքի միջադեպի գործով շարունակելու ենք պայքարը «քողարկված մեխանիզմների դեմ». Հայկ Ալումյան - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/28/2024 21:45 Վաղը այս հասցեներում լույս չի լինի 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Սյունիքի միջադեպի գործով շարունակելու ենք պայքարը «քողարկված մեխանիզմների դեմ». Հայկ Ալումյան 02/19/2015 15:28 | Քրեական խրոնիկոն

Քրեական հանցագործություններ պարտակելու պրոֆեսիոնալ մեխանիզմներից մեկը աշխատում է Սյունիքի առանձնատան մոտ Ավետիք Բուդաղյանի սպանության և նրա եղբորը՝ Արտակ Բուդաղյանին հրազենային ծանր մարմնական վնասվածք պատճառելու գործով:

Լրագրողների հետ այսօրվա հանդիպմանը Արտակ Բուդաղյանի պաշտպան Հայկ Ալումյանը նշեց, որ կոնկրետ այդ գործով մեխանիզմները գործի են դրվել դեպքից տառացիորեն ժամեր անց և մինչև օրս աշխատում են:

Պաշտպանը մեջբերեց փետրվարի 12-ին ՀՀ նախագահի խոսքերն, ըստ որի «… շարունակում են նաև օդում կախված մնալ բազմաթիվ քրեական հանցագործություններ պրոֆեսիոնալ կերպով քողարկելու վրա հիմնվելու մասին չպարզված լուրերը: Վաղը ես հրավիրելու եմ Անվտանգության խորհրդի նիստ, որտեղ մեր իրավապահների հետ համատեղ անդրադարձ կլինի, թե ինչպես վարվել նման լուրերի հետ»:

Փաստաբանը նշեց, որ լրագրողների հետ հանդիպելու անհրաժեշտություն առաջացել է իրենց հասնող լուրերի հետ կապված, թե «գործը փակված է», բողոքներն էլ՝ մերժված: Ոչինչ էլ դեռ ավարտված չէ, Բուդաղյանների կողմը շարունակում է օրենքով չարգելված միջոցներով պայքարել «քողարկված մեխանիզմների դեմ», որպեսզի եղելությունը պարզվի և մեղավորները, այդ թվում՝ քողարկողները, պատասխանատվության կանչվեն:

Հայկ Ալումյանը հայտնեց, որ Երևանի Արաբկիր և Քանաքեռ-Զեյթուն վարչական շրջանների դատարանում շարունակվում է քննությունը Զարզանդ Նիկողոսյանի և Սյունիքի մարզպետի որդու՝ Տիգրան Խաչատրյանի, նկատմամբ քրեական հետապնդումը դադարեցնելու նախաքննական մարմնի որոշումների դեմ: «Մենք ընդլայնված ձևով ներկայացնում ենք մեր դիրքորոշումները, ոչ մի փաստարկի դեմ լուրջ հակափաստարկ գոյություն չունի»,- ասաց Հ.Ալումյանը:

Սյունիք մարզպետ Սուրիկ Խաչատրյանի առանձնատան մոտ բուն միջադեպի գործով, ըստ փաստաբանի, Խաչատրյանները չեն պատասխանում իր՝ սպառնալիքներ տալու մեջ մեղադրվող Արտակ Բուդաղյանի պաշտպանի հարցերին: Մասնավորապես, մարզպետի կնոջ հարցաքննությունը մի քանի նիստ է տևել զուտ այն պատճառով, որ վերջինս հրաժարվում էր պատասխանել պաշտպանական կողմի հարցերին՝ անգամ դատարանի պարզաբանումներից հետո, որ Լորետա Բարսեղյանն իրավունք չունի չպատասխանել հարցերին: Նույնպիսի տակտիկա էին ընտրել նաև մարզպետի որդիները՝ Տրդատ և Տիգրան Խաչատրյանները:

Անհավատալի է մարզպետի ընտանիքի անդամների հայտարարություններն առ այն, թե մարզպետը «չի լսել, չի արթնացել և չի կրակել»՝ հաշվի առնելով, որ մարզպետի ննջասենյակի «պատուհանները նայում են դեպի դեպքի վայր», միջադեպի վայրից միայն 20 մ հեռավորության վրա են գտնվում և անհնարին էր չլսել գոռգոռոցների ձայները, հատկապես որսորդական հրացանի կրակոցների բարձր ձայները: Անհավանական են նաև Խաչատրյանների պնդումները, թե իրենք Սուրիկ Խաչատրյանին դեպքի մասին ոչինչ չեն հայտնել:

Տարօրինակ իրավիճակ է ստեղծվել նաև Խաչատրյանների հեռավոր ազգական Նիկոլայ Աբրահամյանի հետ կապված՝ գնդակը մնացել է նրա մարմնի մեջ, այն չեն հանում, պատճառաբանելով, որ վիրահատության ժամանակ նյարդային հանգույցը կարող է վնասվել, սակայն գնդակը չհանելն արդեն նրա առողջությանը մեծապես վնասում է՝ Աբրահամյանի «ոտքը չորանում է»: Բուդաղյանի պաշտպանը հայտնեց, որ ինքը խոհրդակցել է մի հայտնի վիրաբույժի հետ, ով հայտնել է, որ այդ իրավիճակում ինքը կնախընտրեր վիրահատել ու գնդակը հանել: Իսկ միգուցե գնդակը վտանգ է ներկայացնում նախաքննական մարմնի համար, նշեց պաշտպանը, և գնդակը մարմնից հանելու դեպքում կհաստատվի, որ գնդակն արձակված չէ Ավետիք Բուդաղյանի կողմից, ու նաև արձակված չէ Տիգրան Խաչատրյանի կողմից:

Գործի դատաքննության ժամանակ ցուցմունքներ են տրվել, ասաց Հայկ Ալումյանը, որոնք բավականին լուրջ կասկածի տակ են դնում մեղադրանքը:

Հայկ Ալումյանը հայտնեց նաև, որ ինքը դիմել է ՀՀ նախագահի, կառավարության աշխատակազմերին ու արդարադատության նախարարին՝ ստուգելու մամուլում շրջանառվող տեղեկություններն առ այն, որ մասնավորապես, երկրի ղեկավարը, վարչապետն ու արդարադատության նախարարը մասնակցել են Սուրիկ Խաչատրյանի որդու հարսանիքին, ուստիև այդ պարագայում դատարանը չի կարող անաչառ ու անկաշկանդ լինել Սուրիկ Խաչատրյանին առնչվող գործով: Ըստ պաշտպանի, իր հարցումներին որևէ պատասխան չի ստացել: Հայկ Ալումյանը հայտնեց, որ հաշվի առնելով, որ այս տեղեկության հետ կապված ներպետական դատական ատյանները արյունավետ դատական միջոց չեն, ուստի առանց բոլոր ներպետական ատյանները սպառելու արդեն որոշել է դիմել ՄԻԵԴ՝ «ավելի շուտ, քան մեր դատարաններից որևէ մեկը այդ մասին որոշում կկայացնի»: