Փաստ ինֆո

Ուկրաինան նույնպես Արևմուտքի ցանցը գցեցին, խոստացան հրաշալի հեռանկարներ, նկարագրեցին ամենը դրական լույսի ներքո, բայց խաբեցին։ Ես չէի ցանկանա, որ դա տեղի ունենար նաև Հայաստանի հետ։ Այս մասին հայտարարել է ՌԴ ԱԳՆ ներկայացուցիչ Մարիա Զախարովան այսօրվա ասուլիսում։

Նրա խոսքով, «հայ ժողովուրդն արժանի է խաղաղ ապրելու և ոչ թե սակարկության առարկա դառնալու ոչ ազնվացեղ արևմտյան քաղաքական գործիչների ձեռքում»։

«Միայն թե այդ ամենը նորից չկրկնվի։ Կցանկանայի, որ դա Հայաստանի հետ չկրկնվեր։ Հայաստանն անցել է իր պատմական դժվարին ճանապարհը, որը ներառում էր ամենաբարդ տարածքային վեճերը, հարցերն ու հակամարտությունները։ Այս երկիրն արժանի է խաղաղ ապրելու և ոչ մի դեպքում չդառնա սակարկության առարկա արևմտյան ոչ ազնվացեղ քաղաքական գործիչների ձեռքում», -ասել է Զախարովան:

Նա ասել է, որ Ռուսաստանն ամբողջ հոգով խաղաղություն է մաղթում Հայաստանին։

«Մենք աբողջ հոգով ցանկանում ենք խաղաղություն, կայունություն և բարգավաճում այս պետությանը՝ թե՛ այս երկրի և ժողովրդի հանդեպ սիրո, և թե՛ պրագմատիզմի տեսանկյունից, քանի որ դրանից է կախված ողջ տարածաշրջանի բարեկեցությունը։ Բայց մենք, ցավոք, տեսնում ենք, թե ինչպես Արևմուտքը, խաղալուց հետո կոտրած թողնելով Ուկրաինային՝ առանց ձեռքի ու ոտքի անկյուն նետված տիկնիկի պես, սկսել է նոր զոհ փնտրել։ Միայն թե Հայաստանը չդառնա այս նոր զոհը, որին կխաբեն ու գայթակղեն»,- ասել է դիվանագետը։

Զախարովան նշել է, որ ցավոք, Հայաստանում մի շարք քաղաքական գործիչներ չեն էլ մտածում այն մասին, որ Հայաստանը վերածում են արևմտյան աշխարհաքաղաքականության ու զվարճանքի ևս մեկ գործիքի։

Աղբյուր` Փաստինֆո