ԲՈԼՈՐ ՆՅՈՒԹԵՐԸ
Կնոջը սպանել է երեք տարեկան երեխայի աչքի առաջ. ՔԿ-ն սահմռկեցուցիչ մանրամասներ է բացահայտել 05/01/2023 20:20 | Քրեական խրոնիկոն
Կնոջը խեղդամահ անելու մեջ մեղադրվող Մրգավետ համայնքի ղեկավարի որդու՝ Նարեկ Սարգսյանի, մեղադրանքը ծանրացվել է, նրան այժմ մեղսագրվում է նաև սպանության ընթացքում ցուցաբերված առանձին դաժանությունը։ Պարզվում է՝ կինը խեղդամահ է արվել՝ երեք տարեկան երեխայի աչքի առաջ։
Հիշեցնենք, որ տուժողի՝ 35-ամյա Տաթևիկ Աբրահամյանի դին հայտնաբերվել է 2022թ. մայիսի 5-ին՝ Երևանի բնակարաններից մեկում՝ պարանոցի և դեմքի շրջանում բռնության հետքերով։ Վերջինս ոստիկանության Կոտայքի մարզային վարչության նախկին պետ, ոստիկանության գնդապետ Ավետիք Աբրահամյանի դուստրն էր, աշխատում էր ԵՊՀ-ում՝ որպես դասախոս։ Քրեական վարույթի շրջանակներում ձերբակալվել, ապա՝ կալանավորվել է Տաթևիկի ամուսինը՝ Նարեկ Սարգսյանը։ Նրան մեղադրանք է առաջադրվել ՀՀ նախկին քրեական օրենսգրքի 104-րդ հոդվածի առաջին մասով՝ սպանության հատկանիշներով։ Նարեկ Սարգսյանը Մրգավետ համայնքի ղեկավարի որդին է, որն ըստ մեղադրանքի՝ խեղդամահ է արել կնոջը։
Գործով նախաքննությունն օրերս ավարտվել է, առաջիկա օրերին տեղի կունենա նախնական դատական նիստը։ Նարեկ Սարգսյանի պաշտպան Աննա Ծառուկյանը «Փաստինֆո»-ի հետ զրույցում հայտնեց, որ մեղադրանքը փոփոխվել է, խստացվել, նրան ներկայացված մեղադրանքը համապատասխանեցվել է ՀՀ քրեական գործող օրենսգրքի 155-րդ հոդվածի 2-րդ մասի 6-րդ կետով՝ առանձին դաժանությամբ սպանության հատկանիշներով։ Ըստ վարույթն իրականացնող մարմնի, կնոջը խեղդամահ են արել երեք տարեկան երեխայի աչքի առաջ։ Պաշտպանը, սակայն պնդում է, որ որևէ փաստական տվյալ չկա, որ երեխան եղել է դեպքի վայրում, եթե անգամ հիմնավորվեր, որ դա Նարեկ Սարգսյանն է արել։ Ավելին՝ փորձաքննության եզրակացություն է բերվել, որը վիճարկել է։ Ծառուկյանի խոսքով՝ փորձաքննության եզրակացության համաձայն՝ երեխան իր տարիքում ունի ընկալման հետ կապված խնդիրներ, երեխան դեպքն ամբողջությամբ՝ ոչ իրավական, ոչ տեսական, ոչ օբյեկտիվ իրականության մեջ ընկալել չի կարող, հետևաբար, առանձնակի դաժանության հանցակազմը բացառվում է, ընդ որում, վարույթի շրջանակներում կան տվյալներ, որ երեխան դեպքի վայրում չէր կարող լինել, քանի որ նա տանից դուրս է եկել։ Բացի այդ, նախ պետք է հասկանալ, որ Սահմանադրությունը հստակ երաշխիք է տալիս՝ մերձավոր ազգականի դեմ ցուցմունք չտալու, երեխան ունի ընտրության իրավունք, բայց քանի որ անչափահաս է՝ չի կարող դա անել։
Պաշտպանության կողմը շարունակում է պնդել, որ Նարեկ Սարգսյանն առնչություն չունի դեպքին։
«Մենք ունենք սուբյեկտ, որը ցուցմունք է տալիս և ասում, որ դեպքի ժամանակ՝ X ժամանակահատվածում տեսել է Նարեկ Սարգսյանին՝ տուժողի դուռը ծեծելիս, մինչդեռ, ապացույցներով հիմնավորվում է, որ փաստացի այդ պահի դրությամբ՝ Նարեկ Սարգսյանը եղել է այլ վայրում»,- նշեց փաստաբանը։
Մյուս հանգամանքը, որն ըստ պաշտպանության կողմի, վկայում է, որ Նարեկ Սարգսյանին վերագրվող արարքը չէր կարող նրա կողմից կատարված լինել, դիակի դատաբժշկական փորձաքննության եզրակացությունն է։
«Մահը վրա է հասել դիահերձումից 12-16 ժամ առաջ, իսկ դիահերձումը սկսել է ժամը 11.00-ից 14.00-ն ընկած ժամանակահատվածում։ Այսինքն, պետք է հասկանանք, որ 2022թ մայիսի 4-ին ժամը՝ 21.15-ից մինչև 23.20 ընկած ժամանակահատվածում է դեպքը տեղի ունեցել, երբ տուժողը խեղդամահության արդյունքում մահացել է, մենք այստեղ փաստ չունենք, որովհետև դիահերձման փորձաքննությունն ասել է, որ ժամը 23.30-ից սկսած մինչև առավոտվա 06.00-ն կարող էր մահը վրա հասնել»,- նշեց փաստաբանը՝ հավելելով, որ նախաքննության ընթացքում պնդում էին, որ դա կարող է լինել բժշկական անփութության արդյունք, քանի որ փաստական տվյալներ կան, որ բժիշկները վախ են ապրել, որ քրեածին գործողություններ են առկա և իրենց գործողությունները պատշաճ չեն իրականացրել։
Պաշտպանության կողմը գտնում էր, որ պետք է կրկնակի հանձնաժողովային փորձաքննություն իրականացվեր՝ բացառելու բժշկական անփութության հարցը. «Քիչ չեն դեպքերը, երբ նախնական փորձաքննության եզրակացությամբ՝ մահը վրա է հասնում X պարագայում, սակայն կրկնակի փորձաքննություններից հետո բոլորովին այլ պատկեր է փաստվել։ Սա է, որ մեզ անհանգստացնում է, քանի որ գտնում ենք, որ օբյեկտիվ քննչական մարմինների գործողությունների հետ գործ չունենք, քանի որ կա միայն մեկ ուղղություն՝ անել ամեն ինչ, որ նարեկ Սարգսյանը մեղադրանք ունենա»։
Փաստաբանի խոսքով՝ քրեական գործով առկա են նաև այլ փորձաքննություններ, հանձնել են բոլոր փորձանմուշները և փորձաքննությունների որևէ եզրակացություն չի եղել ի վնաս մեղադրյալի։
«ԴՆԹ անջատվել է և՛ տուժողից, և՛ իմ պաշտպանյալից, գենետիկական բնութագիր, որպես այդպիսին, հագուստներից՝ արական սեռի չի հայտնաբերվել՝ ըստ եզրակացության, մինչդեռ, հայտնաբերվել է հստակ կանացի ԴՆԹ, որի արդյունքում մենք միջնորդություն ենք ներկայացրել՝ պարզելու, թե դեպքի ժամանակ ինչ իգական սեռի ԴՆԹ է անջատվել, ստացել ենք մերժում, սակայն վարույթի նյութերում առանձին տեսնում ենք՝ օպերատիվ-հետախուզական գործողությունների հանձնարարություն՝ պարզելու, թե ինչ իգական սեռի անձանցից է անջատվել այդ ԴՆԹ-ն՝ որոշակի իրերի վրա։ Ստացվում է՝ ունենք կասկածներ, որոնք պետք է մեկնաբանվի բացառապես հօգուտ մեղադրյալի։ Ունենք ապացույցներ, որ Նարեկ Սարգսյանի՝ առաջին ելքի ժամանակ, երբ երեխային վերցրած դուրս է գալիս, տուժողը եղել է ողջ, սակայն երկրորդ անգամ, երբ Նարեկ Սարգսյանը գալիս է դեպքի վայր՝ կա երկու անձ, տեսնում ենք՝ մեկ անձի՝ շենքից դուրս գալու փաստ, չեն կարող պնդել, որովհետև չկա նույնականացում՝ Նարեկի վերաբերյալ, կա նաև փաստ, որ Նարեկ Սարգսյանի ալեհավաքները բոլորովին այլ վայրում են, այսինքն, տեսախցիկներում Նարեկը չէ»,- հայտարարեց փաստաբանը՝ հավելելով, որ նախաքննության ընթացքում պնդել են, որ դեպքի վայրում այլ անձ է եղել, պահանջել, որ առգրավվեն, ստուգվեն նկուղային հարկի տեսախցիկները, սակայն այդ ուղղությամբ ոչինչ չի իրականացվել. «Ամբողջ քրեական վարույթում առկա են ցուցմունքներ բացառապես շահագրգիռ անձանց կողմից, ունենք մեկ անկախ ցւցմունք, որն արդարացնող է և ունենք ցուցմունքներ, որոնք սուտ են։
Շահագրգիռ անձանց մասով՝ բարեկամների ցուցմունքներ են, որոնք դեպքի վերաբերյալ ոչինչ չեն փաստում, փաստում են ենթադրյալ ծեծի մասին, որով առանձին վարույթ է իրականացվում։ Ինչ վերաբերում է շրջանառվող լուրերին, որ դեպքի ժամանակ Նարեկ Սարգսյանը եղել է թմրանյութերի ազդեցության տակ, ապա պաշտպանը վստահեցրեց, որ դա հերքվել է. փորձաքննությունների եզրակացությամբ՝ արյան, մեզի և մազի նմուշներում թմրանյութի հետքեր չեն հայտնաբերվել. «Միայն սա բավարար է, որ այդ խոսակցությունների մակարդակից դուրս գանք, լրջորեն մոտենան հարցին և հասկանան, որ անձն՝ ակնհայտ անմեղ, գտնվում է անազատության մեջ»։
Նշենք, որ մայիսի 3-ին նշանակված է նախնական դատական նիստը, որի ընթացքում կքննարկվի նաև Նարեկ Սարգսյանի նկատմամբ ընտրված խափանման միջոց կալանավորումն անփոփոխ թողնելու կամ նրա նկատմամբ անազատության հետ չկապված խափանման միջոց կիրառելու հարցը։ Պաշտպանը մտահոգված է, որ Նարեկ Սարգսյանը, որն արդեն մեկ տարի է, ինչ կալանքի տակ է, չի կարող տեսակցել անգամ երեխային, ավելին, առկա է հոգեբանի կողմից տրված եզրակացություն, որի համաձայն՝ Նարեկ Սարգսյանի և իր երեխայի կապը խզվելու արդյունքում Սարգսյանն ունի հոգեբանական խնդիրներ, առկա է խոշտանգման տարրեր պարունակող հանգամանք։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/03/2024 08:19 Ճանապարհից երևում են նշաձողերը․ «Հրապարակ»
- 05/03/2024 08:13 70-ամյա փարպեցին ևս մասնակցում է բողոքի ակցիաներին․ «Հրապարակ»
- 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ»
- 05/03/2024 08:07 Հայրենիքի հանձնմանն անձամբ հետեւել է ռազմական ոստիկանության պետ Աշոտ Զաքարյանը․«Հրապարակ»
- 05/03/2024 08:02 ՔՊ-ն գլխավոր դատախազի հաշվետվությունը վերածելու է ընդդիմության դատաստանի․«Հրապարակ»
- 05/03/2024 07:51 Կարեն Անդրեասյանի խնդրահարույց եւ աչառու պաշտոնավարումը` Freedom House -ի զեկույցում. «Ժողովուրդ»
- 05/03/2024 07:44 Կառավարությունը 210 մլն դոլար արժողությամբ պայմանագիր է կնքել. Սարյանի «ՀայՓոստ»-ի փոխարեն` «Համաշխարհային առեւտրի կենտրոն Երեւան». «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
Արխիվ
Արտակարգ պատահարներ
- 05/03/2024 16:09 ՃՏՊ Երևան-Իջևան ավտոճանապարհին․ կան տուժածներ
- 05/03/2024 10:22 Զովունիում գազաբալոն է այրվել
- 05/01/2024 21:54 Խոշոր ավտովթար․ ընտանիքի 4 անդամներ, այդ թվում՝ երեխաներ, տեղափոխվել են հիվանդանոց
- 05/01/2024 21:13 Մասիսում մի խումբ անձանց միջև վիճաբանությունը վերածվել է ծեծկռտուքի․ կան վիրավորներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն