Փաստ ինֆո

Ռուս օլիգարխ Ռոման Տրոցենկոն, որը Հայաստանում ձեռք է բերել հայաստանյան հանքարդյունաբերության խոշոր պատառները, ռուսական իշխանությունների «սրտի» օլիգարխն է, ռուսական իշխանությունները խնայում են Տրոցենկոյին՝ ներելով ընդհուպ մինչև իշխանությունների դեմ արված հայտարարությունները։ Ասել է թե՝ այն, ինչի համար Ռուսաստանում կարող են դատապարտվել ազատազրկման քաղաքացիները, հատկապես՝ ընդդիմադիր գործիչները։ Ռուսական ԶԼՄ-ներն անդրադարձել են Տրոցենկոյի շուրջ ձևավորված անպատժելիության մթնոլորտին։

«Ի՞նչ եք կարծում, ինչպիսին կլիներ իրավապահ համակարգի արձագանքը, եթե հրապարակավ ասեք՝ «Ցավոք, Ռուսաստանը, որը մենք անկեղծորեն սիրում ենք, հայտնվել է ինչ-որ ապուշի ձեռքում, որոնց գաղափարախոսությունը գումար աշխատելու, իսկ խնդիրը՝ իշխանությունը պահելն է»»,- հիշեցնում է ВЧК-ОГПУ տելեգրամյան ալիքը՝ նշելով, որ այս խոսքերի համար քաղաքացին պատասխանատվության կենթարկվեր քրեական օրենսգրքի 3-4 հոդվածներով, իսկ պատասխանատվությունը կարող էր լինել ազատազրկումը՝ 6-10 տարի ժամկետով, բայց սա միայն այն դեպքում, եթե ձեր անունը Ռոման Տրոցենկո չէ։ Մինչդեռ, եթե խոսքը Տրոցենկոյի մասին է, ոչ թե ընդդիմադիր, այլ՝ «ռուսական համակարգի» ստուգված ստվերային «ճարմանդի», որը միլիարդավոր դոլարներ կուտակել է այս համակարգում, ապա այս հայտարարությունից ուղիղ մեկ ամիս անց ՌԴ նախագահ Վլադիմիր Պուտինը կպարգևատրի «Բարեկամության» շքանշանով»՝ «աշխատանքային հաջողությունների և երկար տարիների բարեխիղճ աշխատանքի համար », մինչդեռ, Տրոցենկոյի և Մատուշեսկու մասնակցությամբ աղմկահարույց ձայնագրությունում Տրոցենկոն հստակ է նշել՝ «մարդն ապրում է այնտեղ, որտեղ հնարավոր է գումար աշխատել, իսկ Ռուսաստանում այսօր դա անհնար է»։

Այդուհանդերձ, Տրոցենկոյի համար 2023թ բարեհաջող էր։ Մասնավորապես, ըստ հրապարակման, Տրոցենկոն՝ «Ռոսնեֆտի» անվտանգության ծառայության նախկին ղեկավարի, իսկ այժմ՝ ՌԴ ԱԽՔ օգնական Նաիլ Մուխիտովի աջակցությամբ և Իգոր Սեչինի հետ մտերմության շնորհիվ Տրոցենկոն կարողացել է գնել է Իտալիայի Գրոսետոյի օդանավակայանը և Ռուսաստանից մեկ միլիարդ դոլար հանել Ռաս Ալ Խայմա, որտեղ պատրաստվում են օդանավակայան կառուցել, դարձնել այն արաբական «Լաս Վեգաս»՝ օրինականացնելով մոլախաղերը, կառուցել հյուրանոց-խաղատուն։ Տրոցենկոն պատրաստվում է ֆինանսավորել ԱՄԷ-ում կառուցվող օդանավակայանը՝ պետբյուջեի միջոցներից, որն ի սկզբանե նախատեսված է եղել Նովոսիբիրսկի և Իրկուտսկի օդանավակայանների համար: Բացի այդ, Ռոման Տրոցենկոն նվազեցրել է իր մասնաբաժինը AEON ենթակառուցվածքային կորպորացիայի մեջ մինչև մինչև 31%, բաժնեմասերի 69%-ի գնորդները եղել են նրա թոփ-մենեջերները։

Այսպիսով, Տրոցենկոն «դուրս է եկել կանխիկի շուկա», ինչը հնարավորություն կտա ՝ իբրև խուսափել պատժամիջոցներից։

Աղբյուր` Փաստինֆո