Ավելի քան 80 մլն դրամի հափշտակության փաստը հաստատվեց. ՍԱՊԾ Գյումրու տարածքային բաժնի պետ համաներմամբ ազատվել է պատժի կրումից

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 21:45 Վաղը այս հասցեներում լույս չի լինի 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Ավելի քան 80 մլն դրամի հափշտակության փաստը հաստատվեց. ՍԱՊԾ Գյումրու տարածքային բաժնի պետ համաներմամբ ազատվել է պատժի կրումից 07/26/2014 13:56 | Քրեական խրոնիկոն

Շիրակի մարզի դատարանը կայացրել է սոցիալական ոլորտում չարաշահումների վերաբերյալ հերթական գործով դատավճիռը՝ 4 ամբաստանյալի վերաբերյալ, որով հաստատված է համարել առավել քան 80 մլն դրամի հափշտակության փաստը:

Դատարանը ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Գյումրու տարածքային բաժնի արդեն նախկին պետ Էդուարդ Վարժապետյանին հանցավոր է ճանաչել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը, և դատապարտել ազատազրկման՝ 4 տարի ժամկետով՝ առանց գույքի բռնագրավման:

Միաժամանակ նրա նկատմամբ կիրառվել է ՀՀ Ազգային Ժողովի՝ 03.10.2013 թվականի «ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին» որոշումը, և նա ազատվել է նշանակված պատժի կրումից:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Գյումրու տարածքային բաժնի նախկին գլխավոր մասնագետ Արթուր Աբրահամյանը հանցավոր է ճանաչվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և դատապարտվել ազատազրկման՝ 4 տարի ժամկետով՝ առանց գույքի բռնագրավման:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության վճարումների ծառայության Գյումրու տարածքային ստորաբաժանման նախկին տեսուչ-վճարող Կիմա Փիլոյանը հանցավոր է ճանաչվել՝ ՀՀ քրեական օրենսգրքի 325-րդ հոդվածի 1-ին մասով՝ փաստաթղթեր կեղծելը, և դատապարտվել ազատազրկման՝ 1 տարի ժամկետով: Սակայն ՀՀ Ազգային Ժողովի՝ 26.05.2011 թվականի «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» որոշման կիրառմամբ ազատվել է այդ մեղադրանքի մասով նշանակված պատժի կրումից:

Կիմա Փիլոյանը հանցավոր է ճանաչվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և դատապարտվել ազատազրկման՝ 4 տարի ժամկետով՝ առանց գույքի բռնագրավման:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության վճարումների ծառայության Գյումրու տարածքային ստորաբաժանման նախկին պատասխանատու Ռուբեն Մնացականյանը հանցավոր է ճանաչվել ՀՀ քրեական օրենսգրքի 308-րդ հոդվածի 2-րդ մասով՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ, և դատապարտվել ազատազրկման 3 տարի ժամկետով: Նա միաժամանակ զրկվել է ֆինանսատնտեսական գործունեությամբ զբաղվելու իրավունքից՝ 2 տարի ժամկետով:

Դատավճռով մասնակի բավարարվել է ՀՀ Գլխավոր դատախազության քաղաքացիական հայցը և Արթուր Աբրահամյանից, Կիմա Փիլոյանից ու Ռուբեն Մնացականյանից համապարտության կարգով հօգուտ ՀՀ պետբյուջեի պետք է բռնագանձվի 54.608.394 ՀՀ դրամ:

Էդ.Վարժապետյանի կողմից որպես հանցագործությամբ պատճառված վնասի հատուցում ՀՀ Գլխավոր դատախազության դեպոզիտ հաշվին վճարված 3.000.000 և ՀՀ Շիրակի մարզի ընդհանուր իրավասության դատարանի դեպոզիտ հաշվին վճարված 1.338.000 ՀՀ դրամ վճարված գումարները դատավճիռն օրինական ուժի մեջ մտնելուց հետո պետք է փոխանցվի ՀՀ պետական բյուջեի համապատասխան հաշվեհամարին:

Այսպիսով, դատարանն ապացուցված է համարել, որ Արթուր Աբրահամյանը, պետությունից յուրացման եղանակով առանձնապես խոշոր չափերի հասնող գումարների հափշտակություն կատարելու վերաբերյալ նախնական համաձայնության գալով նույն տարածքային բաժնի պետ Էդուարդ Վարժապետյանի հետ, յուրացման եղանակով հափշտակել են իրենց վստահված 9 կենսաթոշակառուների անվամբ անհիմն ելքագրված առանձնապես խոշոր չափերի՝ ընդհանուր 4.337.835 ՀՀ դրամ կենսաթոշակի գումարները:

Կիմա Փիլոյանը կենսաթոշակառուների հարազատների անվան դիմաց կեղծել է ստորագրությունները և անհիմն ելքագրել իրենց վստահությանը հանձնված առանձնապես խոշոր չափերի՝ 62.141.000 ՀՀ դրամ թաղման նպաստի և 6.157.125 ՀՀ դրամ ժառանգվող, ընդհանուր՝ 68.318.125 ՀՀ դրամ գումարները, որոնք Արթուր Աբրահամյանի հետ յուրացման եղանակով հափշտակելով՝ հավասարապես բաժանել են միմյանց միջեւ:

Կիմա Փիլոյանը 2008-2009 թվականների ընթացքում մինչեւ մեկ տարի ժամանակով կենսաթոշակ չստացած 114 կենսաթոշակառուների ստորագրությունները կեղծելու միջոցով անհիմն ելքագրել եւ Արթուր Աբրահամյանի հետ յուրացման եղանակով հափշտակել են իրենց վստահված առանձնապես խոշոր չափերի՝ 15.290.269 ՀՀ դրամ կենսաթոշակի գումարները:

Ռ.Մնացականյանը Կ.Փիլոյանի հետ գտնվելով փաստական ամուսնական հարաբերությունների մեջ՝ չի կանխել հափշտակությունը, ավելին՝ Կիմա Փիլոյանից ընդունել ու հաստատել է կենսաթոշակի, թաղման նպաստի,մահվան պատճառով չստացված կենսաթոշակի/ժառանգվող/ գումարների անհիմն վճարման վերաբերյալ օրական հաշվետվությունները, դրանց վերաբերյալ վճարումների ծառայություն է ներկայացրել ամփոփ հաշվետվություններ,ստորագրել տարածքային բաժնի հետ փոխադարձ հաշվարկների ակտեր, որպիսի պայմաններում Կիմա Փիլոյանը եւ Արթուր Աբրահամյանը հնարավորություն են ստացել խմբով յուրացման եղանակով հափշտակել առանձնապես խոշոր չափերի գումարներ, այսինքն՝ պետությանը պատճառվել է 83.608.394 ՀՀ դրամի էական գույքային վնաս, ինչն անզգուշությամբ առաջացրել է ծանր հետեւանքներ:

Դատարանը գտել է, որ քաղհայցի ներկայացրած ընդհանուր գումարից պետք է հանել դատարանի կողմից ապացույցների հետազոտման արդյունքում մեղադրանքի ծավալից հանված 3.614.000 ՀՀ դրամը, ինչպես նաեւ՝ նախաքննության ընթացքում Ա.Աբրահամյանի կողմից փաստացի վերականգնված 29.000.000 ՀՀ դրամը՝ հաշվի առնելով այն հանգամանքը, որ նշված գումարը տրվել է «սոցիալական ապահովության պետական ծառայության պետ Վ.Խաչիկյանին պատճառված վնասը վերականգնելու նպատակով, սակայն վերջինս այդ գումարը պետական բյուջե փոխանցելու փոխարեն խարդախությամբ յուրացրել է այն»:

Ուստի դատարանը գտել է, որ այդ պայմաններում քաղհայցը պետք է բավարարել 54.608.394 ՀՀ դրամի չափով: