Փաստ ինֆո

Կիրանցի հատվածում ծառայությունը իրականացնում են սահմանապահ զորքերը, զինված ուժերն էլ իրենց նախորոշված հատվածներում իրականացնում են իրենց խնդիրները: Այս մասին ԱԺ-ում լրագրողների հետ զրույցում ասաց ԶՈՒ գլխավոր շտաբի պետ Էդվարդ Ասրյանը:

Հարցին՝ զինված ուժերը արդեն դո՞ւրս են եկել իրենց զբաղեցրած դիրքերից, նա պատասխանեց, որ իրեն նման հարցեր չուղղեն։ «Զինված ուժերը իրենց զբաղեցրած դիրքերից դուրս չեն գալիս: Զինված ուժերի պահպանության համար դիրք չեն նշում, նշում են բնագիծ, հատված, շրջան, հենակետ: Ինչ վերաբերում է դիրքին՝ ԶՈՒ գլխավոր շտաբը ռազմավարական խնդիրներ է լուծում և ռազմավարական օղակում նշանակում են բանակային կորպուսին գոտի, բրիգադին նշանակում են գոտի, գնդին նշանակում են տեղամաս, վաշին նշանկում են հենակետ, գումարտակին՝ շրջան: Մենք մեր սահմանված հենակետերում կանգնած ենք և կատարում ենք մեր առաջադրված խնդիրները»:

Հարցին՝ մենք ունեցե՞լ ենք հենակետ կամ դիրք, որից հետ ենք քաշշվել, Ասրյանը պատասխանեց. «Մենք ամեն օպերացիոն ուղղությունում ունենք տարաբնույթ ենթակառուցվածքներ: Սահմանապահ զորքերը այդ հատվածում իրենց առջև դրված խնդիրները կատարում են: Բանակն այնտեղ է, բանակը չի կարող ինչ-որ տեղից դուրս գալ: Սահմանապահ զորքերը, որտեղ կատարում են ծառայություն, դա ևս բանակի պատասխանատվության գոտի է, որտեղ պատրաստ ենք իրականացնել ծառայություն:

Այո, սահմանապահները սահմանին իրականացնում են ծառայություն, բայց տվյալ ուղղություններում, Զիված ուժերն ունեն կանոնավոր ստորաբաժանումներ, որոնք պատրաստ են իրենց առաջ դրված խնդիրը կատարելու»:

Դիտարկմանը, թե ասում էիք՝ «հող չենք հանձնում»՝ նա արձագանքեց. «Հող հանձնել, հող հանձնել... Նման հարցադրում ինձ մի կատարեք։ Ես քաղաքացիական ենթակառուցվածքի խնդիր չեմ լուծում՝ տներ, տարածքներ, հողամասեր։ Այո՛, վստահ եմ, որ տրված տարածքները ՀՀ-ի տարածքները չեն»,-ասաց նա։

Հարցին թե ինչպես եք նման բան պնդում, եթե մարդիկ տներից են զրկվել՝ նա արձագանքեց. «Ես չեմ պնդում, դա պնդում է քարտեզները»։
Թե ինչպե՞ս էին մարդիկ սեփականության վկայական ստացել՝ ասաց, որ հարցը պետք է ուղղել ՊԵԿ-ին, դա իրենց գործառույթը չի։
«Ես ունեմ քարտեզներ, աշխարհագրական քարտեզներ, որտեղ արտացոլված է սահման, իսկ թե սահմանի ներսում, դրսում քաղաքացիական անձը կամ իրավաբանական անձն ունի՞ հողամաս, տուն, կառույց, դա ԶՈՒ գործառույթը չէ»,-ասաց ԳՇ պետը։

Աղբյուր` Փաստինֆո