Փաստ ինֆո

Երբեմն տղաները որոշակի քայլեր են անում իրենց համակրած աղջկա հանդեպ, ինչը նրանց անուղղակիորեն գցում է «ֆրենդզոնա»՝ ընկերական շրջանակ, ինչի արդյունքում գնալով ավելի ու ավելի բարդ է դառնում աղջկա աչքերում դիտարկվել որպես համակրող ու սիրող տղա։ Հոգեբանը նշում է մի քանի հնարք՝ «ֆրենդզոնայից» դուրս գալու ու որպես զուգընկեր դիտվելու հավանականությունը մեծացնելու համար։

Եվ այսպես՝ հոգեբանը խորհուրդ է տալիս տղաներին՝ նախ ինքներդ ձեզ համար պարզե՛ք, դուք «ֆռենդզոնայում» ե՞ք։

Եթե կասկածում եք, տվեք ձեզ այս հարցերն ու պատասխաններից ամեն ինչ ակնհայտ կդառնա.

1. նրա զանգերին ու նամակներին արագ պատասխանում եք, նրա համար միշտ հասանելի եք

2. նրան մեքենայով պարտաճանաչ տուն եք հասցնում՝ ասես նրա անձնական վարորդը լինեք

3. լսում եք նրա բոլոր խնդիրներն ու հոգեբանի դեր կատարում նրա  համար

4. գնում եք նրան նվերներ

5. օգնում եք լուծել նրա մոտ ծագած խնդիրները

6. ձեր բոլոր ծրագրերը չեղարկում եք, եթե նա ցանկություն է հայտնում տեսնվել։

Եթե այս ամենից հետո հասկանալի է դառնում, որ դուք ձեզ գցել եք «ֆրենդզոնա»՝ հույս ունենալով, որ աղջիկը ինչ-որ մի հեռավոր օր կգնահատի ձեզ ու կցանկանա լինել ձեր կողակիցը, ուրեմն շատ հավանական է՝ այդպես էլ ողջ կյանքում ձեզ կարող է վերաբերվել որպես ընդամենը «լավ տղա»։

Իրավիճակից դուրս գալու համար մասնագետը խորհուրդ է տալիս մի քանի քայլեր կատարել.

Քայլ 1. Ձեր մեջ տարածություն ստեղծեք

Ձեզ պետք է անհապաղ գնալ, կորել, թաքնվել, անհետանալ նրա կյանքից։ Դրանից հետո հնարավոր կլինի նոր դինամիկա հաղորդել հարաբերություններին։ Հենց կարողանաք անել դա, ցույց կտաք, որ ձեր կյանքում ինչ-որ կարևոր բան է կատարվում, և ինքը չէ ձեր ողջ ուշադրության կենտրոնում։

Քայլ 2. Կատարելագործվեք

Դարձեք ավելի համակրելի տղամարդ ու թույլ տվեք, որ աղջիկը փոխի իր վերաբերմունքը ձեր հանդեպ, այնպես որ գործե՛ք՝ գնացեք մարզասրահ, ուղևորության մեկնեք կամ թեկուզ գործուղման։ Սա լավագույն ժամանակահատվածն է կնոջը գայթակղելու համար ու նաև պարզելու, ինչն է նրան դուրս գալիս տղամարդու մեջ։

Քայլ 3. Ստեղծեք մրցակցություն

Գնացեք հանդիպման այլ աղջիկների հետ։ Նախ դա թույլ կտա իսկապես հասկանալու՝ արդյո՞ք ձեր ցանկալի աղջիկն այն մեկն է, որին ձգտում եք, գուցե այլ աղջիկ կլինի, որը ձեզ ավելի համապատասխան է, հետո էլ մի փոքր խանդ առաջացնելով՝ ձեզ ընկեր համարող աղջկա մոտ որոշակի զգացմունքներ կառաջացնեք։

Քայլ 4. Վերսկսեք շփումը նրա հետ

Երբ այսպիսով նախորդ հարաբերությունները բեռնաթափված են, սա լավ հնարավորություն է վերսկսել հարաբերությունները աղջկա հետ, բայց այս անգամ լրիվ այլ կերպ։

Այս անգամ թելադրողը պետք է դուք լինեք։

Այս դեպքում հիշեք հետևյալ խորհուրդները՝

1. Եղեք թարմացած արտաքինով՝ նոր սանրվածք, հագուստ, ոճ, աքսեսուար՝ օրինակ ակնոց։

2. Եղեք նվազ հասանելի՝ եթե նա ցանկանում է տեսնվել, բայց դուք այլ ծրագրեր ունեք, մի վախեցեք չեղարկել նրա հետ հանդիպումն ու ձեր գործերով գնալ

3. ստիպեք նրան ձեզ ծառայություն մատուցել, ինչ որ բան անել ձեզ համար

4. լեզվի ծայրով խոսեք այլ աղջիկների մասին, որոնց հետ հանդիպել եք

5. սիրախաղ արեք նրա հետ ու փորձեք զայրացնել նրան՝ չվախենալով նեղացնել անգամ։ Պարզապես վերջ տվեք ընդամենը «լավ տղա» լինել նրա համար։ Կատակեք նրա հետ, գրկեք ու սեղմեք՝ առանց վախենալու, որ կկորցնեք։ Ի վերջո, նա ձեզ պետք չէ որպես ընկեր։

Քայլ 5. Հայտենք ձեր ցանկությունը

Ասեք ձեր մտադրության ու ցանկության մասին՝ առանց վախենալու, որ ինչ-որ բան կփչացնեք։ Ի վերջո, դրանից հետո բարդ իրավիճակը կավարտվի՝ պարզ կլինի նրա վերաբերմունքը ձեր հանդեպ ու այլևս անիմաստ ժամանակ չեք վատնի չստացվող հարաբերության վրա։ Իսկ հաջողելու դեպքում այլևս չեք բախվի այն խնդրին, որը կար, երբ դուք նրա համար ընդամենը ընկեր էիք։

Աղբյուր` Փաստինֆո