Փաստ ինֆո

Այն, ինչ այսօր ու նախորդող օրերին իրականացրել է ոստիկանությունը, հստակ կարող ենք ասել, որ սա այլևս ոստիկանություն չէ, այլ կազմակերպված հանցավոր խումբ, որը ղեկավարվում է հանցագործ մարդկանց կողմից։ Այս մասին լրագրողների հետ զրույցում ասաց «Հայաստան» խմբակցության պատգամավոր, ՀՅԴ Հայաստանի ԳՄ ներկայացուցիչ Իշխան Սաղաթելյանը՝ անդրադառնալով ՀՅԴ գրասենյակի մոտ կարմիր բերատավորների խուլիգանական արարքին։

Հիշեցնենք, որ կարմիր բերետավորների համազգեստով մարդիկ ծեծում ու հայհոյում էին պատգամավորին՝ հենց փողոցի մեջտեղում, մի խումբն էլ կարծես դարանակալած լիներ կուսակցության շենքի մուտքի մոտ։

Իշխան Սաղաթելյանի գնահատմամբ՝ այն, ինչ կատարվում է այսօր սահմանադրականության, օրինականության հետ ոչ մի կապ չունի։ «Նրանց պահվածքը հասել է այն աստիճանի, որ այսօր առավոտյան մի խումբ կազմակերպված հանացավոր խումբ փորձ էր անում ներխուժել Սիմոն Վրացյան կետրոն ու բերման ենթարկել մարդկանց։ Իհարկե, մենք թույլ չտվեցինք, բայց բիրտ ուշի գործադրմամբ բերման ենթարկեցին Աշոտ Սիմոնյանին ու մի շարք այլ քաղաքացիների, սա հանցագործություն է, որն անպատիժ չի մնա։ Ոստիկանությունը պետք է հասկանա, որ կատարում է ոչ թե Փաշինյանի այլ անձամբ՝ Իլհամ Ալիևի հրահանգները»,- ընդգծեց Սաղաթելյանը։

Աղբյուր` Փաստինֆո