Ոստիկանների սադրանքն ու ոչնչով չարդարացված գործողությունները հանգեցրեցին բախման. Շանթ Հարությունյանի գործով պաշտպաններ

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 21:58 Ավտովթար Երևան-Սևան ավտոճանապարհին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Ոստիկանների սադրանքն ու ոչնչով չարդարացված գործողությունները հանգեցրեցին բախման. Շանթ Հարությունյանի գործով պաշտպաններ 09/22/2014 18:55 | ՀՐԱՏԱՊ ԹԵՄԱ

Շանթ Հարությունյանի և մյուսների գործով ամբաստանյալ Մկրտիչ Հովհաննիսյանի պաշտպան Ռուզաննա Հովհաննիսյանը նշեց, որ իր պաշտպանյալը իրեն մեղավոր է ճանաչել Քրեական օրենսգրքի 258-րդ հոդվածի 4-րդ մասով, 316-րդ հոդվածի 2-րդ մասով առաջադրված մեղադրանքում՝ ` զենքի կամ որպես զենք օգտագործվող առարկաների գործադրմամբ խուլիգանություն և իշխանության ներկայացուցչի կյանքի կամ առողջության համար վտանգավոր բռնությունը՝ կապված նրանց կողմից իրենց ծառայողական պարտականությունները կատարելու հետ, ու խորապես զղջում է իր կատարած արարքի համար: Մկրտիչը երթի օրը 18 տարեկան է եղել, դրական է բնութագրվում: Նա տառապում է արագ զարգացող, իր տարիքի հետ անհամատեղելի «հիպերտոնիա» հիվանդությամբ, որը լուրջ վտանգ է ներկայացնում: Պաշտպանը գտնում է, որ իր պաշտպանյալի համար մեղադրողի կողմից հինգուկես տարվա ազատազրկում պահանջելը խիստ է և ոչ իրավաչափ, ուստի դատարանից խնդրեց մեղմել՝ նշանակվելիք պատիժը պայմանականորեն չկիրառել, որպեսզի նա հնարավորություն ունենա ապրել երիտասարդին վայել կյանքով ու սովորել:

Ամբաստանյալներ Վահե Մկրտչյանի, Ալբերտ Մարգարյանի ու Միսակ Առաքելյանի պաշտպան Հովհաննես Քոչարյանը միջնորդեց իր պաշտպանյալներ Միսակ Առաքելյանին, Վահե Մկրտչյանին ու Ալբերտ Մարգարյանին անմեղ ճանաչել ու արդարացնել: Առաջինը մեղադրվում է ՀՀ քրեական oրենսգրքի 258-րդ հոդվածի 1-ին մասով՝ խուլիգանություն, Վահե Մկրտչյանն ու Ալբերտ Մարգարյանը՝ 258-րդ հոդվածի 4-րդ մասով, 316-րդ հոդվածի 2-րդ մասով:

Մեղադրողը միջնորդել էր Վահե Մկրտչյանին դատապարտել ութուկես տարվա, Ալբերտ Մարգարյանին՝ ութ տարվա ազատազրկման, իսկ Միսակ Առաքելյանին՝ 50 հազար ՀՀ դրամի տուգանքի:

Պաշտպանը գտնում է, որ մեղադրողի ճառից տպավորություն է ստացել, որ դատաքննություն չի եղել, քանի որ դատաքննության ժամանակ ոչ միայն չեն հաստատվել, այլև հերքվել են մեղադրանքի հիմքում ընկած հանգամանքները: Մասնավորապես, գործի տվյալներով չի հաստատվում երթին 100 և ավելի մարդկանց մասնակցության պնդումը: Ըստ նրա, ոստիկանների ու երթի մասնակիցների բախման պատճառը մի կողմից ոստիկանների սադրանքի, մյուս կողմից՝ անարդյունավետ, ոչնչով չարդարացված գործողությունների հետևանքն է: Պաշտպանը գտնում է, որ ամբաստանյալների նկատմամբ խուլիգանության մեղադրանք առաջադրելը ոչ միայն անօրինական է, այլև՝ անբարոյական, քանի որ խուլիգանությունն ու քաղաքական պայքարը միանգամայն տարբեր հասկացություններ են, տվյալ դեպքում իսպառ բացակայում է խուլիգանության հանցակազմը:

Երթի մասնակիցները կրել են փայտեր ու հրատեխնիկական միջոցներ՝ ոստիկանների բռնություններից պաշտպանվելու համար, այսինքն՝ գտնվել են անհրաժեշտ պաշտպանության վիճակում: Նա տեսակետ հայտնեց, որ իր պաշտպանյալների գործողությունները կարող են որակվել ՀՀ քրեական օրենսգրքի 117-րդ և 118-րդ հոդվածներով՝ դիտավորությամբ առողջությանը թեթև վնաս պատճառելը և ծեծը:

Ըստ պաշտպանի, երթի մասնակիցների կողմից փայտերն ու դիմակները այդ թվում՝ ոստիկանների կողմից, չեն ընկալվել որպես սպառնալիք, այլ սոսկ խորհրդանիշներ են եղել, երթն էլ եղել է խաղաղ: Իսկ ոստիկանները խաղաղ երթին աջակցելու փոխարեն սահմանափակել են մարդկանց սահմանադրական իրավունքները՝ չունենալով դրա համար օրենքով սահմանված հիմքերը: Արդյունքում խախտվել են մարդկանց կարծիք հայտնելու ու հավաքների սահմանադրական իրավունքները:

Ավելի վաղ «Փաստինֆո»-ն տեղեկացրել էր, որ ամբաստանյալներ Շանթ Հարությունյանի, նրա անչափահաս որդու՝ Շահեն Հարությունյանի ու պահեստազորի փոխգնդապետ Վարդան Վարդանյանի պաշտպան Ինեսսա Պետրոսյանը միջնորդել էր իր պաշտպանյալներին անմեղ ու արդարացված ճանաչել: Շանթ և Շահեն Հարությունյաններին, Վարդան Վարդանյանին մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասով՝ զենքի կամ որպես զենք օգտագործվող առարկաների գործադրմամբ խուլիգանություն: Մեղադրող Գևորգ Գևորգյանը միջնորդել էր Շանթ Հարությունյանին դատապարտել 7 տարվա, նրա անչափահաս որդուն՝ Շահեն Հարությունյանին՝ 5 տարվա և Վարդան Վարդանյանին վեցուկես տարվա ազատազրկման:

Նշենք, որ այսօր ամբաստանյալները դատարանի դահլիճ մուտք գործեցին հանրության ներկայացուցիչների ու հարազատների «հերոսնե՛ր» վանկարկումների ներքո:

Հաջորդ դատական նիստում պաշտպանական ճառերի հրապարակումը կշարունակվի: