Փաստ ինֆո

Ինձ դառնացնում է, որ այդ լրջության մարդը Հայաստան է ղեկավարել, ո՞նց կարելի է այդքան անլուրջ լինել։ Հազարավոր կամավորներ են մասնակցել պատերազմին, որևէ մեկը Ձեզ ասե՞լ է, որ զենքի պակաս է ունեցել... Դա կատարյալ սուտ է։ Այս մասին այսօր ասուլիսում հայտարարեց ՀՀ վարչապետ Նիկոլ

Փաշինյանը՝ արձագանքելով օրեր առաջ ՀՀ նախագահ Սերժ Սարգսյանի այն հայտարարությանը, թե Հայաստանը 2018–ից ի վեր ռազմական օգնություն չի ստացել, իսկ 44-օրյա պատերազմում ռազմական գործողությունների ժամանակ ունեցած զինամթերքի 50 տոկոսն է միայն օգտագործվել։
«2018–ից մինչև 2020 թթ.–ը ՀՀ–ն ձեռք է բերել ավելի շատ զինամթերք, քան նախորդ 10 տարին միասին վերցրած։ Սա ապացուցված վիճակագրություն է»,- նշեց ՀՀ վարչապետը։

Նրա խոսքով՝ ՍՈւ-30-երը չեն օգտագործվել, որովհետև դրանք այդ պահին ձեռք են բերվել ոչ վաղ անցյալում և դեռ ֆիզիկապես պատրաստ չեն եղել կիրառման։ Ըստ Փաշինյանի՝ Սու-30-երից բացի՝ մեր զինանոցում եղած զենք չկա, որ չի կիրառվել, իսկ ՀՀ–ն 44-օրյա պատերազմում պարտվել է, որովհետև բանակում գործել է «5-րդ շարասյունը»։

«Սա իմ համոզմունքն է մի շարք փաստերի վերլուծության արդյունքում։ Այսօրվա դրությամբ ՀՀ ԶՈՒ 50-ից ավելի զինծառայողներ, այդ թվում՝ բարձրաստիճան սպաներ, մեղադրվում են լրտեսության մեջ, պետական դավաճանության մեջ։ Ես չգիտեմ Հայաստանում այդպիսի մարդ կա, որ մտածում է, որ այդ մարդկանց գլխին գործ են սարքել, եթե մտածողներ կան, դա շատ վատ է։ Այսօր մենք կալանքի տակ ունենք բարձրաստիճան զինվորականներ այլ հոդվածներով»,- հավելեց Փաշինյանը։ Մանրամասները՝ տեսանյութում։

Աղբյուր` Փաստինֆո