Տրոցենկոյի պրիմիտիվ մանիպուլյացիաները. ԶՄՊԿ-ի նոր «շահառուն»՝ Երշովան, դասվում է ուկրաինական պատժամիջոցների թեկնածուների ցուցակում - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 21:58 Ավտովթար Երևան-Սևան ավտոճանապարհին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Տրոցենկոյի պրիմիտիվ մանիպուլյացիաները. ԶՄՊԿ-ի նոր «շահառուն»՝ Երշովան, դասվում է ուկրաինական պատժամիջոցների թեկնածուների ցուցակում 11/25/2023 15:18 | Տնտեսություն

Հայաստանի թիվ մեկ հարկատուի՝ ԶՄՊԿ-ի գործունեությունը վտանգված է, ինչը տնտեսության համար լուրջ ցնցումների պատճառ կարող է դառնալ։ «Փաստինֆո»-ի տեղեկություններով՝ արդեն իսկ նկատվում է ԶՄՊԿ- ի արտադրանքի արտահանման որոշակի անկում։ Փորձեցինք մեկնաբանություն ստանալ ԶՄՊԿ-ից, սակայն այստեղ առաջարկեցին դիմել գրավոր հարցմամբ, հետեւաբար պաշտոնական պարզաբանումներին կանդրադառնանք հաջորդիվ։

Այն, որ արտահանման անկում լինելու է՝ մասնագետները կանխատեսում էին դեռեւս նոյեմբերի սկզբին, երբ հայտնի դարձավ, որ Գլեբ Տրոցենկոն հայտնվել է ԱՄՆ պետքարտուղարության սեւ ցուցակում ։ Գլեբ Տրոցենկոն ռուս միլիարդատեր Ռոման Տրոցենկոյի որդին է։ Այն նույն Տրոցենկոյի, որին Փաշինյանի իշխանությունը հանձնել է ՀՀ թիվ մեկ հարկատուի՝ ԶՄՊԿ-ի բաժնետոմսերը՝ դրանք խլելով նախկին սեփականատերերից։ 2022 թվականի ապրիլից հենց Գլեբ Տրոցենկոն էր հանդիսանում ԶՄՊԿ-ի հիմնական շահառուներից մեկը։ Նկատենք, որ Ռոման Տրոցենկոն որպես Պուտինին մերձավոր օլիգարխ ԱՄՆ ցուցակներում հիշատակվում է դեռեւս 2018 թվականից եւ, ինչպես արդեն նշել ենք, ամերիկացիները զգուշացրել էին Փաշինյանին՝ «Don’t flirt with Trotsenko»։

Ինչեւէ, նախազգուշացումն էր պատճառը, թե ոչ, բայց 2022 թվականի ապրիլին ԶՄՊԿ-ի որպես իրական շահառու Ռոման Տրոցենկոյի փոխարեն գրանցվել է որդին՝ Գլեբ Տրոցենկոն, որի անունն էլ 2023 թվականի նոյեմբերին ներառվեց ԱՄՆ պետքարտուղարության սեւ ցուցակում։ Շաբաթներ լռելուց հետո ԶՄՊԿ-ն հաղորդագրություն տարածեց, թե, իբր, Գլեբ Տրոցենկոն ավել վաղ էր դադարել լինել իրական շահառու, քան նրա անունը ներառվել է ԱՄՆ պետքարտուղարության ցուցակում՝ նշելով, որ Տրոցենկոյի փոխարեն 47.6% անուղղակի մասնակցությամբ ընկերության իրական շահառու է դարձել Ռուսաստանի քաղաքացի Սվետլանա Երշովան դեռեւս հոկտեմբերի 27-ին։

Հարց է ծագում՝ ԶՄՊԿ-ն ինչու շաբաթներ լռելուց հետո հանկարծ նման հայտարարությամբ հանդես եկավ, երեք շաբաթ էր պետք պարզելու համար, որ Գլեբ Տրոցենկոն այլեւս իրական շահառու չէ՞, թե նկատելով, որ պատժամիջոցներն արդեն ուժի մեջ են մտնում փորձում են հանրային կարծիքը մանիպուլացնել, թե պատճառը պատժամիջոցները չեն, իրական շահառուն ոչ թե Տրոցենկոն է, այլ՝ Երշովան։ Այն, որ Երշովան պատահական մարդ չէ Տրոցենկոների համար, այնքան էլ բարդ չէ պարզելը։ Անգամ բաց ռեսուրսների տեղեկատվությունը փաստում է, որ նա Տրոցենկոների հետ փոխկապակցված անձ է։ Իրական շահառուների նախավերջին՝ 2023 թվականի օգոստոսի 7-ի հայտարարագրի համաձայն՝ Գլեբ Տրոցենկոն «Գեոպրոմայնինգ գոլդ» ՍՊԸ-ում ունեցել է 72.6% անուղղակի մասնակցությամբ բաժնեմաս, իսկ արդեն նոյեմբերի 21-ի հայտարարագրով՝ Գլեբ Տրոցենկոն իրական շահառուների շարքում չկա։Նրա փոխարենը 72.6% մասնակցությամբ նշվում է Սվետլանա Երշովայի անունը։ Նա, ինչպես արդեն հայտնել ենք, 2012 թվականի դրությամբ նա հանդիսացել է Ռոման Տրոցենկոյին պատկանող AEON Corporation-ի փոխնախագահ։ Բացի այդ՝ Սվետլանա Երշովան Տրոցենկոների հետ կապված մեկ այլ ՝ «Պրոֆի» ընկերությունում համասեփականատեր է Իլյա Բրանսկիի հետ, իսկ վերջինս էլ Ռոման Տրոցենկոյի հետ համասեփականատեր է օդանավակայանների կառավարմամբ զբաղվող ընկերությունում։

Ավելին, Սվետլանա Երշովայի անունը եւս հիշատակվում է պատժամիջոցների տակ գտնվող գործարար-թեկնածուների ցուցակում, բայց՝ ուկրաինական ցուցակում, ըստ որի Սվետլանա Երշովան 2021 թվականին «Московское речное пароходство» ընկերության խորհրդի անդամ է եղել։ Իսկ այդ ընկերության բաժնետոմսերի 66 տոկոսը պատկանել է Ռոման Տրոցենկոյին։

Արդյոք նման անձի ներկայացնելով որպես իրենց բիզնեսի շահառու՝ Տրոցենկոներին կհաջողվի մոլորեցնել պետքարտուղարությանը, խիստ կասկածում ենք։ Քանզի, եթե ընդամենը մի քանի րոպե ուսումնասիրության արդյունքում ԶԼՄ-ն կարող է պարզել, թե ով է Երշովան եւ ինչ առնչություն նա ունի Տրոցենկոների հետ, ապա ԱՄՆ պետքարտուղարության համար դա պարզից էլ պարզ է, դոսիեն էլ վաղուց ունեն։Հարց է առաջանում՝ ով է իրականում մանիպուլյացիայի իրական թիրախը՝ հայ հասարակությունը՞, մամուլը՞։

ԶՄՊԿ-ի արտադրանքի արտահանման խոչընդոտը լուրջ խնդիրներ է առաջացնելու Հայաստանի արտարժույթի շուկայում։ Գաղտնիք չէ, որ ԶՄՊԿ-ի հետ փոխկապկակցված տարբեր ընկերություններ են աշխատում, հետեւեապես նրա վնասները տարածվելու են նաեւ մյուս ընկերությունների վրա, ինչն էլ ընդհանուր առմամբ լուրջ հարված է ՀՀ տնտեսության համար։ Բացի այդ՝ հարցն ունի նաեւ քաղաքական կոմպոնենտ, քանի որ տնտեսական նման լուրջ հարվածի տակ Հայաստանը հատնվել է օրվա իշխանությունների մեղմ ասած ոչ կոմպետենտ, եթե չասենք չարամիտ ու կոռուպցիոն տարրեր պարունակող քայլերի պատճառով։ Ու հիմա Տրոցենկոները ռիսկերը նվազեցնելու փոխարեն զբաղված են հայկական լրատվական դաշտը պրիմիտիվ քայլերով մանիպուլացնելու փորձերով։

ԶՄՊԿ-ում աուդիտը մերժած դատավորը կանխիկ խոշոր գումար է հայտարարագրել. Պետական համակարգում աշխատած դատավորին որտեղից այդքան գումար՝ պարզ չէ