Պաշտպանական կողմը միջնորդում է անթույլատրելի ճանաչել «անօրինական կարգով կատարված ձայնագրառումները» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Պաշտպանական կողմը միջնորդում է անթույլատրելի ճանաչել «անօրինական կարգով կատարված ձայնագրառումները» 01/16/2014 20:20 | Քրեական խրոնիկոն

Դատապարտյալի սպանության նախապատրաստումը կազմակերպելու և խարդախության մեջ մեղադրվող Հայաստանի կալանավայրերի նախկին պետ Սամվել Հովհաննիսյանի պաշտպան Ինեսսա Պետրոսյանը միջնորդություն է ներկայացրել դատարան՝ խնդրելով հաստատել փորձագետի` 2012թ. հուլիսի 12-ի եզրակացության` որպես ապացույցի օգտագործման անթույլատրելիությունը: Խոսքը սպանության նախապատրաստության կազմակերպման վերաբերյալ դրվագով տեսաձայնագրային եզրակացության մասին է, որի համար ծրարով փորձագետներին տրամադրվել է գործով վկա «Ռոբերտ Տոնոյանի կողմից անօրինական կարգով կատարված ձայնագրառումները»:

Փորձագետներին առաջադրվել են հետևյալ հարցերը՝ էլեկտրոնային կրիչների ֆայլերում առկա՞ են արդյոք խոսակցությունների տեսա և ձայնագրառումներ: Եթե՝ այո, ապա որքան են դրանց տևողությունը, առկա՞ են, արդյոք մոնտաժման հետքեր, քանի՞ անձ է ներգրավված խոսակցության մեջ և ինչպիսի՞ն է խոսակցության բովանդակությունը, ձայնագրառված խոսակցությունները պիտանի՞ են արդյոք նույնացման համար: Եթե՝ այո, ապա ձայնագրառվա՞ծ է արդյոք Ս. Հովհաննիսյանի բանավոր խոսքը:

Պաշտպանական՝ կողմը որպես իր տեսակետը հաստատող, գնահատեց 2010 թվականի նոյեմբերի 23-ի թիվ ՍԴՈ-926 որոշման մեջ ՀՀ սահմանադրական դատարանի հայտնած իրավական դիրքորոշումը:

Ըստ այդմ, «ՀՀ Սահմանադրության 23-րդ հոդվածի 5-րդ մասի վերլուծությունը վկայում է, որ վերջինս սահմանում է նամակագրության, հեռախոսային խոսակցությունների, փոստային, հեռագրական և այլ հաղորդումների գաղտնիության իրավունքի սահմանափակման երեք համաժամանակյա նախապայման.

ա/ օրենքով սահմանված դեպքերում,

բ/ օրենքով սահմանված կարգով,

գ/ դատարանի որոշմամբ:

Ընդ որում, ՀՀ Սահմանադրությունը չի նախատեսում նշված նախապայմաններից շեղվելու որևէ իրավական հնարավորություն»:

ՀՀ քրեադատավարական օրենսդրության վերլուծության արդյունքներով՝ Սահմանադրական դատարանն արձանագրում է, որ ՀՀ քրեադատավարական օրենսդրությամբ սահմանվում է անձի հեռախոսային խոսակցությունները և այլ հաղորդումները լսելու երկու իրավական ռեժիմ՝ որպես քննչական գործողություն և որպես օպերատիվ-հետախուզական միջոցառում:

Ընդ որում, երկու իրավական ռեժիմների դեպքում էլ ՀՀ քրեադատավարական օրենսդրությունը երաշխավորում է նամակագրության, հեռախոսային խոսակցությունների, փոստային, հեռագրական և այլ հաղորդումների գաղտնիության իրավունքը՝ դրանց սահմանափակման համար, ՀՀ Սահմանադրության 23-րդ հոդվածի համահունչ, որպես պարտադիր պայման նախատեսելով դատարանի համապատասխան որոշման առկայությունը:

Ըստ պաշտպանական կողմի՝ ակնհայտ է, որ Ռոբերտ Տոնոյանի կողմից ներկայացված` առանց վերը նշված երկու իրավական ռեժիմերի, կատարված գործողությունները, մեղմ ասած, անօրինական են և անթույլատրելի:

«Փաստորեն, վարույթն իրականցնող մարմինը նախապես քաջատեղյակ լինելով Ռ. Տոնոյանի կողմից կատարված անօրինականություններին, այդ անօրինական ձայնագրությունների մասով նշանակել է տեսաձայնագրային փորձաքննություն, ինչի հիմքը հանդիսանում է անօրինականությունը»,- նշում է Ինեսսա Պետրոսյանը:

Պաշտպանական կողմի դիտարկմամբ, ապացույցների հավաքմանը և ստուգմանն ուղղված դատավարական գործողությունների կատարման ընթացքում պետք է ապահովվի անձանց իրավունքների և օրինական շահերի պաշտպանությունը։ Հակառակ դեպքում կատարված դատավարական գործողության արդյունքում ստացված փաստական տվյալը, անկախ գործի համար ունեցած նշանակությունից, կորցնում է իր իրավական ուժը, ապացուցողական նշանակությունը և չի կարող ընդգրկվել կոնկրետ քրեական գործով ապացույցների համակցության մեջ և դրվել մեղադրանքի հիմքում։

Պաշտպանը վկայակոչել է ՀՀ վճռաբեկ դատարանի նախադեպային որոշումները: Մասնավորապես, ՀՀ Վճռաբեկ դատարանն իր թիվ ԵԿԴ/0081/01/11 Մելինե Միշայի Մարգարյանի վերաբերյալ նախադեպային որոշմամբ՝ Վճռաբեկ դատարանն արձանագրել է, որ «քննիչի որոշմամբ փորձաքննության ներկայացված լազերային սկավառակը ձեռք է բերվել քրեադատավարական օրենքով սահմանված կարգի խախտմամբ:

Մասնավորապես, սույն գործով Մ.Մարգարյանի և Ի.Բաբաջանյանի խոսակցությունների լսման և ձայնագրառման միջնորդություն դատարան չի ներկայացվել, դատարանը համապատասխան որոշում չի կայացրել: Լազերային սկավառակը վարույթն իրականացնող մարմնին է ներկայացրել Ի.Բաբաջանյանը, ով հայտնել է, որ ձայնագրառումը կատարվել է իր ամուսնու կողմից: Այսինքն, նշված փաստական տվյալը ձեռք է բերվել տվյալ քրեական գործով քրեական դատավարություն իրականացնելու, համապատասխան քննչական կամ այլ դատավարական գործողություն կատարելու իրավունք չունցող անձի կողմից, անձանց հաղորդակցվելու ձայնագրառման քրեադատավարական կարգի էական խախտմամբ:

Նշվածը հիմք է տալիս պնդելու, որ փորձագետի եզրակացությունը թույլատրելի ապացույց չէ, քանի որ եզրակացության հիմքում ընկած փաստական տվյալը` լազերային սկավառակի բովանդակությունը կազմող տեղեկատվությունը, ձեռք է բերվել օրենքի պահանջների խախտմամբ, իսկ օրենքի խախտմամբ ձեռք բերված ապացույցների օգտագործման սահմանադրական արգելքը վերաբերում է նաև դրանցից բխող ապացույցներին:

Հետևաբար, Վճռաբեկ դատարանն արձանագրում է, որ տեսաձայնագրառման փորձաքննության՝ 2010 թվականի թիվ 10-1728 եզրակացությունն անթույլատրելի ապացույց ճանաչելու վերաբերյալ ստորադաս դատարանների հետևությունն իրավաչափ է»:

Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում՝ դատավոր Արմեն Խաչատրյանի նախագահությամբ, դատական նիստում գործով մեղադրող Արամ Ամիրզադյանը նշեց, որ պաշտպանական կողմը դիպուկ վկայակոչեց վերջին նախադեպը, այդուհանդերձ, դատարանին առայժմ բանավոր ներկայացրեց Մարդու իրավունքների եվրոպական դատարանի նախադեպային որոշումներ, որոնք հայերեն թարգմանաբար ներկայացնելու համար ժամանակ խնդրեց:

Ըստ մեղադրողի՝ ապացույցների թույլատրելիության հարցում ՄԻԵԴ նախադեպերում կան դիրքորոշումներ, որոնք «տարբերվում են մեր նախադեպային որոշումներից»:

ՄԻԵԴ-ը, ըստ Արամ Ամիրզադյանի, միակ շեղումը, որ թույլ է տալիս, խոշտանգումների եղանակով ձեռք բերված ապացույցների անթույլատրելիության ճանաչումն է: Մեղադրողը վկայակոչեց հանրահայտ՝ Միշա Հարությունյանն ընդդեմ ՀՀ-ի գործով որոշումը: Ուստի՝ նա «շնորհավորեց» Սամվել Հովհաննիսյանին, որ իրենց միջնորդության արդյունքում Հայաստանում կարող է ծնվել նոր նախադեպ:

Դատարանը հետաձգեց միջնորդության քննարկումը՝ մինչև գործով էական հանգամանքների պարզելը: