Փաստ ինֆո

«Հայաստան» խմբակցության պարտագամավոր, ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը ներկայացրել է 2023 թ-ի հայտարարագիրը՝ պատգամավոր ընտրվելու կապակցությամբ։

Քոչարյանը հայտարարագրել է 3 բնակարան Երևանի կենտրոն համայնքում և մեկ ավտոտկայանատեղի։ Բնակարաններից մեկը և ավտոկայանատեղին նա ձեռք է բերել 2009 թ-ին, երկրորդը՝ 2012-ին, երրորդը՝ 2013-ին։ Նա նաև հայտարարագրել է TOYOTA մակնիշի 2 ավտոմեքենա և 2020 թ-ի արտադրության LEXUS մակնիշի ավտոմեքենա, որը 90 օրից ավելի փաստացի գտնվել է իր տնօրինության ներքո, սակայն սեփականության իրավունքով պատկանել է երրորդ անձի։

Նա ներդրումներ ու արժեթղթեր ունի 5 տարբեր անձանց բիզնեսներում կամ ընկերություններում։ Մասնավորապես, 2015-ին 31մլն 830 հազար դրամի ներդրում է կատարել եղբոր՝ Սեդրակ Քոչարյանի բիզնեսում, Նույն թվականին 100 հազար եվրոյի բաժնեմաս է ձեռք բերել «Մուդելայզեր ԱԲ»-ում, 2014-ին 5000 դրամով արժեթղթեր է ձեռք բերել Սամվել Ստեփանյանի բիզնեսում, 2016-ին ՝ 300 հազար դոլարով ձեռք է բերել արժեթղթեր «ԷՔՍԶԵԼ ԱՈՒԹԴՈՐՍ» ՍՊԸ-ում, 2008-ին Հովիկ Շահինյանի բիզնեսում ներդրել է 1 մլրդ 74 մլն դրամ։

Քոչարյանը հայտարարագրել է նաև հանձնված փոխառությունները, որոնցից 2-ը հանձնվել է «Հայաստանի Ուժային Եռամարտի Ֆեդերացիա» ՀԿ-ին՝ 9000 դոլար և 4 մլն 270 հազար դրամի չափով, իսկ երրորդը՝ 244 մլն 452հազար դրամի չափով՝ հանձնվել է «Զեմկոմինվեստ» ՍՊԸ-ին։

Հատկանշական է, որ 4 մլն դրամից ավելի թանկարժեք այլ առարկաներ, մասնավորապես զարդեր, կտավներ եւ այլն Քոչարյանը չի հայտարարագրել։

Փոխարենը հայտարարագրել է 10 բանկային հաշիվ, որոնցից առաջինին 6,700 SEK տեսակի կրիպտոարժույթ է, 2րդի վրա եղել է 64 747 դոլար, 3-րդ հաշվի վրա՝ 769 դոլար, 4-րդին՝ 16 732 դրամ, 5-րդին՝ 75 եվրո, 6-րդին՝ 217 դոլար, 7-րդին՝ 154 000 դրամ, 8-րդին՝ 0.95 եվրո, 9-ին՝ 108 դոլար, 10-րդին՝ 18 մլն 363 հազար դրամ։

Միաժամանակ, պատգամավորն հայտարարագրել է 4 մլն 300 հազար դրամ կանխիկ դրամ։

Տարվա ընթացքում նրա եկամուտները կազմել են 317մլն 832 հազար դրամ։ Եկամուտի հիմնական աղբյուրը «Նաիրի Ինշուրանս» ապահովագրական ընկերությունն է, որից ընդհանուր առմամբ ստացել է 303 մլն 442 հազար դրամի եկամուտ։ Եկամտի մեծ մասը շահաբաժնից ստացված եկամուտն է, մի մասը՝ աշխատանքի դիմաց վարձատրությունը, մի մասն էլ տրված փոխառությունների հատուցումն է։

Քոչարյանը նաև որպես վարձակալության դիմաց ստացած վճար 8 մլն 191 հազար դրամ ստացել «Թարգեթ Գրուպ» ՓԲԸ-ից և 5 մլն 680 հազար դրամ՝ «Սելֆ Պլյուս» ՍՊԸ-ից։ Միաժամանակ, տարեվերջին 519 հազար դրամ ստացել է ԱԺ-ից՝ որպես աշխատանքի դիմաց վարձատրություն։

«Մասնակցությունն առևտրային կազմակերպություններում» բաժնում հայտարարագրել է «ԶԵՄԿՈՄԻՆՎԵՍՏ» ՍՊԸ-ի բաժնետոմսերի 50 %, «Մուդելայզեր ԱԲ» ՍՊԸ-ին բաժնետոմսերի 0.46%-ը, «ԷՔՍԶԵԼ ԱՈՒԹԴՈՐՍ» ՍՊԸ-ի բաժնետոմսերի 0.7% տոկոսը, «Սփեյս Մենեջմենթ ՍՊԸ»-ի բաժնետոմսերի 33.3% և Նաիրի Ինշուրանս ԱՍՊԸ -ի բաժնետոմսերի 60 տոկոսը։ Նա նաև վերջինիս խորհրդի անդամ է։

Աղբյուր` Փաստինֆո