ԲՈԼՈՐ ՆՅՈՒԹԵՐԸ
Լևոն Քոչարյանի նկատմամբ քրեական հետապնդումը դադարեցնելու միջնորդություն է ներկայացվել․ իրավապահները ձգձգում են նրա և ոստիկանների առերեսումը 10/04/2023 18:42 | Դատական ռեպորտաժներ
ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, տուժող է ճանաչվել՝ խաղաղ ակցիաների ընթացքում իրեն բերման ենթարկելիս ոստիկանության ծառայողների կողմից իրեն բռնության ենթարկելու վերաբերյալ քրեական վարույթի շրջանակներում։ Այս մասին «Փաստինֆո»-ի հետ զրույցում հայտնեց փաստաբան Էրիկ Ալեքսանյանը։
Այս պահի դրությամբ՝ խոշտանգման վերաբերյալ քրեական վարույթի շրջանակներում կարմիրբերետավորներից որևէ մեկի նկատմամբ քրեական հետապնդում չի իրականացվել, իսկ նրան ձերբակալելու վերաբերյալ փաստաբանների միջնորդությունը չի բավարարվել։ Ավելին, վարույթն իրականացնող մարմինը ձգձգում է Լևոն Քոչարյանի և նրան բերման ենթարկած չորս ոստիկանների միջև առերես հարցաքննությունները՝ ինչպես խոշտանգման վերաբերյալ, այնպես էլ՝ Լ․ Քոչարյանի կողմից իբրև ոստիկանության չորս ծառայողի նկատմամբ բռնություն գործադրելու վերաբերյալ քրեական վարույթներով, թեև հենց այդ չորս ոստիկանի ցուցմունքներն են դրվել Լևոն Քոչարյանի մեղադրանքի հիմքում։ Փաստաբան Էրիկ Ալեքսանյանի փոխանցմամբ՝ միջնորդել են առերես հարցաքննել չորս բերետավորների հետ, սակայն առ այս պահը միջնորդության քննարկման և լուծման վերաբերյալ որևէ տեղեկություն չկա, ավելին, վարույթն իրականացնող մարմինը խախտել է միջնորդության քննության համար օրենքով սահմանված 7-օրյա ժամկետը։
«Ոչ մեր միջնորդությանն են պատասխանել, ոչ էլ՝ առերեսում իրականացրել։ Ընդ որում, Լևոն Քոչարյանը ձերբակալվել է սեպտեմբերի 22-ին, միջնորդությունը գրավոր ձևով ներկայացվել է սեպտեմբերի 23-ին, այնուհետև, սեպտեմբերի 24-ին, երբ Լևոնը հարցաքննվել է մեղադրյալի դատավարական կարգավիճակում, մենք նաև բանավոր ենք միջնորդել, որ այդ չորս ոստիկանի հետ առերես հարցաքննվի, սակայն բանավոր միջնորդությունը, որը ենթակա է անհապաղ քննարկման, չի քննարկվել, լուծում չի տրվել։ Որոշ ժամանակ անց միջնորդություն է ներկայացվել՝ «հիշեցում»՝ կատարելու առերես հարցաքննությունը, քանի որ դրանով արդեն իսկ ցույց են տալիս, որ բացառիկ անգործություն են ցուցաբերում, ժամկետը խախտել են արդեն»,- նշեց փաստաբանը՝ հավելելով, որ նաև գլխավոր դատախազին է ներկայացվել բողոք՝ վարույթն իրականացնող անգործության դեմ։
Բացի այդ, միջնորդություն է ներկայացվել գլխավոր դատախազին՝ Լևոն Քոչարյանի նկատմամբ քրեական հետապնդումը դադարեցնելու մասին։
Փաստաբանի գնահատմամբ՝ առկա փաստական տվյալները վկայում են այն մասին, որ Լևոն Քոչարյանի արարքում հանցակազմն առհասարակ բացակայում է, ունենք միայն չորս բերետավորների ցուցմունքները, որոնք ոչ միայն բավարար չեն մեղադրանքը հաստատելու և անմեղության կանխավարկածը հայտարարելու համար, այլև՝ նրանց ցուցմունքները հակասում են սոցիալական ցանցերում արդեն իսկ տարածված տեսանյութերում արտացոլված իրողությանը։
«Մասնավորապես, նրանք ասում են, որ Լևոն Քոչարյանն իրենց հարվածել է, մինչդեռ, տեսանյութերում հակառակն է արձանագրված՝ նրանք են Լևոն Քոչարյանին հարվածում և ծեծի ենթարկում։ Գլխավոր դատախազի մոտ հարց ենք բարձրացրել, որ առկա փաստական տվյալները ոչ միայն անմեղության կանխավարկածը չեն հաղթահարում, այլև՝ իրենց մեջ հանցագործության հատկանիշներ չեն պարունակում, քանի որ ոստիկաններն իրենց ցուցմունքներով ասել են, որ հարվածը ստացել են՝ Լևոն Քոչարյանի կողմից անկանոն շարժումների արդյունքում, իսկ Լևոն Քոչարյանին մեղսագրվում է պաշտոնատար անձի օրինական և ծառայողական պարտականություններին միջամտելը՝ զուգորդված բռնության գործադրմամբ, ինչը ենթադրում է, որ բռնության գործադրումը հանցագործության կատարման միջոց է, ինչը կարող է տեղի ունենալ բացառապես միտումնավոր և գիտակցված դիտավորությամբ։ Տվյալ դեպքում՝ոստիկանության ծառայողները նշում են, որ հարվածները ստացել են անկանոն շարժումների արդյունքում, այսինքն՝ եթե նույնիսկ ընդունենք, որ ֆիզիկական ներգործություն է տեղի ունեցել ոստիկանության աշխատակիցների նկատմամբ, ապա դա ոչ դիտավորյալ, ենթադրաբար տեղի ունեցած ֆիզիկական ներգործություն է»,- նշեց Ալեքսանյանն՝ ընդգծելով, որ նման պայմաններում հանցակազմի մասին խոսք չի կարող լինել։
Նրա խոսքով՝ բռնության գործադրումը հանցագործության կարևոր հատկանիշն է՝ նախապայմանը, ինչը տվյալ դեպքում բացակայում է, ըստ այդմ, այս դեպքում հանցակազմի մասին խոսել չի կարելի։ Ինչ վերաբերում է Լևոն Քոչարյանի կալանավորման որոշման դեմ բողոքին, ապա այն դեռևս չի քննվել, անգամ՝ մակագրման մասին տեղեկություն պաշտպանության կողմը չունի։ Լևոն Քոչարյանը գտնվում է «Նուբարաշեն» ՔԿՀ-ում։
Հիշեցնենք, որ սեպտեմբերի 22-ի առավոտյան Լևոն Քոչարյանին ոստիկանության ծառայողները Լևոն Քոչարյանին դաժան ծեծի ենթարկելով բերման էին ենթարկել: Վնասվածքների հետևանքով Լևոն Քոչարյանը տեղափոխվել էր հիվանդանոց։ Նույն օրը հայտնի դարձավ, որ Լ. Քոչարյանը ձերբակալվել է՝ ոստիկանության 4 ծառայողի՝ «բերետավորի», նկատմամբ իբրև բռնություն գործադրելու համար։
Վարույթն իրականացնող մարմինը մեղադրանք է ներկայացրել, ապա՝ կալանավորման միջնորդությամբ դիմել դատարան։ Ի դեպ, մինչ կալանքի միջնորդությունը պաշտպանները բողոքարկել էին ձերբակալության որոշումը, որից հրաժարվել էին պայմանավորված դատավորի անձով, որին մակագրվել էր բողոքը։ Կալանքի միջնորդությունը, սակայն, կրկին մակագրվել է նույն դատավորին՝ Մասիս Մելքոնյանին, որը չորս ամիս առաջ է դատավոր նշանակվել ԲԴԽ-ի կողմից՝ «իրավունքի ուժով», քանի որ նախագահը չէր ստորագրել հրամանագիրը, իսկ մինչ այդ Մելքոնյանը զբաղվում էր քաղաքական գործունեությամբ՝ իշխանամերձ ՝ «Հանրապետություն» կուսակցության շարքերում։ Ավելին, նրա փաստաբանական գործունեության ընթացքը ևս առանց աղմկահարույց դեպքերի չի անցել։ Նրա դեմ հաղորդում էր ներկայացվել դերասանուհի Մարջան Ավետիսյանի կողմից, որի պնդմամբ՝ Մելքոնյանը իրենից գումար է շորթել, յուրացրել։ Այս պահին Մելքոնյանը մեղադրյալի կարգավիճակ չունի, սակայն քրեական պատասխանատվության ենթարկվելու վտանգ միշտ էլ առկա է։ Բացի այդ, ըստ շրջանառվող լուրերի, Մասիս Մելքոնյանը ՌԴ-ում բիզնեսով էր զբաղվում։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/09/2024 08:17 ԵՄ անդամության դիմումի թեման մոռացվել է․ «Հրապարակ»
- 05/09/2024 08:14 Եկեղեցուն տարիներով բոյկոտող վարչապետը հիշել է եկեղեցու մասին․ «Հրապարակ»
- 05/09/2024 08:11 Նիկոլ Փաշինյանի օրոք դպրոցներ են փակվում. Փաշինյանը խաբել է․ Մաս 205․ «Ժողովուրդ»
- 05/09/2024 08:08 Ասել են` «կայֆավատ լինել պետք չի»․ «Հրապարակ»
- 05/09/2024 08:04 Գիշերեիք «Հաղթանակ» զբոսայգում․ «Հրապարակ»
- 05/09/2024 07:57 Ինչպե՞ս փչացնել այսօրվա հավաքը. Փաշինյանը հանձնարարել է լուծումներ գտնել. «Ժողովուրդ»
- 05/09/2024 07:50 Փաշինյանը տեղյակ չէ բռնի տեղահանված արցախցիների ճակատագրից, սակայն բնակարանային ծրագրերից է խոսում. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/09/2024 12:03 Պատերազմները հաղթում են ուղեղով և դրա ապացույցը Շուշիի ազատագրման այս քարտեզն է. Սամվել Բաբայանը քարտեզ է հրապարակել
- 05/09/2024 10:56 Վարչապետի խոսնակի անունով տելեգրամյան ալիքը որևէ կապ չունի ինձ հետ. Նազելի Բաղդասարյան
- 05/08/2024 12:30 Հայաստանի համար այս վճռորոշ օրերին պարտավոր ենք նորի՛ց համախմբվել. Սեյրան Օհանյան
- 05/08/2024 10:19 Իշխանությունը կոնկրետացումից խուսափելու նպատակով մշտապես զրույցը տեղափոխում է վիրավորանքի դաշտ. Աբրահամյան
Արխիվ
Արտակարգ պատահարներ
- 05/09/2024 12:53 Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հայտնաբերվել է 5 օրական երեխա
- 05/08/2024 18:08 «Հաղթանակ» կամրջի հարևանությամբ գործող ռեստորանային համալիրի մոտ հայտնաբերվել է տղամարդու դի
- 05/08/2024 17:39 Հրդեհ ավտոմեքենայում
- 05/08/2024 16:41 Ավերիչ կարկուտի հետևանքները Կարբիում (տեսանյութ)
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն