Փաստ ինֆո

Նիկոլ Փաշինյանը վերջին օրերին, ըստ էության, հրապարակել է Արցախը և Հայաստանը հանձնելու ճանապարհը և ժամանակացույցը: ԱԺ-ում տեղի ունեցած ճեպազրույցում ասել է ՀՅԴ ԳՄ ներկայացուցիչ, ՀՀ ԱԺ պատգամավոր Իշխան Սաղաթելյանը:

Նրա կարծիքով, մայիսի 25-ին Մոսկվայում հանդես կգան եռակողմ ինչ-որ հայտարարությամբ, որից հետո այդ ամենը կշարունակվի

Քիշնևում, այնուհետև Բրյուսելում կփորձի պայմանավորվել կապիտուլյացիայի նոր պայմանագրի շուրջ:
«Հոկտեմբերի հանդիպման մասին ևս հայտարարվել է, կփորձեն ունենալ ամբողջական կապիտուլյացիայի պայմանագիր, այնուհետև այն կվավերացնեն: Ըստ էության՝ ՀՀ բոլոր քաղաքական ուժերը, հայ ժողովուրդը, մտահոգ քաղաքացիները ունեն ընդամենը 5-6 ամիս՝ երկիրը հանձնելու գործընթացը կասեցնելու համար», - հայտարարել է Իշխան Սաղաթելյանը` ընդգծելով, որ այս վիճակի հետ չեն համակերպվելու:

«Վերջին երեք տարվա ընթացքում շատ կոնկրետ քայլեր ու գործողություններն արել ենք, հիմա ևս հայտարարում եմ, որ այս իրավիճակի հետ մենք չենք համակերպվելու, չենք հանձնվելու, պայքարելու ենք մինչև վերջին շունչ։ Բոլոր այն խոսակցությունները, որ ընդդիությունը հեռացել է իր օրակարգից, դադարեցրել է պայքարը՝ այդպես չէ: Անցած տարի այս օրերին ինչ արել ենք, կանխել, հետաձգել գործընթացը: Եթե անցած տարի այն, ինչ արել ենք արած չլինեինք, այս գործընթացն այլևս ավարտված կլիներ: Հիմա մեր խնդիրն է նոր թափով, նոր ուժով Հայաստանում, Արցախում, սփյուռքում ձևավորել համաժողովրդական դիմադրություն, ՀՀ քաղաքացիներին պատրաստել լայն համաժողովրդական անհնազանդության, դուրս գալ և կանխել այս իրավիճակը», - նշեց Իշխան Սաղաթելյանը` վստահեցնելով, որ ՀՅԴ-ն ունի իր պատկերացումները և՛ փողոցային պայքարի, և՛ առաջիկա անելիքների մասով:

Մանրամասները` տեսանյութում

Աղբյուր` Փաստինֆո