ԲՈԼՈՐ ՆՅՈՒԹԵՐԸ
15 զինվորի մահվան գործով ՔԿ-ն խոտանված քննություն է վարել. այդպես էլ պարզ չէ՝ ինչու են փակ մնացել կացարանում 09/02/2023 12:58 | Քրեական խրոնիկոն
![](https://www.pastinfo.am/news_images/545/1632112_1/f64f2f95366ed3_64f2f95366f17.thumb.jpg)
ՔԿ-ն Ազատ գյուղի զորամասի կացարանում 15 զինծառայողի կյանք խլած ողբերգակավ հրդեհի գործով նախաքննության ավարտ է հայտարարել՝ առանց պարզելու, թե ինչու կացարանում գտնվող 18 զինծառայողներից 15-ն ի վիճակի չեն եղել դուրս գալու։
Հիշեցնենք, որ ողբերգական դեպքը տեղի է ունեցել հունվարի 19-ին՝ ժամը 01.30-ի սահմաններում, որի հետևանքով զոհվել է 15 զինծառայող, երեքը՝ տեղափոխվել Այրվածքաբանության ազգային կենտրոն, նրանցից երկուսը, այդ թվում, կապիտանը՝ տևական ժամանակ վերակենդանացման բաժանմունքում են գտնվել։ Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 4-րդ մասով, այն է՝ շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է երկու և ավելի անձի մահ։ Քրեական վարույթի շրջանակներում որոշումներ են կայացվել տուժող ճանաչելու մասին։
Դեպքի առթիվ նախաձեռնվել է նաև մեկ այլ առանձին վարույթ՝ ՀՀ քրեական օրենսգրքի 550-րդ հոդվածի 3-րդ մասով՝ զինվորական պաշտոնեական անփութության հատկանիշներով, որն անզգուշությամբ առաջացրել է մարդու մահ։ Նշված քրեական վարույթը միացվել է մայր գործին, համատեղ քննություն է իրականացվում։ Քրեական գործով այս պահին արդեն կա 4 մեղադրյալ, որից երկուսը կալանքի տակ են։ 4-րդ մեղադրյալը կապիտանն է, որն, ըստ Ն. Փաշինյանի կողմից կառավարության նիստում շրջանառության մեջ դրված վարկածի, փորձել է ավտոբենզինով վառել վառարանը։ Կապիտանը, ինչպես հայտնի է եւս այրվածքներ էր ստացել ու տևական ժամանակ գտնվում էր հիվանդանոցում, իսկ տուժող կողմը սկսել էր սեփական հետաքննությունն իրականացնել՝ չվստահելով պաշտոնական վարկածին։
Օրերս հայտարարվեց նախաքննության ավարտի մասին, սակայն թե՛ տուժող, թե՛ պաշտպանության կողմը դժգոհ է գործի քննությունից, պնդում են՝ իրական հանգամանքները շարունակում են մնալ չբացահայտված։ Կապիտան Եղիշե Հակոբյանի պաշտպան Հովսեփ Սարգսյանը «Փաստինֆո»-ի հետ զրույցում հայտնեց, որ գործի՝ 22 հատորից բաղկացած նյութերին ծանոթանալու համար 2-3 օր ժամանակ է տրվել քննիչի կողմից, թեև պաշտպանի գնահատմամբ՝ «իմաստ էլ չկա ծանոթանալու», որևէ նոր տվյալներ չկան քրեական գործով։
«Ինչ իրավիճակ եղել է հունվարի 19-ին, նույն իրավիճակը պահպանվել է, պարզապես փորձաքննությունների եզրակացություններ են ավելացել, ուրիշ ոչինչ։ Նախաքննություն, որպես այդպիսին, լիարժեք չի կատարվել»,- նշեց փաստաբանը՝ հավելելով, որ մինչդատական վարույթում միջնորդություններ ներկայացնելու իմաստ չկա, դրանք, միևնույն է, դատապարտված են լինելու մերժման. «Եթե նախաքննական մարմինը չի անում այն, ինչը պարտավոր է անելու, հիմա դու ինչ ես իրենից ցանկանում պահանջել, ասես՝ գնա, քո պարտականությունը կատարի՞, դու պարտավոր ես բազմակողմանի, լրիվ և օբյեկտիվ քննություն իրականացնել՝ պարզելու բոլոր հանգամանքները»։
Պաշտպանն ընդգծում է՝ նախաքննական մարմինն այդպես էլ չկարողացավ տալ՝ «ինչպե՞ս ստացվեց, որ 15 առողջ, երիտասարդ տղա չկարողացավ պայքարել իր կյանքի համար և պարզապես մահացան»։ Նրա խոսքով՝ այդ հարցի պատասխանը նախաքննական մարմինը չունի, նշանակվել են դիակների դատաբժշկական փորձաքննություններ, ինչպես նաև՝ դիակների դատաբժշկական լրացուցիչ փորձաքննություններ, որոնց եզրակացությամբ մահվան պատճառ նշվում է շմոլ գազը և այրվածքները, մինչդեռ, մինչև շմոլ գազի և այրվածքների առաջացումը մարդը պետք է պայքարի կյանքի համար, փորձի դուրս գալ, սակայն նախաքննական մարմինն այդ հարցի պատասխանը չկարողացավ տալ, պարզապես չունեն այդ պատասխանը։
«Ամբողջ գործի՝ 22 հատորի էությունը սա է։ Ինչպես առաջին օրը վարչապետը կառավարության նիստում ասել է, որ սպան անզգուշաբար բենզինն այրել է, ինչի հետևանքով 15 զինծառայող մահացել է, այս նույն բովանդակային կողմը 22 հատորի մեջ կարմիր թելի նման անցնում է։ Հիմա, կներեք, վարչապետ է, կարող է մի բան էլ ավել կամ պակաս ասի, նա իրավաբան չէ՝ մի կողմ թողնելով, որ կառավարության նիստին կարող է նման բան քննարկվել, գործադիր մարմնի ղեկավարը կարող էր ազդեցություն ունենալ, բայց նախաքննական մարմինն է այսպիսի վարքագիծ դրսևորում, ընկալելի չէ։ Իմ հույսն այն է, որ դատաքննության ընթացքում՝ դռնբաց նիստում, բոլորը և հատկապես դատավորը տեսնեն, որ ունենք դեպք և չունենք քննություն»,- նշեց փաստաբանը։
Ինչ վերաբերում է գործի քննության ընթացքում իրականացվող ՕՀՄ-ներին, ապա փաստաբանի դիտարկմամբ՝ դատաքննության ընթացքում ցույց կտրվի, թե ինչ ձևական բնույթ են կրել։ Ավելին, փաստաբանը հայտնեց, որ զինվորական հրամկազմը հետին ամսաթվով փաստաթղթեր են պատրաստել, ներառել գործում։
«Առհասարակ՝ որևէ բացատրություն կա՞, որ 2021թ մայիս ամսից վաշտը տեղակայված է եղել մի շինության մեջ, որն ունի երկաթյա ճաղավանդակներ։ Դուք հարցրեք ցանկացած ռազմական փորձագետին, ռազմագետին՝ որտեղ տեղակայված է լինում զորք, այդտեղ հնարավո՞ր է, պե՞տք է լինի ճաղավանդակ»,- նշեց փաստաբանը՝ հավելելով. «Եղիշե Հակոբյանի գործողության հետևանքով սկսվեց հրդեհը, բայց ինչու՞ մահացան, ո՞րն էր պատճառը, որ երիտասարդ տղաները, որոնք առավոտյան բավականին մեծ ծավալի աշխատանք են իրականացրել, չկարողացան վեր կենալ և 15 հոգի մեկ մարդու նման մահացա՞ն։ Մեկը չէ, երկուսը՝ չէ, խոսքը մոտ 28 քառակուսի մետր տարածքում 18 զինծառայողից 15-ի մահվան մասին, երեքն են փրկվել, որովհետև մեկը դրսում է եղել, մյուս երկուսին էլ լուսամուտով են հանել։ Այսինքն՝ երկուսը կարողացան գալ լուսամուտին, որ դուրս գան, բայց մյուսները չկարողացա՞ն, տեղում մահացա՞ն»։ Հարցադրումները փաստաբանը կբարձրացնի դատական նիստերի դահլիճում՝ քրեադատավարական և քրեաիրավական բովանդակ իմաստներով, սակայն, այս պահին ևս հարց հնչեցրեց՝ փիլիսոփայորեն, որի պատասխանն ունենալու պարագայում պետք է որոշել՝ որն է Եղիշե Հակոբյանի մեղքը և ինչքան է կազմում դա.« Խաղաղ ժամանակ՝ ենթադրաբար քնած զինվոր, ցանկացած որևէ մեկը թող փորձի քնած ժամանակ որևէ ծուխ լինի կամ հոտ լինի, մարդն անմիջապես արթնանում է։ Չի կարող այսպես լինել»։ Ըստ փաստաբանի՝ հրդեհի բռնկման պահին կամ բռնկումից անմիջապես հետո նրանք ի վիճակի չեն եղել շարժվելու, բնազդաբար պայքարելու իրենց կյանքի համար, ինչի պատճառով մահացել են։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
![](https://www.pastinfo.am/video_images/12/35380_1/f668804d9f1d6c_668804d9f1dac.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/26/2024 08:36 Փաշինյանը քայլեր է անում, որոնք քննադատում էր ընդդիմադիր եղած ժամանակ. «Հայկական ժամանակ»-ը պատկանում է վարչապետի զոքանչին. «Ժողովուրդ»
- 07/26/2024 08:31 Հսկողությունը հանձնվել է տեսչական մարմնին. «Հրապարակ»
- 07/26/2024 08:27 Տավուշը հանուն հայրենիքի» շարժումը նախընտրական արշա՞վ է սկսել. «Հրապարակ»
- 07/26/2024 08:19 Երկրում կուսակցաշինական բում է. նախընտրական շրջանի շունչ է զգացվում. «Հրապարակ»
- 07/26/2024 08:11 Կյանքը՝ Կիրանցում. 7 հոգի հրաժարվե՞լ է փոխհատուցումից. «Հրապարակ»
- 07/26/2024 08:05 Բուհերում թափուր տեղեր են մնացել, իսկ նախարարությունը արհեստական Ակադեմիական քաղաքի ծրագիրն է առաջ տանում. «Ժողովուրդ»
- 07/26/2024 08:01 515.430 արձանագրություն 25 օրում. քաղաքացին «տուգանքի մատերյալ է», իսկ ՔՊ-ականները անձեռնմխելի. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
Մեկնաբանություն
- 07/26/2024 18:47 Հետամուտ եմ լինելու նման վարք ունեցող մանկավարժներին ժամ առաջ մեր մանկապարտեզներից մաքրելու գործին. Գարիկ Սարգսյան
- 07/26/2024 18:18 Սյունիքի ճանապարհին պատահաբար նկատեցի, որ Երասխի հատվածում մեր հենակետի վրա այլևս ծածանվում է թշնամու դրոշը. Ասլանյան
- 07/26/2024 15:17 Մինչև ո՞ւր ենք իջեցնելու կրթության և գիտության նշանձողը. գիտական կոպիտ սխալներ ունեցող այս դասագիրքը հաղթել է. Կրթության փորձագետն ահազանգում է
- 07/26/2024 13:00 Կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը. Ոսկան Սարգսյան
Արխիվ
Արտակարգ պատահարներ
- 07/26/2024 19:56 Պարեկները վնասազերծել են «Գազել»-ի ուղևորին․ նրա մոտ ատրճանակ ու գաղտնի փականով դանակներ են եղել
- 07/26/2024 18:26 Վերին Խոտանան գյուղի եկեղեցու մոտ բեռնատարը խցանել է ճանապարհը
- 07/26/2024 17:48 Թիավարելով՝ մոտ 200 մետր հեռացել են ափից ու չեն կարողացել վերադառնալ
- 07/26/2024 16:25 Ավտոմեքենան արգելափակվել է Ապարանի ջրամբարի ջրի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/25/2024 23:47 Երգեք լոգարանում. հայտնի են ամենօրյա պարզ սովորությունները, որոնք օգնում են խուսափել դեմենցիայից
- 07/25/2024 22:13 70-ամյա տղամարդը 5 օր գոյատևել է վայրի բնության մեջ՝ առանց սննդի և ջրի
- 07/25/2024 17:11 Տղամարդը մարգարեական երազի շնորհիվ միլիոն դոլար է շահել
- 07/25/2024 16:18 Ամենասեքսուալ օլիմպիադան. Ֆրանսիայի իշխանությունները մրցումների մասնակիցներին 300 հազար պահպանակ են տրամադրել
Հետաքրքիր է իմանալ
- 07/26/2024 16:23 Պարզվում է՝ Ֆրանսիայի տարածքի չափեր ունեցող անտարկտիկական սառցադաշտը անընդհատ ճոճվում է
- 07/24/2024 14:01 Լուսնի հողաշերտում ջրի հետքեր են հայտնաբերվել
- 07/20/2024 19:45 Թմրանյութերը, ալկոհոլը և ծխախոտը կարող են տկարամտության պատճառ դառնալ
- 07/19/2024 16:22 Որքան մեծ է արեգակնային ակտիվության հետևանքով կատակլիզմների հավանականությունը Երկրի վրա