Փաստ ինֆո

Ինգուշեթիայի Կարաբուլակ քաղաքի դատախազությունը հաստատել է տեղի բնակչուհու նկատմամբ քրեական գործով մեղադրական եզրակացությունը․ կինը մեղադրվում է նորածին երեխայի հետ ապօրինի գործարքի մեջ, որին հետո տեղափոխել են Ղազախստան, հայտնել է տարածաշրջանի վերահսկիչ գերատեսչությունը:

«Հետաքննության վարկածով՝ 2020 թվականին տեղի բնակչուհին, լինելով հղիության 4-րդ ամսում, որոշել է նորածին երեխայի ծնվելուց հետո փոխանցել նրան իր ծանոթին, որը խոստացել է նյութական օգնություն ցուցաբերել հղիության ընթացքում, իսկ հետագայում՝ նաեւ երեխայի պատշաճ խնամքն ու դաստիարակությունը», — ասված է հաղորդագրության մեջ:

Նշվում է, որ 2020 թվականի նոյեմբերին՝ ծննդատնից դուրս գրվելուց անմիջապես հետո, նա նորածին տղային հանձնել է ծանոթին, իսկ 2021 թվականի հունվարին կեղծ ծննդյան վկայականի միջոցով երեխային տեղափոխել են Ղազախստան։

Կնոջը մեղադրանք է առաջադրվել ՌԴ Քրեական օրենսգրքի «Գործարք անչափահասի նկատմամբ, վերջինիս ակնհայտորեն անօգնական վիճակում գտնվելիս» հոդվածով, որի համար նախատեսում է մինչև 10 տարվա ազատազրկում: Գործն ուղարկվել է Կարաբուլակի շրջանային դատարան։

Բացի այդ, դատախազությունը դատարան է ուղարկել նաև երեխային խնամող կնոջ նկատմամբ հարուցված քրեական գործը: Նրան մեղադրում են նույն հոդվածով՝ լրացուցիչ մեղադրելով կեղծ փաստաթղթերի օգտագործմամբ երեխայի տեղափոխումը ՌԴ սահմանով։

Աղբյուր` Փաստինֆո