Փաստ ինֆո

Հնդկաստանի Հարյանա նահանգի Սիրսա քաղաքի համալսարանի շուրջ 500 ուսանողոըհիներ դասախոսին մեղադրել են սեռական ոտնձգությունների մեջ: Այս մասին հայտնում է The Times of India-ն:

Աղջիկները նամակ են հղել նահանգի գլխավոր նախարարին և նահանգապետին, ինչպես նաև կանանց հարցերով հանձնաժողովին, որում պրոֆեսորին մեղադրել են սեռական շահագործման մեջ: Ուսանողուհիների խոսքով՝ դասախոսը նրանց տանում էր զուգարան, որտեղ անպատշաճ կերպով դիպչում էր նրանց։ Աղջիկները նաև հայտարարել են, որ պրոֆեսորը սպառնացել է համալսարանից հեռացնել նրանց, ովքեր փորձել են ընդդիմանալ բռնությանը:

Նշվում է, որ նախկինում դասախոսին արդեն երկու անգամ մեղադրել են սեռական ոտնձգությունների մեջ։ Իշխանությունները հետաքննություն են անցկացրել, սակայն պրոֆեսորին պատասխանատվության ենթարկելու համար անհրաժեշտ ապացույցներ չեն գտել։ «Քանի որ նամակում այժմ հիշատակվում է 500 աղջիկ, ոստիկանությունն ու համալսարանը վերանայում են այդ գործը», — հայտնում է ուսումնական հաստատության աշխատակիցը:

Ինչպես պնդում են ուսանողուհիները, պրոֆեսորը ոչնչացրել է բոլոր ապացույցները, ներառյալ տեսահսկման տեսախցիկների տեսագրությունները։ «Մենք համալսարանի նկատմամբ վստահություն չունենք։ Խնդրում եմ, օգնեք մեզ հասնել արդարության ... խնդրում եմ, հեռացրեք այդ պրոֆեսորին պաշտոնից և նրա փոխարեն նշանակեք մեկ այլ պրոֆեսորի», - ասվում է նամակում:

Աղբյուր` Փաստինֆո