Փաստ ինֆո

«Այս երկինքը պիտի բերեք երկիր, այնքան սեր, ջերմություն ու բարի կա ձեր սրտերի մեջ, որ մեռցրել եք, թույլ տվեք դուրս գա»,- Հարության տոնի պատարագին հավատացյալներին դիմելով ասաց Տավուշի թեմի առաջնորդը՝ ժպիտով:

Զատկի տոնի Սուրբ պատարագին մարդաշատ էին և՛ Իջևանի, և Ոսկեպարի եկեղեցիները, անգամ` Դիլիջանի: Առավոտվա պատարագից հետո հավատացյալները պիտի ուղեւորվեին Ոսկեպար, ուր հավկիթներով խաղի ու երեկոյան միասնական աղոթքի հրավեր կար Տավուշի թեմի առաջնորդ Բագրատ արքեպիսկոպոս Գալստանյանից:

Իսկ առավոտյան պատարագին հավատացյալների հոգու անհանգստությունը թոթափելու համար սրբազանը հումորով , բայց խիստ տոնով սովորեցրեց, որ երգով աղոթեն. «Մի հատ փակ բերան չտեսնեմ, ինչ ուզում եք երգե՛ք , տերունական աղոթքը, «Հայր մերը», այս երկինքը պիտի բերեք երկիր, այնքան սեր, ջերմություն ու բարիություն կա ձեր սրտերի մեջ, որ մեռցրել եք, թո՛ւյլ տվեք դուրս գա»:

Տավուշի մարզը այցելուների պակաս չունի: Վերջին ամսվա ընթացքում մարզի գյուղերի շուրջ ծավալվող քննարկումներն այդ ուղղությամբ տանում են նաև կազմակերպված մարդկային հոսքեր:

Դրանք հանդիպումներ են բնակիչների հետ՝ աջակցելու ու խնդիրը տեղում հասկանալու համար: Շատ է նաև լրատվամիջոցների հոսքը դեպի մարզ: Գյուղացիները «Փաստինֆո»-ի հետ զրույցներում փաստում էին, որ հայկական դիքերի հանձնումը չեն պատկերացնում: Բնակիչները պնդում են, որ դրանից ավելի մոտ թշնամու գալն անհնար է: Բաղանիսի ու Պառավաքարի, Ոսկեւանի շրջափակված լինելու մասին են կանխատեսում ու գյուղում մնալն այդ դեպքում, անհավանական համարում: Մյուսներն անհանգստանում են առաջիկայում Վրաստան-Հայաստան մայրուղու վրա Ադրբեջանի կողմից հնարավոր անցակետի տեղադրման դեպքում թե՛ ճանապարհի փակման, թե՛ տնտեսական ակտիվության պակասի, իրենց գյուղմթերքի վաճառքի իրացման խնդիրների առնչությամբ, իսկ Հայաստան մտնող գազատարի մի հատվածի Ադրբեջանին անցնելու դեպքում կանխատեսում նաեւ կարևոր կենսական անվտանգային հարցի առաջացում:

Շատերը հիշատակում էին Արցախում տեղի ունեցածը, երբ գազատարը մնացել էր օկուպացված Շուշիի տարածքում ու Ադրբեջանը մտացածին պատճառաբանություններով շարունակաբար ցրտի էր մատնում արցախցիներին՝խախտելով նրանց կենցաղային, կրթական, առողջապահական իրավունքները, մինչև հասցրեց հումանիտար աղետի: Տավուշի Մովսես գյուղի բնակչուհի Նանո Ադյանն Փաստինֆոյին ասել էր, որ ինքն աշխատում է Մովսեսի խանութում ու հաճախ շփվում համագյուղացիների հետ:Ո՛չ մեկ հող զիջել չի ցանկանում, ավելին, պատրաստ են կռվի եւ , այն որ պատերազմը հնարավոր է իրենց համար նորություն չէ: Իրենց գյուղում անգամ երեխաները որպես սահմանապահ են մեծանում ու երիտասարդից մինչև միջին տարիք պահում են սահմանը` որպես պայմանագրային զինծառայող: Մովսեսի ուսուցչուհիներից մեկն էլ ասաց, որ սահմանպահ գյուղերում պատերազմի սպառնալիքը միշտ էլ մտքներին է, բայց ապրում են, աշխատում երեխաների հետ ու պատրաստում նրանց ազգային արժեքներով նաև դիմակայել թշնամական ծավալապաշտությանը:Թեև երեխաների մոտ անվտանգային հարցեր չեն քննակում, բայց իրենք էլ գիտեն, թե որտեղ են լինում իրենց հայրերը, եղբայրները կամ հորեբայրները: Հայ առաքելական եկեղեցում Տավուշի թեմը մեծ ուշադրության կենտրոնացնում է և հավատասցյալների հոսք կա դեպի Տավուշի մարզի եկեղեցիներ:

Աղբյուր` Փաստինֆո