Փաստ ինֆո

Այն, որ Բագրատ Սրբազանի առաջնորդությամբ Հանրապետության հրապարակում հրավիրված վերջին հուժկու հանրահավաքին հաջորդող գործողությունների ընթացքում ՀՀ ՆԳՆ ոստիկանապետ, նախարարի 1-ին տեղակալ, գեներալ-մայոր Արամ Հովհաննիսյանը Սրբազանի հանդեպ սոսկալի ամբարտավան, պաշտոնին և կոչումներին անհարիր պահվածք էր դրսևորում, մի տեսակ տարօրինակ էր։ Բայց երեկ, ԱԺ-ում նիկոլփաշինյանական տեքստերը պարզորոշ ցուցանեցին, թե ոստիկանապետի «դուխը» և ցինիզմը որտեղից է գալիս։

Փաստորեն,Սրբազանից վախերը փարատելու Փաշինյանի մեթոդաբանությունը ոստիկանապետին և ողջ ոստիկանական կորպուսին և սեփական ուսապարկերին «դուխ» տալն է։

Այդ անուղեղ «դուխի» արտահայտությունը երեկ ավելի կատաղի դրսևորումներ ունեցավ։ ԱԺ շրջակա՝ Պռոշյան-Ֆրիկ-Դեմիրճյան-Բաղրամյան փողոցներում՝ ամեն քայլափոխի, բնակելի շենքերի մուտքերի մոտ, անգամ՝ Կոնդի եկեղեցու ողջ տարածքում, հրահանգի սպասող՝ հարձակման պատրաստ տարատեսակ, ընդ որում, տարբեր մարզերից բերված ոստիկանական խմբեր էին, որոնք ոչ միայն իրենց «դուխ» տվողի վախը բռնելու համար էին բերվել, այլև հանձնարարություն ունեին դեպի ԱԺ գնացող ժողովրդի համար տեղաշարժվելու անհարմարություններ ստեղծել, արգելքներ դնել։

Այսինքն, թե՛ քպական հատուկ դերապահում ունեցող երեսփոխանների ցուցադրական-տգետ-ցինիզմի դրսևորումները, թե՛ ոստիկանության բռնությունները նույն համատեքստում են, որ շատ հստակ ցույց են տալիս, թե ո՞ր կողմից և ու՞մ թելադրանքով են ծաղկում քպական կռապաշտների ցինիզմն ու գռեհկաբանությունները։
Ընդ որում, քանի նիկոլի վախերը սաստկանում են հանուն Հայրենիքի համախմբված հայության շարժումից և շարժման առաջնորդ Սրբազանից, այնքան սեփական ուսապարկերին տրված վերին հանձնարարականը՝ ցինիզմի և լպիրշության դոզան ավելացնելու՝ ահագնանում է։

Արդյունքը՝ պարզ է՝ հայությանը հայրենիքի ազատագրական պայքարն ավելի է համախմբելու, իսկ քպական ֆեյքապետության ավարտը ավելի ողբերգական է լինելու, քան հնարավոր էր։
Իսկ դրա հիմնական մեղավորը նույն տմույն կերպարն է՝ մարտի 1-ի սադրիչ, հիմա նաև՝ հունիսի 12-ի սադրիչը։
Բայց աթոռներից զրկվելու՝ նվաստների՝ պնակալեզ ու գարշահոտ վախն ու ոստիկանական բերետների վայրագության կեղտաբլուրը, որ շքախումբն է արյան ծարավի սադրիչի, այլևս հետին պլան են մղված, այլևս Սրբազան պայքարն է իրավիճակ թելադրողը։

Ինչ վերաբերվում է քպական երեսփոխաններին։ Մեկը մեկից առաջ անցնելով, մեկը մեկին գերազանցելու մոլուցքի մեջ՝ այդ «փոխաներեսները» և գործադիրի կամակատարները որ երեկ, այսօր, վաղը միմյանց հերթ չտալով փորձում են իրենց կուռքին հաճոյանալ, կկարողանա՞ն հասկանալ, որ Բագրատ Սրբազանին չի դիպչում ո՛չ իրենց, հատուկ թավշապատ ստերը, ո՛չ էլ՝ նիկոլի վկա- աղանդավոր-ֆեյքերի ամեոբական բարբաջանքը։

Ըստ իս, իրենց շարքերի հասկացողներն արդեն հասկացել և լքել են քպ-ն։

Մնացել են մնացյալը, որ եկած օրից քանդում ու քանդում են ազգ ու պետություն։

Բայց՝ միով բանիվ՝ ոստիկան, երեսփոխան և կամ՝ ուսապարկեր այլ՝ Սրբազանից մնացեք հեռու, հեռու-հեռու․․․

Աղբյուր` Փաստինֆո