ԲՈԼՈՐ ՆՅՈՒԹԵՐԸ
«Հայկական միրգ» ԲԲԸ-ն առարկում է Վերահսկիչ պալատին ու մեղադրում լրատվամիջոցին 06/11/2014 19:08 | ԼՐԱՀՈՍ
Վերահսկիչ պալատի հաշվետվություններում առկա փաստերի համար հերթական անգամ պատասխանատվությունը մնում է դրանք հրապարակած լրատվամիջոցի վրա:
Հերթական անգամ առաջնորդվելով, ՎՊ-ի հաշվետվության մեջ նշված փաստերով և պետական այս մարմնի պաշտոնական կայքում հրապարակված տեղեկատվությունն ընդունելով որպես հավաստի, լրատվամիջոցը բախվում է դրանում արտացոլված փաստերը հերքելու պահանջի հետ:
Այսպես, մայիսի 30-ին մեր կայքում հրապարակել էինք «Գյուղական տարածքների տնտեսական զարգացման ԾԻԳ» պետական հիմնարկում Գյուղատնտեսության զարգացման միջազգային հիմնադրամի և Նավթ արդյունահանող երկրների կազմակերպության (OPEC) Միջազգային զարգացման հիմնադրամի կողմից Հայաստանի Հանրապետությանը տրամադրված վարկային և դրամաշնորհային միջոցների, ինչպես նաև ՀՀ պետական բյուջեի միջոցների օգտագործման օրինականության ու արդյունավետության նկատմամբ իրականացված վերահսկողության արդյունքների վերաբերյալ» ՎՊ ընթացիկ հաշվետվության մեջ ներկայացված տվյալներին, մասնավորապես` «Հայկական միրգ» ԲԲԸ-ի գործունեությանը վերաբերող որոշ տվյալներին:
Նշենք նաև, որ հոդվածը ոչ թե սեփական հետաքննություն էր, այլ ՎՊ-ի «բացահայտումների» մասին նյութ՝ հիմնված նրանց իսկ հրապարակած փաստերի վրա:
Եվ ահա, «Հայկական միրգ» ընկերությունը «Փաստինֆո»-ին է ներկայացրել փաստեր, որոնք, մեղմ ասած, տարբերվում են ՎՊ-ի հաշվետվության մեջ արտացոլվածներից` լրատվամիջոցին մեղադրելով «չհիմնավորված» փաստեր հրապարակելու համար: Ի դեպ, ընկերության ուղարկած գրավոր պատասխանից տեղեկանում ենք նաեւ, որ ժամանակին իրենց առարկություններն են ուղարկել ՎՊ, իսկ թե ինչու դրանք իրենց արտացոլումը չեն գտել ՎՊ-ի հաշվետվության մեջ, թերեւս, պետք է պարզաբանի հենց վերահսկիչ պալատը։
Օրինակ` հոդվածում բառացի մեջբերել էինք ՎՊ հաշվետվության այն հատվածը, որում ասվում էր. «ծիրանի արտադրությունն ընդհանրապես հանվել է ծրագրից այն դեպքում, երբ բիզնես-պլանով տնտեսագիտական հաշվարկներում» մեծ տեղ էր զբաղեցնում ծիրանի արտադրությունից ստացվող եկամուտը: Հետևաբար, սա ոչ թե «հոդվածագրի ենթադրությունն» է, ինչպես մեկնաբանել են ընկերությունից մեզ ուղարկված պատասխանում, այլ ՎՊ հաշվետվության մեջ պաշտոնապես նշված տեղեկություն : Ինչևէ, այս հարցի վերաբերյալ ընկերությունից մեզ տեղեկացնում են, որ ծիրանի արտադրությունը ոչ թե հանվել է ծրագրից, այլ ընկերությունը «նպատակահարմար է գտել ներկրել ծիրանենու ցածրաճ պատվաստակալներ և տեղում կազմակերպել դրանց պատվաստումը հայկական սորտերի պատվաստակալ կտրոններով, որից հետո հիմնել այգիներ հայկական սորտերով, սակայն ցածրաճ պատվաստակալների վրա` աճեցնելով ինտենսիվ եղանակով»: Ընդ որում, այս մոտեցումը, ըստ «Հայկական միրգ ընկերության», համաձայնեցված է ԳԶՄՀ-ի` ֆինանսավորող կողմի և «Հայկական միրգ» ԲԲԸ-ի կողմից` տնօրենների խորհրդի հետ:
«Հայկական միրգ» ընկերությունը նաև իր անհամաձայնությունն է հայտնում հոդվածում տեղ գտած այն մտքի հետ, որ «ընկերության 2-ամյա գործունեության արդյունքում հայկական միրգը ոչ միայն միջազգային շուկա դուրս չեկավ, այլև վերացավ նույնիսկ հայաստանյան շուկայից»՝ պարզաբանելով. «ընկերությունը ամենաարագ տեմպերի դեպքում անգամ չէր կարող 2 տարվա ընթացքում այգի հիմնել, հիմնված այգիներից բերք ստանալ և աճեցված բերքով շուկա մտնել» : Ավելորդ չենք համարում փաստել, որ այս եզրակացությունը հոդվածում ևս մերկապարանոց չէր, այլ հիմնված էր ՎՊ հաշվետվության հետևյալ հատվածի վրա. «2012թ. մարտին ԲԲԸ-ի տնօրենների խորհրդի կողմից հաստատվել է ԲԲԸ-ի 2012թ. բիզնես-պլանը, որով … նախատեսվել է նաև, որ 2014թ.-ին պետք է ստացվեր 847տ մրգի և ընկուզեղենի բերք, 2015թ.-ին` 2534տ, իսկ 2018թ.-ին` արդեն 4668տ»:
Բացի այդ, ամբողջովին հիմնվելով ՎՊ հաշվետվության մեջ ներկայացված տվյալների վրա, հոդվածում նշել էինք, որ «700 հա-ի փոխարեն ընդամենը 306 հա այգի է տնկվել, այն դեպքում, երբ ծախսվել է 700 հա-ի համար նախատեսված գումարը: 2013թ.-ին նախատեսված 148 հա և 2014թ.-ին նախատեսված 158հա-ի փոխարեն փաստացի միայն 2013-ին Տավուշի մարզի Արճիս համայնքում 4.28հա այգի է հիմնվել, այն էլ` առանց ծրագրով պարտադիր պայման հանդիսացող ու բյուջեով հաշվարկված ոռոգման համակարգի և հակակարկտային ցանցի»: Ընկերությունը պարզաբանում է, որ իրականում տնկված այգիների մակերեսն ավելի մեծ է` 50.8 հա : Ինչ վերաբերում է ոռոգման համակարգին ու հակակարկտային ցանցին, որոնք դարձյալ ՎՊ հաշվետվության համաձայն, «պարտադիր պայման է ինչպես տարեկան պլան-բյուջեով, այնպես էլ` բիզնես-պլանով», ապա ընկերությունը հայտնում է, որ դա պարտադիր պայման չէ, ինչպես նշված է ՎՊ հաշվետվության մեջ և «դրանց բացակայության միակ պատճառն այն է, որ կազմակերպված միջազգային մրցույթների արդյունքում առաջարկվել են բավական բարձր գներ, այժմ աննպատակահարմար է հակակարկտային ցանցի և համակարգերի տեղադրումը»: Միաժամանակ, ընկերությունը կազմակերպում է մրցույթներ` «նոր խելամիտ առաջարկների ստացման համար»:
Միաժամանակ անդրադարձել էինք ՎՊ նշած այն փաստին, որ ծրագրի շրջանակներում Իտալիայից բերված ընկուզենու պատվաստացուները իտալացի փորձագետի կողմից կատարված պատվաստման արդյունքում ամբողջովին փչացել են: Նույն պատվաստման արդյունքում փչացել է նաև ՙԱրագածոտնի ԳԱՄԿ՚ ՓԲԸ-ից ձեռք բերված 10 000 պատվաստակալներից 3 640 հատը` 1.7 մլն դրամ արժեքով: Մնացած 6 360 հատի հետագա օգտագործումը, ըստ ՎՊ-ի, հարցականի տակ է: Ընդ որում` դրանց պահպանման և խնամքի համար, դարձյալ ըստ ՎՊ-ի, «լրացուցիչ ծախսվել է ևս 2.1 մլն դրամ»: Այս փաստերի հետ ընկերությունն, ըստ էության, համաձայն է, սակայն նշում է, որ «3640 պատվաստակալները տուժել են ձմռան ցածր ջերմաստիճանից, իսկ մնացած պատվաստակալները կօգտագործվեն պատվաստման, ուսուցողական դասընթացների կազմակերպման և այլ նպատակներով»: Ի դեպ, ընկերությունից նաև տեղեկացնում են, որ «չհաջողված պատվաստման աշխատանքների դիմաց փորձագետը չի վճարվել», նրան վճարվել է 3 866 768 ՀՀ դրամ, մինչդեռ, ըստ ՎՊ-ի նրան վճարվել է 6,4 դրամ:
Ի դեպ, մեր հոդվածում, դարձյալ հիմնվելով ՎՊ ներկայացրած փաստերի վրա, անդրադարձել էինք նաեւ այն հարցին, որ ծրագրին խորհրդատվական ծառայությունների մատուցման համար պայմանագիր է կնքվել Զիմբաբվեում գրանցված աֆրիկյան «Մաքֆերսոն Քընսալթինգ Գրուպ» ընկերության հետ («Մաքֆերսոն Քընսալթինg Գրուպ» ընկերության հետ` gրանցման վայրը Զիմբաբվե, Աֆրիկա».ՎՊ): Ընկերությունից հայտնում են, որ որպես ավագ խորհրդատու է ընտրվել ավստրալական «Մաքֆերսոն Քընսալթինգ Գրուպ» ՍՊԸ-ի Զիմբաբվեում գրանցված մասնաճյուղի ագրոբիզնեսի խորհրդատուն: Իսկ 2013-ին նրա հետ պայմանագիրը դադարեցվել է` այլևս դրա անհրաժեշտությունը չունենալու հիմքով:
Ընկերությունն իր արձագանքում մեզ մեղադրում է նաև միջազգային այս փորձագետների մասին, հոդվածում, իբր, օգտագործված «ինչ-որ իտալացի» և «աֆրիկացի» արտահայտությունների համար` դրանցում «ռասիզմի և քսենոֆոբիայի տարրեր» նկատելով : Ընկերությանն ուղղակի խորհուրդ կտանք ավելի ուշադիր կարդալ հոդվածն ու համոզվել «ինչ-որ իտալացի» արտահայտություն դրանում ուղղակի չկա, ինչ վերաբերում է «աֆրիկացի» բառին, այն ուղղակի մատնանշում է անձի ծագումը և որևէ վիրավորական երանգ չի պարունակում : Այլ հարց է, որ, ինչպես մեզ տեղեկացնում են ընկերությունից, ագրոբիզնեսի խորհրդատու-փորձագետն իրականում ոչ թե Աֆրիկացի է եղել, այլ Մեծ Բրիտանիայի քաղաքացի:
Գալով հոդվածում նշված մի քանի այլ թվային տվյալների, նշենք, որ ըստ ՎՊ հաշվետվության, 2012-13 թթ-ի գրասենյակային ծախսերն արժեցել են 785 600 ԱՄՆ դոլար` շուրջ 200 000 ԱՄՆ դոլար աշխատավարձ է վճարվել գրասենյակի աշխատակիցներին, 115 600 դոլարով մեքենաներ են գնվել և 24 000 դոլարով սպասարկվել, 309 000 դոլար են արժեցել խորհրդատվական ծառայությունները, 101 000 դոլար է ծախսվել գործառնական այլ ծախսերի համար և այլն: Ընկերությունը գրում է, որ թվերը ներկայացվել են խեղաթյուրումներով և թերություններով, և փաստացի անդրադառնում դրանցից միայն մեկին` մեքենաների սպասարկման համար ծախսված գումարներին : Պարզաբանման համաձայն, 5 մեքենայի համար 2 տարվա ընթացքում ծախսվել է ոչ թե 24 000 ԱՄՆ դոլար, ինչպես ներկայացված է ՎՊ հաշվետվության մեջ, այլ «ընդամենը 5800 ԱՄՆ դոլար»:
Եվ վերջում դարձյալ ուզում ենք հիշեցնել, որ մայիսի 30—ին մեր կայքում հրապարակված «Հայկական գյուղատնտեսությունը իտալացի ու աֆրիկացի մասնագետների ձեռքերում. Փողերը ծախսվել են` միրգը չի աճել» հոդվածում բերված տվյալները, որոնցից շատերն, ի դեպ, «Հայկական միրգ» ընկերությունն էլ իր գրության մեջ չի հերքել, այլ միայն դրանց շուրջ որոշակի պարզաբանում է ներկայացրել, հիմնված են ՎՊ ընթացիկ հաշվետվությունում ներկայացված տեղեկությունների վրա, ուստի, կարծում են, որ դրանց վերաբերյալ լրատվամիջոցից հերքում պահանջելու փոխարեն ավելի ճիշտ կլիներ դիմել հենց դրանց հեղինակ պետական կառույցին:
Հատկապես, որ Վերահսկիչ պալատի պարագայում սա առաջին դեպքը չէ, երբ հաշվետվություններն ու ուսումնասիրությունների արդյունքում ձեռք բերված փաստերը հրապարակվում են առանց հասցեատեր կառույցի հկափաստարկներն ու պարզաբանումները հաշվի առնելու: Օրինակները շատ են, բայց ամենացայտունը թերևս «Դատաիրավական» ԾԻԳ-ի իրականացրած ծրագրերի ուսումնասիրությունների արդյունքում հրապարակված փաստերն էին, որոնց վերաբերյալ ՎՊ նախագահ Իշխան Զաքարյանն անգամ հայտարարել էր, թե խնդրի շուրջ նյութերն ուղարկվել են ՀՀ գլխավոր դատախազություն և «մոտ ապագայում կհարուցվի քրեական գործ»: Քրեական գործի փոխարեն «Դատաիրավական» ԾԻԳ-ը մանրամասն անդրադարձավ ՎՊ հաշվետվությանը` հակափաստարկներ բերելով իրենց կատարած աշխատանքներում ՎՊ-ի բացահայտած խախտումների փաստերին և հայտարարելով, որ ՎՊ-ի աշխատակիցներն անաչառ չեն եղել:
Եթե «Հայկական միրգ» ընկերությունը ՎՊ-ի հաշվետվության հետ կապված ունի այլ առարկություններ եւս, ապա պատրաստակամ ենք դրանց նույնպես անդրադառնալ։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/28/2024 10:21 4 քաղաքացի ոտքով բարձրացել են Գութանասար, որտեղ նրանցից մեկի ոտքը կոտրվել է
- 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է
- 04/27/2024 19:11 3 զոհ, 6 վիրավոր․ Սյունիքում իրանական ավտոբուս է շրջվել
- 04/27/2024 12:45 Ողբերգական դեպք՝ Երևանում. շենքի բակում հայտնաբերվել է 66-ամյա տղամարդու մարմին
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել