Փաստ ինֆո

«Սա Հայաստանի Հանրապետության լինելիության հարցն է»,- Կոտայքի մարզում քաղաքացիների հետ հանդիպմանն ասել է ՀՀ ԱԺ «Հայաստան» խմբակցության ղեկավար Սեյրան Օհանյանը` նշելով, որ օրեր առաջ Ոսկեպարում հանդիպել է տեղի բնակիչների հետ:

Նրա փոխանցմամբ` Տավուշում բավական  վրդովված է ժողովուրդը, իսկ պատճառը ոչ թե  հակառակորդն է, այլ  որ երկրի ղեկավարությունը գնում է սահմանամերձ համայնք ու ոգևորելու, համապատասխան պայմաններ ստեղծելու, երկրի անվտանգությունն ապահովելու, պաշտպանելու, ամրապնդելու փոխարեն, հիմնավորում է համայնքները հակառակորդին հանձնելու նպատակը, վախեցնում պատերազմով։

Սեյրան Օհանյանի գնահատմամբ՝ իշխանությունների քայլերն ապօրինի են։ «Ուզում եմ, որ դուք էլ հասկանաք, որ այդ սահմանների ճշգրտման մեջ պետք է առաջին հերթին հաշվի առնենք, որ հակառակորդը գտնվում է մեր տարածքներում: Երկրորդ`  երբ 2 թշնամի պետությունները գնում խաղաղության հաստատման, ցանկանում են որպես հարևան պետություններ իրենց գործունեությունը շարունակել, ապա նրանք համաձայնության են գալիս, կնքում են գրավոր համաձայնագիր, որից հետո քարտեզի վրա սահմանագծում են յուրաքանչյուր հատվածի վրա, ոչ թե հատվածական, ինչպես Տավուշի մարզում», - ասաց Սեյրան Օհանյանը:

Նա ընդգծեց, որ երկրի ղեկավարությունն առաջին հերթին պետք է այն հատվածներից սկսի, որտեղ ավելի մեծ վտանգներ կան, պետք է սկսի առավել վտանգներ պարունակող սահմաններից, այսինքն` նախ այդ սահմանը պետք է   կահավորեն»։ Օհանյանն ուշադրություն հրավիրեց այն փաստի վրա, հակառակորդը դեր մեր տարածքներում է:  ՀՀ կառավարության և Ադրբեջանի միջև չկա համաձայնագիր, եւ հանրապետության կառավարության ղեկավարն ասում է, որ դեռևս որևէ քարտեզի շուրջ համաձայնության չեն եկել և այդ քարտեզի վրա չեն աշխատել և, այդ ամենը հաշվի չառնելով, խախտելով, շրջանցելով գնում է գյուղացիներին ասում է, որ եթե դուրս չգան` մեկ շաբաթ, մեկ ամիս , 10 օր հետո հակառակորդը կարող է հարձակվել:

«Ես ոսկեպարցիներին և հարևան գյուղի բնակիչների  ասել եմ հետևյալը, որ իր գործունեությունը ապօրինի է, իսկ ձեր ժողովրդական ընդվզումը ձեր իրավունքների պաշտպանությունը, քաղաքացիական պահվածքը օրինական սահմանդրական ձեր իրավունքն է»,- նշեց Սեյրան Օհանյանը։

Աղբյուր` Փաստինֆո