Փաստ ինֆո

ՀՀ վարչապետը տարիներ առաջ հանձնառություն է վերցրել Հայաստան պետության շահերի, Արցախի Հանրապետության հետ կապված շահերի՝ օտար երկրներին սպասարկելու մասով: Այդ գործընթացը վաղուց է սկսվել և ինչ որ պարբերականությամբ հասնում ենք ինչ որ հանգրվանների, որոնք որևէ առնչություն չունեն ՀՀ շահերի, դրա անվտանգության և ապահովության բարձրացման հետ: «ՓաստԻնֆոյի» եթերում ասել է քաղաքագետ, ք.գ.թ. Ալեն Ղևոնդյանը:

Բանախոսի դիտարկմամբ, այն մանիպուլյացիան, ինչը Ն. Փաշինյանը օգտագործում է, ուղղված է նրան, որ սպասվելիք արտահերթ ընտրություններում իր մասով լարվածություն չլինի: Ընդ որում, սպասվելիք արտահերթ ընտրություններում կան այլ թեկնածուներ, որոնք ստանալու են աջակցություն արևմտյան տարբեր շրջանակներից: Մեզ բավական ակտիվ պրոցեսներ են սպավելու եկող տարի:

Քաղաքագետը նշում է, որ 2024թ. ընտրություններին ամեն ինչ անելու են, որպեսզի նորից իշխանությունը վերցնեն և այդ ժամանակ արդեն, գործող ընդդիմությունը չի լինելու: Լինելու է այլ ընդդիմություն, որը ֆինանսավորվելու է հենց Արևմուտքի կողմից: Ունենք իրավիճակ, որտեղ Հայաստանի ողջ քաղաքական դաշտը վերաֆորմատավորվելու է:

Անդրադառնալով անկլավներին, քաղաքագետը նշեց, որ Ն. Փաշինյանը անկլավները հանձնել է 2020թ. նոյեմբերին՝ բանավոր խոստմամբ: Անկլավների հատվածներում արդեն ասֆալտապատման աշխատանքներ են տարվում, չափագրման աշխատանքներ են կատարվում: Հայաստանը համեմատաբար խաղաղ պայմաններում կապիտուլյացիայի երկրորդ փուլն է անցնում: «Ինքը պատրաստ է Ադրբեջանից ֆինանսական տրանշներ ստանալ՝ էստեղ իրավիճակը կայունացնելու համար»,- ասել է Ա. Ղևոնդյանը:

Բանախոսը նաև նշեց, որ Արցախի բնական ռեսուրսների շահագործման հետ կապված Ադրբեջանը ինվենտարիզացիա է կատարելու և Հայաստանի նկատմամբ միջազգային դատարանում հայց է լինելու՝ մի քանի միլիարդի հետ կապված: Որպեսզի այդ միլիարդները չվճարվի՝ ՀՀ վարչապետը հայտարարելու է, որ, դիցուք 50 միլիարդ պետք է վճարի Ադրբեջանին, և, քանի որ չունենք այդ 50 միլիարդը՝ պետք է Սյունիքը տանք: Պատերազմով վախեցնելու էլեմենտը նույն Ադրբեջանի խոսույթն է:
Մանրամասները՝ տեսանյութում:

Աղբյուր` Փաստինֆո