Փաստ ինֆո

Փաշինյանը բացահայտ հայտարարում է, որ Արցախը դարձրել է քաղաքական առեւտրի առարկա, Արցախը հանձնում է, որ Ադրբեջանն, իբր, ճանաչի ՀՀ տարածքային ամբողջականությունը՝ Փաշինյանի ասած 29.800 քառ. մ տարածքը։ Այս մասին նրա անուղղակի խոստովանությունը հնչեց, երբ լրագրողը հետաքրքրվեց, թե արդյոք Փաշինյանը պատրաստվում է հանրաքվե անցկացնել՝ պարզելու, թե ՀՀ քաղաքացիները համաձայն են, որ Արցախը դառնա Ադրբեջանի մաս։

«Հանրաքվեի անհրաժեշտություն՝ ինչի՞ մասին։ Արդյո՞ք ՀՀ-ն ուզում է, որ Ադրբեջանը ճանաչի Հայաստանի տարածքային ամբողջականությունը՝ 29.800 քկմ-ն։ Օրինակ՝ այդ հարցով հանրաքվե՞ անցկացնենք, բա որ քվորում չլինի»,- հարցը վերաձեւակերպեց Փաշինյանը։

Փաշինյանը համոզմունք հայտնեց, որ Հայաստանի ժողովրդի համար անծանոթ է ՀՀ 29.800 քկմ տարածքի թիվը։ Իր խոսքով՝ ժողովրդին թվում է, թե «այդ թիվը լղոզելով» հնարավորություններ են բացում Հայաստանի առաջ։ Տեսակետ հայտնեց, թե իրականում մենք դրանով մեր պետականությունն ենք լղոզել։

Նա հայտարարել է, թե շատ կարևոր նրբություններ կան, թե դա ինչ բազայի վրա պետք է իրականացվի, որպեսզի չխախտվի Հայաստանի 29.800 քկմ տարածքային ամբողջականությունը։ Ես ուզում եմ հստակ հասկանանք, որ սա պայմանավորվածություն է։
«Այդ պայմանավորվածությունը տեղի է ունեցել։ Ես համարում եմ։ Այդ պայմանավորվածությունը կայացած, իսկ եթե Ադրբեջանը չի համարում այդ պայմանավորվածությունը կայացած, պետք է հայտարարի այդ մասին»,- հայտարարել է Փաշինյանը։

Լրագրողի այն դիտարկմանը, թե ինչ իրավունքով է ինքն ու իր թիմը որոշում հազարամյա Արցախի ճակատագիրը՝ հայտարարելով, որ ճանաչում են Ադրբեջանի տարածքային ամբողջականությունը, Արցախը ներառյալ, այն դեպքում, երբ 2019 թվականին իշխանության են եկել այլ թեզերով, իսկ Արցախի ժողովուրդն իր ապագան չի տեսնում Ադրբեջանի կազմում։ Լրագրողը նաև հետաքրքրվել էր, թե ինչու ՀՀ ներկա իշխանությունները հանրաքվե չեն իրականացնում՝ պարզելու համար, թե արդյո՞ք այն ժողովուրդը, որին (նախկինում իր հայտարարության համաձայն- խմբ.) պատկանում էր իշխանությունը, համաձայն է, որ Արցախը ճանաչվի Ադրբեջանի կազմում։

Աղբյուր` Փաստինֆո