Փաստ ինֆո

Հարաբերությունների բարդ իրավիճակում ինչպե՞ս հասկանալ, որ դուք պետք է առաջ շարժվեք, բաց թողնեք միմյանց՝ առանց ձեր կամ դիմացինի ժամանակը վատնելու: Ստորև բերված է մի քանի պատճառ, որոնք հուշում են, որ անկասկած ժամանակն է բաժանվել։

Դուք ապրում եք անցյալում

Եթե ներկայի ամեն պահը վայելելու փոխարեն անընդհատ վերադառնում եք, օրինակ, անցած ամառվա ուրախ իրադարձություններին, անընդհատ վերհիշում հարաբերությունների առաջին տարին, ամանորյա ճամփորդությունը, ապա՝ էլ ավելի հետ գնում հուշերում, վստահաբար սա նշան է, որ վերջն արդեն եկել է։ Պարզապես պետք է ուժ գտնել՝ կոտրելու արդեն ոչ այդքան այնքան ամուր կապը։

Հարաբերությունները տառապանք են բերում

Ձեզ նյարդայնացնում է ամեն մի մանրուք, զայրանում եք նրա արտաքինից ու թե ինչպես է իրեն պահում հանրության առաջ, շրջում եք միշտ լարված ու հոգնած, նրա հետ շփումը ծանրություն է առաջացնում և մտովի ցանկանում եք գոնե մեկ օր լինել առանց նրա։ Ուրեմն ինչո՞ւ եք դեռ միասին: Պետք է վերջ տալ այդ ամենին։

Դուք հույս ունեք, որ նա կփոխվի

Ճշմարտությունն այն է, որ երբ սիրում ես, չես ուզում փոխել զուգընկերոջդ, նա քեզ դուր է գալիս այնպիսին, ինչպիսին որ կա՝ սպորտային հագուստով, անհեթեթ սանրվածքով և անգամ փոքրիկ փորիկով: Ցանկացած այլ դեպքում կարելի է խոսել միայն խունացած զգացմունքների ու հեռանալու անհրաժեշտության մասին։

Նա ցավեցնում է

Հավերժ վիրավորանքներ, կշտամբանքներ, թյուրըմբռնում, նվաստացումներ ընկերների առջև՝ այսպե՞ս եք ուզում անցկացնել ձեր ողջ կյանքը։ Վստահ ենք, ձեր մեջ մնացել է արժանապատվության զգացում։ Դա նշանակում է, որ կամ պետք է փոխեք իրավիճակը, կամ հավաքեք ձեր իրերը:

Հարաբերություններում ներառված է միայն մեկը

Զույգը երկու հոգի է, ինչը նշանակում է, որ երկուսն էլ պետք է կառուցեն ապագան և ներկան: Եթե ձեզնից մեկը, ինչ-ինչ պատճառներով, չի մասնակցում հարաբերություններին, այլ միայն ընդունում է մյուսի ջանքերը որպես նվեր, մտածեք դրա մասին՝ այստեղ ինչ-որ բան այն չէ:

Դուք չեք զարգանում

Պատահում է, որ հարաբերություններն այնքան սպառող են դառնում, որ ինքդ քեզ համար բավարար ժամանակ չես ունենում։ Դուք անընդհատ միասին եք, և «ես»-ի փոխարեն այժմ կա միայն «մենք»: Կարծես կանգնած ես տեղում և ոչ մի տեղ չես շարժվում՝ դա արդեն լրջորեն մտածելու խնդիր է։

Զգացմունքներն այլևս նույնը չեն

Հնարավորինս շուտ միմյանց տեսնելու ցանկություն չկա, երկար բաժանման ընթացքում դուք այլևս չեք ձանձրանում, ավելին՝ սկզբունքորեն չեք ցանկանում տեսնել նրան։ Հազվագյուտ հանդիպումները ձեզ բավարար են, և համատեղ ապագայի մասին երազանքներն այլևս չեն զբաղեցնում ձեր մի՞տքը: Ուրեմն զգացմունքները վերացել են, և դու պետք է գնաս։

Աղբյուր` Փաստինֆո