Փաստ ինֆո

Արդեն երկրորդ օրն է , ինչ Հայաստան-Վրաստան միջպետական ճանապարհի Կիրանց -Ոսկեպար հատվածը փակ է:

Ինչպես արդեն հայտնել ենք՝ ապրիլի 19-ին տեղի է ունեցել Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների 8-րդ հանդիպումը, որի արդյուքում արձանագրություն է ստորագրվել եւ ինչպես ՀՀ վարչապետի աշխատակազմն է պարզնաբանել 2,5 գյուղ անցնում է Ադրբեջանին, մինչդեռ Ադրբեջանի ԱԳՆ-ն հայտարարել է 4 գյուղ Հայաստանի կողմից հանձնելու մասին։ Իշխանություններն արդեն սկսել են ականազերծման աշխատանքները` տարածքները Ադրբեջանին հանձնելու համար։

Երեկոյան բողոքի ակցիայի մասնակիցները պայթյունի ձայներ են լսել, ինչն անակնկալի է բերել նրանց, ենթադրվում է, որ դրանք եղել են ականազերծման պայթյունի ձայները, ինչի մասին ՊՆ-ն նախապես զգուշացրել էր:

Այս պահին հարյուրավոր գյուղացիներ, նաև նրանց միացած ՀՀ այլ բնակավայրերի բնակիչներ, գտնվում են բողոքի ակցիայի վայրում: Ուշ ժամին, երբ արդեն սկսեց մթնել ու ցրտել, վառվել են խարույկներ:Աջակից քաղաքցիները համայնքի բնակիչների մոտ դատարկ ձեռքով չեն գնում, շատերն իրենց հետ սնունդ ու տաք հագուստ են տանում:Նրանք տեղյակ են, որ ցուցարարների մեջ կան նաև տարեց մարդիկ, կանայք ու երեխաներ:

Տավուշում են ընդդիմադիր «Հայաստան» խմբակցության պատգամավորներ Գառնիկ Դանիելյանը, Ագնեսա Խամոյանը, Մհեր Սահակյանը,Քրիստինե Վարդանյանը, Գեղամ Մանուկյանը,Արման Ղազարյանը:Նրանցից մի քանիսը դեռ երեկվանից:

«Տավուշում ենք աջակցելու նպատակով ու այնպես չէ, որ նորություն պետք է ասեմ, խնդիրը Տավուշը չէ, Սյունիքում էլ ժամանակին բանավոր համաձայնությամբ, բայց պաշտպանության նախարարի հրամանով զորքերն իջեցրին ու ՀՀ քաղաքացիները չհասցրեցին հասկանալ, թե ինչ է կատարվում, Շուռնուխ գյուղի ու Բարձրավանի բնակիչներն այսօր քիթ- քթի ապրում են ադրբեջանցիների դիմաց, Ճանապարհն էլ շրջանցիկ է ու երկարած, չկա միջպետական ճանապարհի Գորիսճ Կապան հատվածը: Հիմա վաղուց արդեն հասկացել են, որ սահմանազատման ու սահմանագծման անվան տակ միակողմանի հանձնում է գնում», - ասաց Գեղամ Մանուկյանը:

Երեկոյան հավաքված բնակիչները մի պահ անակնկալի են եկան պայթյունների ձայներից, սակակմ, ինչպես նշեց պատգամավորը, հետո պարզվե, որ ականազերծման աշխատանքների ընթացքում կատարվում են պայթեցումներ: «Հայկական առաջնագծի ուղղությամբ առավոտվանից զինված ուժերի սակրավորները ականներից մաքրում են առաջնագծի հատվածը, որպեսզի, ըստ իշխանությունների, այդ հատվածը հանձնելուց հետո ադրբեջանցիները որևէ վտանգի չհանդիպեն», ասաց պատգանավորը:Նա նշեց, որ գիշերելու են բնակիչների հետ, որպեսզի նաև սադրանքներ նրանց նկատմաբ չլինեն:

Աղբյուր` Փաստինֆո