Գարիկ Գալեյանի խափանման միջոցի հարցը հրատապ նիստով քննարկելու միջնորդությունը մնացել է անպատասխան․դատավորն արձակուրդ է մեկնել

ԲՈԼՈՐ ՆՅՈՒԹԵՐԸ

Բոլորը

05/09/2024 10:57 Ճանապարհ փակելը լավ բան չէ․ Հակոբ Արշակյան 05/10/2024 14:50 Որ համալսարաններն են միացել Սրբազանի կոչին ու դասադուլ հայտարարել 05/09/2024 20:00 Նիկոլ Փաշինյանի մամուլի խոսնակն արձագանքել է Սրբազանի պահանջին՝ հրապարակելով Փաշինյանի լուսանկարը 05/10/2024 10:33 Հրատապ. փակ է Երեւանի մուտքը՝ Արարատի մարզից (տեսանյութ) 05/09/2024 19:58 Քպականները արձագանքում են հրաժարականի պահանջին 05/08/2024 18:56 Շիրակի հոգևորականների առաջնորդությամբ երթը միացավ Բագրատ Սրբազանի նախաձեռնած երթին 05/09/2024 21:41 Հավես չունեմ ամիսներով փողոցներում պտտելու, 7-10 օր. Սրբազան (տեսանյութ) 05/09/2024 21:55 ՔԿ-ն շտապում է կատարել հրահանգը. օրակարգում Սրբազանին մեկուսացնելն է 05/09/2024 20:42 Առաջիկա մեկ ժամվա ընթացքում վարչապետը չի երկխոսելու Բագրատ սրբազանի հետ. Ալեքսանյան. «Ազատություն» 05/10/2024 11:32 Սրբազանը մայր բուհում է. նրան դիմավորեցին ծափերով 05/10/2024 13:14 Դավիթ Գյուրջինյանի ղեկավարած համալսարանի՝ Բրյուսովի, դռները փակված են Բագրատ Սրբազանի և դասախոսների առջև 05/10/2024 00:04 Հանրապետության մի շարք հասցեներում կդադարեցվի ջրամատակարարումը 05/09/2024 20:11 Նիկոլ Փաշինյանի ընտանեկան թերթը հայտնում է հնարավոր ձերբակալությունների մասին 05/08/2024 17:57 Արցախցիները հավաքվել են Աբովյան քաղաքի կամրջի մոտ՝ միանալու Սրբազանի քայլերթին 05/10/2024 08:16 Բագրատ սրբազանի դեմ վարույթ են սկսել․ «Հրապարակ» 05/09/2024 14:48 Սրբազանը գնդակ է խաղում՝ իրեն միացող երեխաների հետ 05/09/2024 18:41 Նիկոլ Փաշինյան, մեկ ժամ ժամանակ ունես՝ հրաժարական ներկայացնելու համար․ Բագրատ Սրբազան 05/09/2024 11:59 Բագրատ Սրբազանի առաջնորդությամբ երթն Աբովյանից շարժվում է դեպի Երևան․ երթի առջևից քայլում են 44-օրյա պատերազմի մասնակիցներ՝ զոհված ընկերների նկարներով շապիկներով 05/09/2024 23:59 Ոչ Քոչարյանի մոտ եմ, ոչ Սերժ Սարգսյանի. ոչ էլ Լեւոն Տեր-Պետրոսյանի, Սրբազանը հայտնել է, որ ոտքերը վնասվել են 05/10/2024 08:07 Հողերը բարեհաջող հանձնելու դիմաց՝ գեներալի կոչում են խոստացել․«Հրապարակ»

Գարիկ Գալեյանի խափանման միջոցի հարցը հրատապ նիստով քննարկելու միջնորդությունը մնացել է անպատասխան․դատավորն արձակուրդ է մեկնել 02/28/2024 15:23 | ԼՐԱՀՈՍ

44-օրյա պատերազմում զոհված Մխիթար Գալեյանի հոր՝ Գարիկ Գալեյանի խափանման միջոցի հարցը հրատապ նիստով քննության առնելու միջնորդությունը դեռ կմնա անարձագանք։ Գալեյանի պաշտպան Վահան Հովհաննիսյանը «Փաստինֆո»-ի հետ զրույցում հայտնեց, որ իր կողմից միջնորդությունը ներկայացնելու հաջորդ օրը դատավորն արձակուրդ է մեկնել։

«Պարզվում է , որ միջնորդության հենց հաջորդ օրվանից դատավորը արձակուրդի է մեկնել, հետևաբար միջնորդությունը քննարկվել չի կարող մինչև նա արձակուրդից վերադառնա»,- նշեց Հովհաննիսյանը՝ դա գնահատելով աբսուրդային։

Ինչպես արդեն տեղեկացրել ենք՝ տնային կալանքի տակ գտնվող Գարիկ Գալեյանի առողջական վիճակը վատթարացել է։ Վերջինս փետրվարի 23-ին «ինֆարկտ» նախնական ախտորոշմամբ տեղափոխվել է «Աստղիկ» ԲԿ, գտնվում է վերակենդանացման բաժանմունքում։ Պաշտպան Վահան Հովհաննիսյանը ֆեյսբուքյան իր էջում գրել էր, որ Գալեյանի առողջական վիճակը կտրուկ վատթարացել է՝ վերջին դատական նիստով Գարիկ Գալեյանի խափանման միջոցի ժամկետը երկարաձգելուց և դրանով իսկ նրան Եռաբլուր զինվորական պանթեոն այցելելն արգելելուց հետո։
Գալեյանը նախօրեին վիրահատվել է, շարունակում է գտնվել հիվանդանոցում։ Փաստաբանի փոխանցմամբ՝ Գալեյանի վիճակը համեմատաբար լավ է, բայց եթե չկարողանա Եռաբլուր գնալ, չի բացառվում, որ ամեն ինչ նորից կրկնվի։

Հիշեցնենք, որ Գարիկ Գալեյանը ձերբակալվել է՝ ՔԿ-ում քննվող քրեական վարույթի շրջանակներում։ Ըստ շրջանառվող լուրերի՝ Գալեյանը ձերբակալվել է թմրամիջոցների ապօրինի շրջանառության վերաբերյալ գործով։ Հատկանշական է, որ Գալեյանի ձերբակալությանը նախորդել էր

«Որդիների կանչ» ՀԿ հայտարարությունը, համաձայն որի՝ Երևանի ավագանու ընտրություններին սատարելու են «Մայր Հայաստան» դաշինքին։
Գարիկ Գալեյանին մեղադրանք է ներկայացվել ՝ խմբի կազմում խուլիգանության և իրացնելու նպատակով թմրամիջոց պահելու հատկանիշներով։ Ընդ որում, խուլիգանության հատկանիշներով մեղադրանքը ներկայացվել է հենց Գալեյանի հաղորդման հիման վրա հարուցված գործով։

Մասնավորապես, անցած տարվա ընթացքում ՀՀ գլխավոր դատախազության շենքի մոտ իրականացվող ակցիայի ընթացքում իշխանական սադրիչներից մեկը փորձել էր միջամտել ակցիային, Գալեյանը իր ձեռքի շշով ջուրը լցրել էր նրա գլխին, արարքը որակվել է որպես խմբի կազմում խուլիգանություն։ Միջադեպի ընթացքում վասվածքներ են ստացել հենց ծնողները՝ Վահիդ Սահակյանը, Գարիկ Գալեյանը, ինչով պայմանավորված էլ հաղորդում են ներկայացրել։

Հեղինակ՝ Իզաբել Սահակյան

Աղբյուր` Փաստինֆո