ԲՈԼՈՐ ՆՅՈՒԹԵՐԸ
ԱԱԾ փոխտնօրեն Անդրանիկ Սիմոնյանը խուսափում է դատարան ներկայանալ․ Վարդազարյանի պաշտպանը հիշեցնում է՝ անգամ Նիկոլ Փաշինյանն է ներկայացել դատարան 04/17/2024 19:34 | Դատական ռեպորտաժներ
ԱԱԾ տնօրենի տեղակալ Անդրանիկ Սիմոնյանը խուսափում է ներկայանալ ԲԴԽ նախկին նախագահ Ռուբեն Վարդազարյանի գործով դատական նիստերին։Սիմոնյանը, որը սույն գործով առանցքային վկան է, չի ներկայանում արդեն երրորդ դատական նիստին՝ աշխատանքային ծանրաբեռնվածության պատճառաբանությամբ։
«Փաստինֆո»-ի հաղորդմամբ՝ Հակակոռուպցիոն դատարանում՝ դատավոր Վահե Դոլմազյանի նախագահությամբ, այսօր կայացել է ԲԴԽ նախկին նախագահ Ռուբեն Վարդազարյանի գործով դատական նիստը, որի ընթացքում քննարկման առարկա է դարձվել Անդրանիկ Սիմոնյանի՝ նախաքննական ցուցմունքը հրապարակելու մասին դատախազ Աշոտ Ժամկոչյանի միջնորդությունը։
Միջնորդությունը, հիշեցնենք, ներկայացվել էր նախորդ դատական նիստին՝ ապրիլի 3-ին, երբ հայտնի դարձավ, որ Անդրանիկ Սիմոնյանը կրկին չի ներկայացել դատական նիստին՝ դատարանին հասցեագրելով դիմումը, համաձայն որի՝ աշխատանքային ծանրաբեռնվածության պատճառով չի կարող ներկայանալ նիստին առաջիկա մեկ ամսվա ընթացքում։ Մեղադրող Աշոտ Ժամկոչյանը միջնորդությունը ներկայացրել է՝ պնդելով, որ կարող են աձանագրել վկայի՝ դատարան ներկայանալու անհնարինությունը, ինչպես նաև, նկատի ունենալով, որ նախաքննության ընթացքում եղել են առերեսումներ՝ Սիմոնյանի և Վարդազարյանի մասնակցությամբ, ուստի, Անդրանիկ Սիմոնյանի ցուցմունքը միակն ու վճռորոշը չէ։ Ռուբեն Վարդազարյանի պաշտպան Հունան Բաբայանը, սակայն, առարկեց միջնորդության դեմ՝ պնդելով, որ այդ միջնորդությունը չի բխում Քրեական դատավարության օրենսգրքի կանոնակարգումներից։ Մասնավորապես, օրենսգիրքը նախատեսել է, որ նախաքննության ընթացքում վկայի ցուցմունքների հրապարակումը դատարանում թույլատրվում է, եթե վկան բացակայում է նիստից այնպիսի պատճառով, որը բացառում է նրա՝ դատարան ներկայանալու հնարավորությունը։ Ավելին, նոր քրեական դատավարության օրենսգրքով առավել կոնկրետացված է նշվում, թե որոնք են այդ հիմքերը, որոնցից որևէ մեկը չի վերաբերում աշխատանքային ծանրաբեռնվածությամբ բացակայությունը։ Պաշտպանը նկատեց՝ որևէ կասկած չունեն, որ վկան իրապես աշխատանքային ծանրաբեռնվածություն ունի՝ պայմանավորված նրա զբաղեցրած պաշտոնով, բայց դա չի ենթադրում, որ առկա են հիմքեր՝ նրա ներկայությունը բացառելու վերաբերյալ։
«Ինչ վերաբերում է զբաղեցրած պաշտոնին և աշխատանքային ծանրաբեռնվածությանը, ապա նման հիմք չկա, բայց հատուկ ցանկանում եմ ընդգծել, որ նույնիսկ ՀՀ վարչապետ Նիկոլ Փաշինյանն է դատարանի կանչով 2019թ․ ապրիլի 3-ին ներկայացել Երևանի ընդհանուր իրավասության դատարանի Շենգավիթի նստավայր և չի կարող այս դեպքում որևէ այլ պետական պաշտոն զբաղեցնող անձը պատճառաբանել, որ ինքն առավել ծանրաբեռնված է և չի կարող ներկայանալ դատարան, հրապարակեն նախաքննության ընթացքում ցուցմունքը»,- նշեց փաստաբանը։
Ննախաքննության ընթացքում առերեսում տեղի ունեցել է, սակայն, ինչպես պաշտպանը նկատեց այդ ժամանակ հրավիրվել են ՀՔԾ՝ չիմանալով, որ հրավիրվել են առերեսման, ծանոթ չեն եղել ո՛չ ցուցմունքին, ո՛չ հաղորդմանը, ուստի, դա չի կարող հավասարեցվել՝ դատարանում հակընդդեմ հարցման իրավունքի իրացմանը, հատկապես, որ նախադեպային իրավունքը հատուկ ընդգծվում է հրապարակային դատաքննության ընթացքում հակընդդեմ հարցման կարևորությունը։ Բացի այդ, վկան դիմումով չէր նշել, որ չի ներկայանալու նիստին, այլ՝ չի կարող մեկ ամսվա ընթացքում ներկայանալ և մայիսի 3-ին սպառվում է դիմումով արձանագրված մեկ ամիսը, ինչով պայմանավորված կարող են հարցաքննել հաջորդ նիստին՝ մայիսի 8-ին։ Ըստ փաստաբանի՝ միջնորդությունը դատավարական որևէ հիմնավորում չունի և փորձ է արվում դատարան չներկայանալու և դատարանում ցուցմունք չտալու։ Բացի այդ, պաշտպանը նկատեց, որ գործով մեղադրյալը ԲԴԽ նախկին նախագահը, ուստի, դատարանը պետք է կարևորի՝ օբյեկտիվ քննությունը։ Փաստաբանը նաև հայտնեց, որ դատարանում հարցաքննվել են գործող և նախկին դատավորներ, որոնք պակաս ծանրաբեռնվածություն չունեն, սակայն ներկայացել և ժամեր շարունակ պատասխանել են հարցերին։ Ռուբեն Վարդազարյանը միացավ պաշտպանի դիրքորոշմանը՝ ուշադրություն հրավիրելով այն հանգամանքին, որ իրենք չեն պահանջում վկայի նկատմամբ հարկադրանք կիրառելու միջոցով դատարան ներկայացնել, թեև օրենքը սահմանում է նման հիմք, քանի որ ճիշտ չէ, սխալ է, ՀՀ հեղինակությունը կխաթարվի, եթե դատարանը ԱԱԾ փոխտնօրենին՝ գեներալ Սիմոնյանին՝ հարկադրանքի միջոց կիրառելով ներկայացնի դատարան։
«Նման միջնորդություն չենք ներկայացնում, քանի որ դա հարիր չէ ՀՀ-ին»,-ասաց Վարդազարյանը։
Պրակտիկան հիշեցնելով՝ Վարդազարյանը նաև առաջարկեց՝ հեռախոսազանգով Անդրանիկ Սիմոնյանից պարզել, թե երբ կարող է վերջինս ներկայանալ դատարան և դատավարության մյուս մասնակիցները կհարմարեցնեն, կներկայանան։
Դատավոր Վահե Դոլմազյանը, լսելով կողմերին, որոշեց ևս մեկ անգամ ծանուցել Անդրանիկ Սիմոնյանին։ Միևնույն ժամանակ Դոլմազյանն անդրադարձավ Վարդազարյանի դիրքորոշմանը՝ նշելով, որ անձը կարող է հարկադրաբար ներկայացվել դատարան՝ անհարգելի բացակայության դեպքում, մինչդեռ, դատարանը որևէ իրավական հիմք չունի նման որոշում կայացնելու համար։
«Այն, որ Դուք նման միջնորդությամբ հանդես չեք գալիս ոչ թե բարի կամքի դրսևորմամբ, այլ, որովհետև հիմքն առկա չէ»,- ասաց դատավորը։
Դատական նիստը հետաձգվեց՝ մինչև մայիսի 8-ը, ժամը՝ 16,00-ն։ Դատական նիստի ավարտից հետո լրագրողների հետ զրույցում ասաց, որ շարունակելու են պնդել, որ Անդրանիկ Սիմոնյանը ներկայանա դատարան։
Հիշեցնենք, որ ՀՀ ԲԴԽ նախկին նախագահ Ռուբեն Վարդազարյանին ՀՔԾ-ում մեղադրանք է առաջադրվել՝ ՀՀ քրեական օրենսգրքի 332-րդ հոդվածի 3-րդ մասով՝ պաշտոնեական դիրքն օգտագործելով արդարադատության իրականացմանը խոչընդոտելու համար ու որպես խափանման միջոց կիրառվել ստորագրությունը՝ չհեռանալու մասին։ Վարդազարյանի դեմ քրեական գործ է հարուցվել՝ առանց նրա անձեռնմխելիության հաղթահարման՝ նախկին դատավոր, ԱԱԾ տնօրենի տեղակալ Անդրանիկ Սիմոնյանի հաղորդման հիման վրա։ Նշենք, որ քրեական գործը դատարան է ուղարկվել շուրջ մեկ տարի առաջ՝ 2021թ սեպտեմբեր ամսին, սակայն մեկ տարվա ընթացքում գործն այդպես էլ ապացույցների հետազոտման փուլին չէր հասել, գտնվում էր դատաքննության նավապատրաստման փուլում։ Այնուհետեւ Երևանի ընդհանուր իրավասության դատարանի դատավոր Մանվել Շահվերդյանը որոշում կայացրեց գործն ըստ ընդդատության Հակակոռուպցիոն դատարան ուղարկելու մասին և այժմ գործը դատավոր Վահե Դոլմազյանի վարույթում է։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/30/2024 08:22 «Վերջին ընդդիմադիր պաշտոնյան Թագուհի Թովմասյանն էր ԱԺ-ում, որին մեծամասնությունը հեռացրեց». ԱՄՆ Պետդեպարտամենտ. «Ժողովուրդ»
- 04/30/2024 08:19 Ծեծել են ու ճնշե՞լ․ «Հրապարակ»
- 04/30/2024 08:16 Նիկոլի բախտ․ «Հրապարակ»
- 04/30/2024 08:13 Մարզպետներին հրահանգել են «կոնտր-մասսովկաներ» ապահովել․«Հրապարակ»
- 04/30/2024 08:07 Պետական եւ համայնքային մարմինների ֆեյսբուքյան էջերում քաոս է տիրում․ «Հրապարակ»
- 04/30/2024 08:02 Իշխանությանն աջակցող ամերիկյան կազմակերպություններն անգամ չեն կարողանում աչք փակել. Ալեն Սիմոնյանի վարքը` Freedom House-ի զեկույում. «Ժողովուրդ»
- 04/30/2024 07:58 Աննա Հակոբյանի շուրջ սկանդալները շարունակվում են. Գյումրիում նույնպես վանկարկումներ են հնչել. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
Արտակարգ պատահարներ
- 04/30/2024 17:12 Կոտայքի մարզում. պայթուցիկի նմանվող առարկա են նետել «Մամուռ» հյուրանոցային համալիրի ուղղությամբ
- 04/30/2024 15:35 Սողանք Լծեն-Տաթև ավտոճանապարհին
- 04/30/2024 10:40 Քաղաքացին փորձել է ինքնասպան լինել՝ նետվելով Կիևյան կամրջից
- 04/30/2024 10:24 Երևան-Երասխ հատվածում ավտոմեքենան բախվել է ձիուն, որը սատկել է. կան վիրավորներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել