Փաստ ինֆո

ՀՀ պաշտպանության նախկին նախարար Դավիթ Տոնոյանն այսօր հայտարարել է, թե պատերազմի ժամանակ զիջելու, հանձնվելու հանձնարարություններ չի ստացել։

«Եղել է և՛ վիճաբանություն, եղել է և՛ միմյանց չհասկանալու կամ ճշգրտելու խնդիրներ, բայց դա բնական պրոցես է եղել։ Բայց, այնպիսի բան, որը կարող էր ազդել ռազմական գործողությունների կամ ԶՈւ կիրառման վրա՝ այդպիսի հանձնարարություններ չեն եղել»,- 44-օրյա պատերազմի հանգամանքներն ուսումնասիրող քննիչ հանձնաժողովի նիստին այս մասին ասել է ՀՀ Պաշտպանության նախկին նախարար Դավիթ Տոնոյանը՝ պատասխանելով հարցին, թե արդյո՞ք եղել է դեպքեր, որ ինքը պատերազմի ժամանակ ՀՀ վարչապետից ստանար ճնշում կամ հանձնարարական՝ զիջելու ու հանձնվելու։

«Ու հանկարծակի որևիցե մեկի մտքով չանցնի, թե՛ ընդդիմության, թե՛ դիմության, թե ես ինչ-որ գործարքի եմ գնում կամ չգիտեմ՝ ինչ եմ անում։ Ես շատ լավ գիտակցում եմ, թե ինչի համար եմ հիմա կալանավորված։ Ենթագիտակցաբար նաև կրում եմ այս կալանավորումը։ Ինձ համար ենթագիտակցաբար, ոչ թե այն փաթեթավորմամբ, որ կա՝ պատերազմի արդյունքի համար։ Ոնց ուզում են՝թող դրան վերաբերվեն։ Եվ հենց այդ ենթագիտակցությամբ պատրաստ եմ շարունակել, որպեսզի պարզ լինի, իրավիճակն էլ լիցքաթափվի»,- ասաց նա։

Տոնոյանը հայտարարեց, որ իր բնորոշմամբ, իր նկատմամբ առաջադրված այդ «բանսարկու մեղադրանքն» իր վերջո բացահայտվելու է՝ հավելելով, որ իր վերաքննիչ դատարանը որոշել է բեկանել իր կալանքի վերաբերյալ որոշումը»,- ասաց նա։
«Պրոբլեմն այն է, թե ինչ է կատարվել ամսի 9-ից (նոյեմբերի 9-ից- խմբ.) հետո, ավելի շոտ ամսի 20-ի իմ պաշտոնանկությունից հետո։ Մինչև ամսի 20-ը վարչապետի հետ այդպիսի որևիցե խնդիր չի եղել։ Ամսի 20-ից հետո ցանկացած քայլի վերաբերյալ ես կարող եմ հարյուրավոր ու հազարավոր արգումենտներ ներկայացնել»,- ասաց նա։

Աղբյուր` Փաստինֆո