Փաստ ինֆո

Ամերիկացի 40-ամյա կույս տղամարդը պատմել է, թե ինչու է հրաժարվել կանանց հետ հարաբերություններից։ Նա պատասխանել է բոլոր ցանկացողների հարցերին Reddit ֆորումում Ask Me Anything ենթաբաժնում («հարցրու ինձ ցանկացած բանի մասին»)։

Տղամարդը խոստովանել է, որ պատանեկությունից սկսած քիչ է հետաքրքրվել աղջիկների հետ հարաբերություններով, կարծելով, որ քանի որ նման հարաբերությունները դժվար թե ավարտվեն հարսանիքով, իմաստ չունի ժամանակ ծախսել դրանց վրա: Հակառակ սեռի հետ շփվելու բոլոր փորձերն ավարտվում էին առաջին կամ երկրորդ ժամադրության ժամանակ. նրա կողմից համակրանքը պարզապես մարում էր, չնայած մինչ այդ ամեն ինչ լավ էր ընթանում: Այդպես էլ ստացվել է, որ նա ոչ մի անգամ սեռական հարաբերություն չի ունեցել։

Ի պատասխան այն հարցին, թե արդյոք ցանկանում է կորցնել կուսությունը, նա պատասխանել է, որ ընդհանուր առմամբ դեմ չէ, բայց դրա հանդեպ մոտավորապես նույն հետաքրքրությունն ունի, ինչ սովորել միանիվ հեծանիվ վարել:

Տղամարդն ընդգծել է, որ կանանց գրավիչ է համարում և ոչ մի խնդիր չի ունենում նրանց հետ շփվելիս և սիրախաղ անելիս: Այնուամենայնիվ, նա շատ ավելի հաճույք է ստանում միայնակ ժամանակ անցկացնելուց և ճանապարհորդելուց: Տղամարդը նշել է, որ հաճույքով է հյուրընկալվում եղբոր, քրոջ և նրանց ընտանիքների մոտ, խաղում է եղբորորդիների հետ և գումար տալիս նրանց կրթության համար, բայց միևնույն ժամանակ ուրախ է, որ ոչ մի պարտավորությամբ կապված չէ և կարող է ապրել այնպես, ինչպես ցանկանում է:

Տղամարդը դժվարացել է պատասխանել այն հարցին, թե արդյոք ինքն իրեն ապասեքսուալ է համարում։

Նա պնդում է, որ սեռական ցանկության նույն մակարդակն ունի, ինչ դեռահաս տարիքում, իսկ տեստոստերոնի մակարդակը նորմայի սահմաններում է։ Ընդ որում, ձեռնաշարժությունը տղամարդը համարում է հիմար զբաղմունք, իսկ սեքսի մասին 15 վայրկյանից ավելի երևակայելը նրան ձանձրացնում է։ Ի պատասխան ծանոթությունների հավելվածում որևէ մեկին գտնելու առաջարկին՝ նա քաղաքավարիորեն հրաժարվեց։

Աղբյուր` Փաստինֆո