Օմբուդսմենը դիմել է ՍԴ՝ կուտակայինի հարցով

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/28/2024 21:45 Վաղը այս հասցեներում լույս չի լինի 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Օմբուդսմենը դիմել է ՍԴ՝ կուտակայինի հարցով 02/24/2014 11:16 | ԼՐԱՀՈՍ

ՀՀ Մարդու իրավունքների պաշտպանի գրասենյակն այսօր հաղորդագրություն է տարածել՝ պարտադիր կուտակային կենսաթոշակների օրենքի կիրառման վերաբերյալ Օմբուդսմենի կողմից ՍԴ հրատապ գրություն ներկայացնելու վերաբերյալ:

Հաղորդագրության մեջ մասնավորապես ասվում է.

«Բարձր դատարան,

Սահմանադրական դատարանի հունվարի 24-ին կուտակային կենսաթոշակների մասին օրենքի վերաբերյալ կայացրած աշխատակարգային որոշումը տարաբնույթ մեկնաբանությունների և գործողությունների տեղիք տվեց թե՛ գործատուների, թե՛ աշխատողների և թե՛ պետական մարմինների ղեկավարների կողմից: Որոշ գործատուներ, հղում կատարելով օրենքի չկասեցված դրույթներին, պնդում էին, որ կուտակային կենսաթոշակների մասին օրենքն ուժի մեջ է, գործում է և պահում էին կուտակայինի համար նախատեսված 5 տոկոսը: Աշխատողներն իրենց հերթին առաջ էին քաշում ՍԴ կասեցման որոշումը և պահանջում էին չգանձել կուտակայինի 5 տոկոսը:

Այս խառնաշփոթի հետևանքով բազմաթիվ քաղաքացիներ, դժգոհություն հայտնելով, որ գործատուներն իրենց կամքին հակառակ պահումներ են կատարում իրենց աշխատավարձից, դուրս եկան փողոց՝ արտահայտելու իրենց կամքը/դժգոհությունը: Առանձին դեպքերում այս ակցիաներին մասնակցած աշխատողները ղեկավարության նախաձեռնությամբ ազատվեցին աշխատանքից, ինչի պատճառը, աշխատողների պնդմամբ, նրանց դժգոհության բարձրաձայնումն է եղել:

Այս խառնաշփոթ իրավիճակն էլ ավելի խորացավ որոշ պետական մարմինների կողմից արված հայտարարությունների արդյունքում: Նախ Պետական եկամուտների կոմիտեն նշեց, որ պարտադիր կուտակային վճարների հաշվարկման համակարգչային ծրագիրն ավտոմատ հաշվարկում է պարտադիր կուտակային վճարները, և ՊԵԿ-ն իրավասու չէ հաշվետվության ձևից հանել պարտադիր կուտակային վճարների դաշտը (http://taxservice.am/MD_News.aspx?ntname=MDPubClarifications&nid=2061):

Անմիջապես հետո Կենտրոնական բանկը հանդես եկավ հայտարարությամբ՝ մեկ անգամ ևս հիշեցնելով քաղաքացիներին, որ Սահմանադրական դատարանն իր աշխատակարգային որոշմամբ պարտադիր կուտակային վճարները կատարելու պարտականությունից չի ազատել գործատուներին: Ավելին, ԿԲ-ը հայտնեց, որ «վիճարկվող դրույթների` ՀՀ Սահմանադրությանը համապատասխանող ճանաչվելու պարագայում պարտադիր կուտակային բաղադրիչի մասնակիցների համար հետևանքները, թերևս, ավելի ծանր կլինեն և կհանգեցնեն բաց թողնված ժամանակահատվածի համար կուտակային վճարներ միանվագ կատարելու պարտավորությանը» (https://www.cba.am/AM/News/Pages/news_07-02-14.aspx):

Նշյալ հայտարարություններից հետո բազմաթիվ քաղաքացիներ սկսեցին ահազանգել Մարդու իրավունքների պաշտպանին` մտավախություն ունենալով, որ հետագայում իրենց պարտադրելու են վճարել նաև նախորդ ամիսների կուտակային վճարները: Ավելին, փետրվարի 18-ին ատոմակայանի մի խումբ աշխատակիցներ նույն հարցով դիմեցին իրենց իրավունքների պաշտպանության համար:

Հիմնվելով գործող օրենքի դրույթների, ՍԴ կայացրած աշխատանքային որոշման և սամանադրական իրավունքի նորմերի և մարդու իրավունքների գերակայության սկզբունքի վրա` Պաշտպանը հրապարակեց պարզաբանումներ պարտադիր կուտակային վճարների հետ կապված քաղաքացիների հարցերի վերաբերյալ (http://pashtpan.am/library/view_news/article/1125):

Մեր պարզաբանումներից հետո լրագրողի հետ հեռախոսազրույցի ժամանակ ՍԴ աշխատակազմի ղեկավար Առուշան Հակոբյանը ԿԲ հայտարարության վերաբերյալ նշել էր, որ «Կենտրոնական բանկում ով որ դա արել է, նվազագույնը ոչ միայն ՀՀ օրենքների, այլ նաև սահմանադրական համապատասխան սահմանումներին դեմ է գնացել... որևէ գործատու, որևէ վճարող անձ իրավունք չունի երեք ամիս առաջվա աշխատավարձից պահումներ կատարել: Դա արգելված է օրենքով... նրանց ի՞նչ գործն է մեկնաբանել, թե Սահմանադրական դատարանը 2 ամիս հետո, 3 ամիս հետո ինչպիսի որոշում կկայացնի... Ոչ մեկը չի կարող երեք ամսվա աշատավարձերից միանգամից պահումներ կատարել» (http://www.1in.am/arm/armenia_society_249962.html):

Քաջ գիտակցելով, որ ՍԴ անդամներն ու աշխատակազմը պարտավոր են ձեռնպահ մնալ ՍԴ որոշումը մեկնաբանելուց, որևէ կերպ նպատակ չունենալով ներգործել ՍԴ վերջնական որոշում կայացնելու վրա, սակայն հաշվի առնելով ստեղծված խառնաշփոթը և անընդունելի իրավիճակը, ինչպես նաև գործատուների և քաղաքացիների վրա գործադրվող ճնշումները` հարկ եմ համարում դիմել Բարձր դատարանին` տեղեկացնելով խնդրի և դրա հրատապության մասին»: